मर्कूस 5:14 - थुलुङ राई

¹⁴ मे ब्‍वा रेपामिम मेलामका स्‍वाम्‍ल्‍याम्‍डी, मा शहर नुङ देलगुथाबाडे लम्‍डिमा मेराम ल्‍वा थो़बेट्‌मिडी। मेकोतिमा मेसिन्‍डा हा-हाम दु़स्‍ताम बाइडा र्‍वाक्‍साका मु़चु़मिम रेप्‍डा रोम्‍डी।

मर्कूस 5:14 Referans Kwoze

लूका 8:34

मे ब्‍वामिम भ्‍र्‍वालामका झार्मिडिम ल्‍वाम्‍डिमा ब्‍वा रेपा मु़चु़मिम स्‍वाम्‍डी, मा मेराम शहर नुङ देलबाडे ओराम ल्‍वा सो़म्‍डी।

मत्ती 8:33

मेम्‍मा ब्‍वा रेपा मु़चु़मिम मेमबाडेम शहरथो़ स्‍वाम्‍डी, मा मेसिन्‍डा हाम दु़स्‍ताम मा मुनाङका हुपा मु़चु़चिप हाम दु़म्‍ची, मेर्मिम ल्‍वा खोत्‍लेनुङ सो़च्‍ची।

मत्ती 7:6

“सेपा थोकमिम ख्‍लेबामिमलाई मेग्‍वाक्‍नी, मेएँ माला ने मेर्मिमका गानीलाई घ्रमु माल्‍निमी। हापा थिकाम दिरिल्यमिम ब्‍वामिमकु ङादोडा मेफोट्‍नी, मेर्मिमका मेरामलाई देम्मिमा हाम ना हामकाम बनेबोमी।”

मर्कूस 5:13

मेकोतिमा येशूका मेर्मिमलाई ब्‍वामिमगोनो हुमु ग्‍वाम्‍डी, मा मे मुनाङपेलमिम पाखा लुम्‍डिमा ब्‍वामिमगोनो हुम्‍डी। मेसिन्‍डा न धु़मसङ (२,०००) ब्‍वामिम मेराम पोप्‍चङ धालीङा ओन्‍तो लम्‍डिमा खोत्‍ले ङा दिरिदिनगोयु़ प्‍लु़म्‍सिम्‍डिमा सिम्‍डी।

मर्कूस 5:15

मेर्मिम येशूकाडा रोम्‍फाम्‍डिलो मे मुनाङपेलनुङमा मु़चु़, उहेमनुङ ङादो छो़म सेर्पा मुनाङमिम बाम्‍थाल्‍मिडिम बाइडा, मेराम मु़चु़ ये फतासिड्‌डामा उ ननुङमा ङा गन्‍तासिट्‌पा ल्‍वाम्‍डी। मेम्‍मिमका मेर्मिम छो़म ङिम्‍डी।