मर्कूस 4:41 - थुलुङ राई

⁴¹ मेर्मिम छो़म ङिम्‍डी, मा उनी त्‍वाप-त्‍वापडाङा र्‍वाबोमु चो़म्‍मिडी, “हेप्‍माम डे गुमी ने! गुमीका र्‍वामिम ने ब्‍लोजु़ नुङ दिरिदिनका वो थो़मी रेछा!”

मर्कूस 4:41 Referans Kwoze

लूका 8:25

येशूका मेर्मिमलाई र्‍वाम्‍डी, “गानीनुङ थो़र मिबु?” मेर्मिम ङिम्‍डिमा ङाङाया दु़म्‍तो उनी त्‍वाप-त्‍वापडा आरे र्‍वा बेम्‍डी, “गुमी हेप्‍माम मु़चु़ डे? ब्‍लोजु़ नुङ कुकु बाबारिमलाई ल्‍वाडा जु़ल्‍मी, मा मेर्मिमका वो गुमीका र्‍वामिम थो़मी रेछा!”

मत्ती 8:27

सीसिपामिमका आरे र्‍वाक्‍तो ङाङाया दु़म्‍मिडी, “गुमी ने हेप्‍माम मु़चु़ डे? ब्‍लोजु़ नुङ कुकु बाबारिमका वो गुमीका र्‍वामिमिम होङङा बोमी रेछा!”

रेम्‍बेट्‌मिडिम ल्‍वा 15:4

मिप्रङमा, सु़का इनीमा ङिम मेजु़लु़ मा सु़का गानी डोक्‍पु नुङ यु़मनुङमा मेर्‍वा? हेङालोने गानी कोङङा सेपा दु़म्‍नी। खोत्‍ले सामामिम इनीमा ङादोडा रोमिमा सेव सानिमी, हेङालोने इनीमा जो़पा खारीमिम दो़स्‍ताम बु।”

मर्कूस 5:33

मेकोतिमा मे मेसेमका उ त्‍वापलाई हाम दु़स्‍ताम बु र्‍वाक्‍पा चडु़। मेम्‍मा येशूकाडा रोक्‍तामा उनीमा खेल चु़म्‍डु़मा ङिमुका रुक्‍तोङा आच्‍छाङाकाम खोत्‍ले ल्‍वा गुमीनुङ सो़यु़डु़।

हिब्रू 12:28

मेम्‍मिमका मेरुसिक्‍पा किब्‍दी गुइ डार्स्‍तिमका आला-तोमानुङमा दु़प्‍सी मा माम्‍चु़नीकु ङिम जु़ल्‍तो नुङ गुमीलाई डोक्‍पु मिम्‍तो गुमीलाई गेर्सिबेट्‌पा सो़रलोले बिइ,

लूका 4:36

खोत्‍ले मु़चु़मिम ङाङाया दु़म्‍मिडिमा आरे र्‍वाबोमु चु़म्‍मिडी, “ओरामका जेमिम ने हेप्‍माम साखाम नुङ यु़मनुङ रेछा! मुनाङपेलमिमका वो ओरामका र्‍वामिमिम थो़मिमा स्‍वामी रेछा।”

मत्ती 14:32

येशू पत्रुसनुङ कुबी-बोक्‍साडला हुम्‍डिमा ब्‍लोजु़ फुन्‍मु डिड्‌डु़।

मर्कूस 7:37

ओराम ल्‍वाम्‍डिमा मु़चु़मिम छो़म ङाङाया दु़म्‍मिडी। मेकोतिमा र्‍वाम्‍डी, “गुमीका बेम्‍डिम खोत्‍ले जो़पा नु़पा ङा बु। गुमीका ने मेथो़पालाई थो़पा, मा मेजेपालाई जेमुचापा बनेबोमी रेछा।”

मर्कूस 4:40

मेम्‍मा येशूका सीसिपामिमलाई र्‍वाम्‍डी, “गानी हेङा ङिनिमिम? हाम गानी आथावो थो़र मेलु़नी?”

मर्कूस 5:1

मेकोतिमा येशू उनी सीसिपामिमनुङ दिरिदिनकु होनोहोम्‍बुथो़म गेरासेनस देलडा रोम्‍थिम्‍डी।