मर्कूस 4:8 - थुलुङ राई

⁸ मेम्साकाङा याङ-याङ भ्रल ने जो़पा क्‍वाड्‌डा झुम्‍डी मा ल्‍याम्‍डी, बर्मिडी, मेम्‍मा कोलेका सु धु़म (३०) कोति छो़म, कोङमीका रु धु़म (६०) कोति छो़म, मा कोङमीका को सङ (१००) कोति छो़म मा फिम्‍डी।”

मर्कूस 4:8 Referans Kwoze

यूहन्‍ना 15:5

“गो अङ्‍गूरकु रो़ल सो़, मा गानी ग्रेममिम। कोङनिम मु़चु़ गोगोडा दु़म माला गो गुगोडा दु़म्‍ङुमा मेरामका हापा मा सिन्‍बेडु़। गोडाम फ्‍वासिक्‍साका गानी हाम वो बोमु मेचाम्‍नी।

कलस्‍सी 1:6

मेराम जो़पा-सेला इनीमाडा रोक्‍ताम बु। सु़म्‍दिसेर खोत्‍लेथो़म हापा छो़म मु़चु़मिमका मेराम सेलाडा थो़र लु़मिम बुमी, मा मेराम जो़पा-सेलाका उनीमा बासी-दोसीडा जो़पा बु़डु़म बु। माम्‍चु़नीकु दिदाम गानी थो़न्‍नी मा आच्‍छाङा थेसिथेट्‌निलो आथाम मेराम सेलाका गानीगोडा वो मेमकाङा खारी बु़होम बु।

मर्कूस 4:20

लावो मे जो़पा क्‍वाड्‌डा फोट्‌मा भ्रल ने ओर्मिमङा, उहेमका सिजेम थो़मी मा नडा रमी, मा कोलेका सु धु़म (३०) कोति छो़म, कोङमीका रु धु़म (६०) कोति छो़म नुङ कोङमीका को सङ (१००) कोति छो़म मा फिमी।”

थु़र्मा 17:11

मेर्मिमका माम्‍चु़नीकु सिजेम छो़म गेर्सी द्‌वाक्‍तो थो़म्‍डिमा पावलका र्‍वाक्‍ताम ल्‍वा आछाङा डे मेएँ र्‍वाक्‍साका हेल्‍लो लोवो माम्‍चु़नीकु सिजेम डासाका थेन्‍मु माल्‍थाल्‍मिडी।

मत्ती 13:8

याङ भ्रल ने जो़पा क्‍वाडला झुस्‍ता, मा याङकाम को सङ (१००) कोति हापा, याङकाम रु धु़म (६०) कोति हापा, याङकाम सु धु़म (३०) कोति हापा मा सिड्‌डु़।

फिलिप्‍पी 1:11

माम्‍चु़नीलाई डोक्‍पु बोमु नुङ उनीमा नङ कोमु लागि येशू ख्रीष्‍टका गानीलाई जो़पा बेसी-दोसी बेपा दु़म्‍बेनिमिनु़।

यूहन्‍ना 7:17

कोङनिम मु़चु़का माम्‍चु़नीकु न होङङा बोमु न बु़ माला आमा सीसि माम्‍चु़नीलाम रोक्‍पा डे आ त्‍वाकाङा जेङुमिम डे मेराम गुका च।

लूका 8:15

लावो जो़पा क्‍वाडला झुक्‍पा भ्रल ने मेर्मिम ङा सो़, उहेमका सिजेम थो़मिमा नड्‍डा जु़ल्‍थामी, मा मेराम होम्‍साका दोमी। मेम्‍मा इम्‍साका लन्‍थामिमा हापा मा सिन्‍बेन्‍मी।

लूका 8:8

लावो याङ भ्रल ने जो़पा क्‍वाडला झुस्‍ता, मा ल्‍यास्‍तामा को सङ (१००) डाम वो हापा मा सिड्‌डु़।” आकोति र्‍वाम्‍डिमा गुमीका डोक्‍पु लो़लामका र्‍वाम्‍डी, “सु़काम थो़पा नोफ्‍ला बु मेरामका थो़स्‍नु़मा थेसिथेट्‌नु़।”

मत्ती 13:23

लावो जो़पा क्‍वाडला झुक्‍पा भ्रल ने मेरामङा सो़, उहेमका सिजेम थो़सु़मा थेसिथेडु़। मेम्‍मा को सङ (१००) हापा, रु धु़म (६०) हापा, मा सु धु़म (३०) हापा मा सिट्‌पा भ्रल होप्‍माम मेराम दु़म।”

मर्कूस 4:7

याङ-याङ भ्रल चु़ल्‍याखोपडा झुम्‍डी, मा मेर्मिम चु़मिम बर्गेम्‍डिमका मे भ्रलमिम मेर्मिमकु खुलगोनो दु़म्‍मिडी, मा मेर्मिमका मा मेफिक्‍मिवा।

मर्कूस 4:9

मेकोतिमा येशूका मेर्मिमलाई र्‍वाम्‍डी, “उहेमकाम थो़पा नोफ्‍ला बु, मेरामका थो़सु़नु़।”

एफिसी 2:21

मे खोत्‍ले नेमङा ङाचो़ येशूका झेट्‌मिडिम बु। गुमीकाङा ओराम बर्बेसाका माम्‍चु़नी बाट्‍पा सेपा सो़रनेम दु़म्‍बेन्‍मी।