मर्कूस 5:15 - थुलुङ राई

¹⁵ मेर्मिम येशूकाडा रोम्‍फाम्‍डिलो मे मुनाङपेलनुङमा मु़चु़, उहेमनुङ ङादो छो़म सेर्पा मुनाङमिम बाम्‍थाल्‍मिडिम बाइडा, मेराम मु़चु़ ये फतासिड्‌डामा उ ननुङमा ङा गन्‍तासिट्‌पा ल्‍वाम्‍डी। मेम्‍मिमका मेर्मिम छो़म ङिम्‍डी।

मर्कूस 5:15 Referans Kwoze

कलस्‍सी 1:13

गुमीका गुइलाई तुकुम्‍चिम गोडा साखाम थो़पा शैतानकु किब्‍दीलामका गेसाका ख्‍लुक्‍साड्‌डामी मा उनीमा द्‌वादीबुङ तारापाचो़कु किब्‍दीगोडा रेसाड्‌डामी।

२ तिमोथी 1:7

हेङालोने माम्‍चु़नीका गुइलाई ङिमलु़बेट्‌पा न मेएँ, लावो यु़म, रिखाम नुङ त्‍वापलाई जो़होमका जु़ल्‍पा न ग्‍वाक्‍साड्‌डामिम बु।

लूका 8:27

येशू दिरिदिनकु सो़प फार्डा लुम्‍डिलो मेराम शहरडाम कोले मु़चु़ डार्मिडी, मेरामलाई मुनाङका हुप्‍डु़म बाइडा। मेराम मु़चु़का हापा ङादो आथामङा ये मेफस्‍थालावा, मा नेमडा मेबासाका सु़लु़मदुबाडे बाइथाल्‍ला।

मर्कूस 5:9

गुमीका मेरामलाई, “इमा नङ हाम?” र्‍वाम्‍डिमा हिलाबेम्‍डी। मेरामका र्‍वाक्‍ता, “आमा नङ फौज, हेङालोने गुकु छो़म सेर्पा बुकु।”

लूका 10:39

मेराम मेसेमकाम कोले मरियम नङकाम उ जाउमो ल्‍वाक बाइडा। मेरामका येशूकु फार्डा गन्‍स्‍तामा उनी सिजेम थो़त्तोङा बु़डु़।

मर्कूस 5:18

मेकोतिमा येशू कुबी-बोक्‍साडला हुत्तोङा बेम्‍डिलो ङादो मे मुनाङपेलमिमका हुप्‍डु़म मु़चु़का वो गुमीनुङङा लङु र्‍वाक्‍ताम-र्‍वाक्‍तामङा बु़डु़।

मर्कूस 5:16

ओराम ल्‍वापामिमका मे मुनाङपेलनुङमा मु़चु़ नुङ ब्‍वामिमलाई हा-हाम दु़स्‍ताम बाइडा मेर्मिमनुङ सो़म्‍डी।

मर्कूस 5:4

हेङालोने मेरामलाई हापाखेपङा सेल रिवाका उमा ल्‍वा-खेल बसाका जु़ल्‍मिडिम बाइडा। लावो मेरामका मे उमा ल्‍वा-खेलडाम सेलकु रिवामिम रो़-रो़ फ्‍यास्‍थाल्‍लु़, मा मेरामलाई ल्‍वाडा जु़ल्‍मु चापा सु़ वो मेबामिवा।

मत्ती 12:29

कोङनिमका सोनुङमा मु़चु़कु नेमगोनो हुसाका उ खाप्‍चीमिम खुमु न बु़डु़ माला गुका ङादो मे सोनुङमा मु़चु़लाई बन्‍मु बासी। मेम्‍मा मे नेमगोनोम खाप्‍चीमिम खुमु चाप्‍सु़।

मत्ती 4:24

उनी खारीकु दुथाममिम ल्‍वामिम होनोवा बाट्पा सिरिया क्षेत्रडा वो थो़म्‍डी। मेम्‍मा नो़पामिम खोत्‍लेलाई मु़चु़मिमका येशूकाडा रेट्‌मिडी। मुनाङपेलका हुपा, धामुलामका बेट्‍पा, मा ल्‍वा-खेल सोक्‍पा, हेप्‍माम नो़पा सोमोरीनुङमा लोवो खोत्‍लेलाई येशूका सबेट्‌मिडी।

मत्ती 9:33

येशूका मुनाङ कोल्‍मिडिमा मे मु़चु़ जेमु चो़म्‍डु़। मेकोतिमा सेर्पा मु़चु़ ङाङाया दु़म्‍तो र्‍वाम्‍डी, “इस्राएलडा आरेप्माम ने हेल्‍लो वो दु़स्‍ताम मेबायावा।”

मत्ती 26:53

ख्‍लो़ला सो़म्‍सिमुकाम लागि गो आमा पापनुङ र्‍वामु चापु, मा गुमीका को-न (१२) पल्‍टनडाम वो हापा पाह्रीचो़मिम थु़र्थामी र्‍वाक्‍पा हाम गाना मेचना?

मर्कूस 5:14

मे ब्‍वा रेपामिम मेलामका स्‍वाम्‍ल्‍याम्‍डी, मा शहर नुङ देलगुथाबाडे लम्‍डिमा मेराम ल्‍वा थो़बेट्‌मिडी। मेकोतिमा मेसिन्‍डा हा-हाम दु़स्‍ताम बाइडा र्‍वाक्‍साका मु़चु़मिम रेप्‍डा रोम्‍डी।