मर्कूस 4:35 - थुलुङ राई

³⁵ मेनेम ने-नेमथाका येशूका उनी सीसिपामिमलाई र्‍वाम्‍डी, “दो, गुइ होनोहोम्‍बुथो़ लक्‍सी।”

मर्कूस 4:35 Referans Kwoze

मत्ती 8:18

येशूका सेर्पा मु़चु़लाई उनी होनोलाम-आथो़लाम ल्‍वाम्‍डी। मेम्‍मा उनी सीसिपामिमलाई दिरिदिनकु होम्‍बुनो लक्‍सी बेम्‍डी।

लूका 8:25

येशूका मेर्मिमलाई र्‍वाम्‍डी, “गानीनुङ थो़र मिबु?” मेर्मिम ङिम्‍डिमा ङाङाया दु़म्‍तो उनी त्‍वाप-त्‍वापडा आरे र्‍वा बेम्‍डी, “गुमी हेप्‍माम मु़चु़ डे? ब्‍लोजु़ नुङ कुकु बाबारिमलाई ल्‍वाडा जु़ल्‍मी, मा मेर्मिमका वो गुमीका र्‍वामिम थो़मी रेछा!”

लूका 8:22

कोलेम येशू उनी सीसिपामिमनुङ कुबी-बोक्‍साडला हुम्‍डी, मा उनी सीसिपामिमलाई र्‍वाम्‍डी, “दो, गुइ दिरिदिनकु होनोहोम्‍बुनो लक्‍सी।” मेकोतिमा मेर्मिम लाम्‍दिमु चो़म्‍मिडी।

मत्ती 14:22

मेकोतिमा येशूका उनी सीसिपामिमलाई कुबी-बोक्‍साडला हुबेसाका गुमीडाम ङादो दिरिदिन होम्‍बुथो़ थु़र्थाम्‍डी। मु़चु़मिमलाई नेम थु़र्सोमु लागि गुमी ने मेसिन्‍डाङा बाम्‍डी।

मर्कूस 8:13

मेकोतिमा मेर्मिमलाई मेसि पार्जो़ल्‍मिडिमा गुमी कुबी-बोक्‍साडला हुम्‍डी, मा होनो होम्बुथो़ लम्‍डी।

यूहन्‍ना 6:25

मे मु़चु़मिमका येशूलाई दिरिदिनकु कोर्थो़म होम्‍बुनो डार्मिडिमा र्‍वाम्‍डी, “सीपा, गानी आसिन्‍डा हेल्‍लो रोक्‍निम?”

यूहन्‍ना 6:17

मेम्‍मा कुबी-बोक्‍साडला हुम्‍डिमा दिरिदिन होम्‍बुनोम कफर्नहुम शहरथो़ लाम्‍दिम्‍डी। मेकोतिलो तुकुम्‍चिम दु़म्‍मु दु़म्‍स्‍तु़म बाइडा, मा येशू आथावो मेर्मिमकाडा मेरोक्‍थेङा बाम्‍डी।

यूहन्‍ना 6:1

मेरामकु किचो़ चङडा, येशू गालील दिरिदिनकु होम्‍बुनो (मेरामलाई तिबेरियास दिरिदिन वो र्‍वामी) लम्‍डी।

मर्कूस 6:45

मे मु़चु़मिम मेलामका थु़र्तो बेम्‍डिलो ङा येशूका उनी सीसिपामिमलाई कुबी-बोक्‍साडला हुबेट्‌मिडी, मा गुमीडाम ङादोङा होनो होम्‍बुनोम बेथसेदाथो़ थु़र्ल्‍याम्‍डी।

मर्कूस 5:21

आथावो येशू कुबी-बोक्‍साडलामका दिरिदिन होनोहोम्‍बु लम्‍डिलो उनी होनो-आथो़ छो़म सेर्पा मु़चु़मिम खोम्‍सिम्‍डी, मा येशू ने मे दिरिदिन फारबाडेङा बाम्‍डी।