मर्कूस 5:22 - थुलुङ राई

²² घ्रो़म्‍दीनेमगोडाम उनी ङाउमिमगोडाम कोले याइरस र्‍वाक्‍मा मेसिन्‍डा रोक्‍ता, मा येशूलाई ल्‍वास्‍तु़लो कुम्‍स्‍तामा उनीमा खेलडा सेव साड्‌डु़।

मर्कूस 5:22 Referans Kwoze

लूका 13:14

लावो मेराम मेसेमलाई येशूका ङेम्‍सिमुनेम सबेट्‌मिडिमका घ्रो़म्‍दी नेमडाम ङाउकु छोक्‍चो बक्‍ता। मेम्‍मा गुका मे मु़चु़मिमलाई र्‍वाक्‍ता, “हप्‍ताका खारी बेपा रुलेम बु। ओ रुलेमगोडा रोक्‍नीमा सनी। ङेम्‍सिमु नेम ने मेएँ सो़।”

थु़र्मा 18:17

मेकोतिमा मेर्मिम खोत्‍लेका घ्रो़म्‍दीनेमडाम ङाउ सोस्‍थेनेसलाई चु़म्‍मिडिमा अदालतकु ङादोडा ङा याल्‍मिडी। लावो गलियोनका मेराम ल्‍वाथो़ हाम वो न मेसोकु़वा।

थु़र्मा 18:8

मे घ्रो़म्‍दीनेमडाम साखामचो़ क्रिस्‍पस नुङ उ नेमडाममिम खोत्‍लेका येशूडा थो़र लु़म्‍डी। कोरिन्‍थ शहरडाम मु़चु़मिमका वो हापाका पावलकु सिजेम थो़साका येशूडा थो़र लु़म्‍डिमा कु-रु़दु़म रम्‍डी।

थु़र्मा 13:15

मोशाकु डु़म्‍ला नुङ माम्‍चु़नीलाम-जेपामिमकु खाजेम डाट्‌मिडिम चङडा घ्रो़म्‍दीनेमडाम डोक्‍पु ङाउमिमका मेर्चिपकाडा आरे र्‍वाक्‍पा सेला थु़र्मिडी, “छारीची, गाचीनुङ मु़चु़मिमकाम सो हन्‍बेट्‌पा कोङनिम सिजेम बु माला जेची।”

लूका 5:8

ओराम ल्‍वास्‍तु़मा सिमोन पत्रुसका येशूकु खेल चु़म्‍डु़मा र्‍वाक्‍ता, “ए ङाचो़, गो ने छु़लचो़ सो़। मेम्‍मिमका आमा फार्डा मेबानी।”

मर्कूस 5:33

मेकोतिमा मे मेसेमका उ त्‍वापलाई हाम दु़स्‍ताम बु र्‍वाक्‍पा चडु़। मेम्‍मा येशूकाडा रोक्‍तामा उनीमा खेल चु़म्‍डु़मा ङिमुका रुक्‍तोङा आच्‍छाङाकाम खोत्‍ले ल्‍वा गुमीनुङ सो़यु़डु़।

रेम्‍बेट्‌मिडिम ल्‍वा 22:8

ओर्मिम ल्‍वा ल्‍वापा नुङ थो़पा गो यूहन्‍ना। हाङकोलो ओर्मिम ल्‍वा ल्वाउतो, थो़उतो ओर्मिम ल्‍वा गोलाई रेम्‍बेट्‌पा पाह्रीचो़कु खेलयु़ सेव सान्‍मु कुम्‍सिङडो।

लूका 8:28

मेराम मु़चु़का येशूलाई ल्‍वास्‍तु़मा उनी खेलफारयु़ खुम्‍बु बु़डु़, मा डोक्‍पु लो़लामका र्‍वाक्‍ता, “खोत्‍लेडाम घ्‍ल्‍वापा माम्‍चु़नीकु चो़ येशू, गानी गोनुङ हाम बोमु माल्‍निमिम? गो गानीनुङ र्‍वाङु, गोलाई दु़खा मेग्‍वाङनी।”

मर्कूस 5:38

गुमी याइरसकु नेमडा रोम्‍फाम्‍डिलो मेसिन्‍डा येपा-दुक्‍पा मा ख्राप्‍तोङा बेपामिम नुङ येत्तो-ख्रापामिम ल्‍वाम्‍डी।

मत्ती 2:11

मेम्‍मा मेर्मिम नेमगोनो हुम्‍डी, मा माम मरियमनुङ बाट्‌पा मे चो़च्‍चो़ ल्‍वाम्‍डी। मेर्मिमका क्रचु़खुम बेम्‍डिमा चो़च्‍चो़लाई डोक्‍पु मिम्‍साका सेव साट्‌मिडी। मेकोतिमा उनी कन्‍तुर होर्साका गुमीलाई सो़ना, धूप नुङ मूर्र ग्‍वाम्‍डी।