मर्कूस 4:24 - थुलुङ राई

²⁴ गुमीका आथावो मेर्मिम नुङ र्‍वाम्‍डी, “गानी थो़निमिम ल्‍वाडा न सोक्‍नी, हेप्‍माम थो़म्‍खोपका गानी वाङमिलाई ग्‍वानिमी, मेरामका ङा गानी वो रनी, मा मेरामडाम हापा गानी डार्नी।

मर्कूस 4:24 Referans Kwoze

हिब्रू 2:1

मेम्‍मिमका गुइ हाम थो़स्‍तिम बु मेरामडला गुइ छो़म न सोमु बासी। मेएँ माला ने गुइ लाम्‍दी प्‍ल्‍वासिमा कोर्थो़ लक्‍सी।

लूका 8:18

सु़का थेसिथेडु़, मेरामका आथावो थेसिथेन्‍मु चाप्‍सु़। लावो सु़का थेसिमेथेडु़, मेरामका थेसिथेट्‌पु र्‍वाक्‍पा मिम्‍सिमिम वो रोन्‍ला सो़सी। मेम्‍मिमका गानी थो़निमिम ल्‍वाडा चङचङया बानी वो!”

मत्ती 7:2

हेङालोने वाङमिमलाई गानी हे बोनी, गानी वो मेमङा बेला सो़न्‍सिनी। वाङमिमकु निया बोनिलो बाम थो़मसङ मोनी, मेराम थो़मसङकाङा इनीमा वो निया दु़म।

थु़र्मा 17:11

मेर्मिमका माम्‍चु़नीकु सिजेम छो़म गेर्सी द्‌वाक्‍तो थो़म्‍डिमा पावलका र्‍वाक्‍ताम ल्‍वा आछाङा डे मेएँ र्‍वाक्‍साका हेल्‍लो लोवो माम्‍चु़नीकु सिजेम डासाका थेन्‍मु माल्‍थाल्‍मिडी।

२ कोरिन्‍थी 9:6

ओराम ल्‍वा मिम्‍नी वो: कि-कि भ्रल फोट्‌पाका कि-कि फकु़, मा हापा भ्रल फोट्‍पाका हापाङा फकु़।

यूहन्‍ना 10:27

“आमा भेन्‍दामिमका आमा लो़लाम थो़मी, मेर्मिमलाई गो छेपुमी। मेम्‍मा मेर्मिम आमा चङचङ लाम्‍दिमी।

यूहन्‍ना 5:25

आच्‍छाङा गो गानीलाई र्‍वाङु, मेराम थारी रोक्‍तोङा लेडु़, मा मेराम थारी ओम्‍लोङा सो़। सिपा मु़चु़मिमका माम्‍चु़नीकु तारापाचो़काम लो़लाम थो़मी, मा सु़का थो़मी मेर्मिम नु़मी।

मर्कूस 9:7

मेकोतिमा मेसिन्‍डा खासे रोक्‍तामा मेर्मिमलाई हुप्‍डु़मी, मा खासेलामका कोङ लो़लामका र्‍वाम्‍डी, “ओराम गो छो़म द्‌वाक्‍पुमिम आमा चो़, ओरामका र्‍वामिम थो़नी।”

यूहन्‍ना 10:16

“आमा वाङमिम भेन्‍दामिम वो बुमी, मेर्मिम ओराम गोठाडाम मेएँ। मेर्मिमलाई वो गो रेन्‍मु बासिक्‍पा बु। मेर्मिमका आमा लो़लाम थो़मी, मा मेर्मिम कोलेङा बगाल दु़म्‍मी। मेम्‍मा कोलेङा रेपा-क्रिपा दु़म।

१ यूहन्‍ना 4:1

द्‌वादीबुङ ङोप्‍सो़नी, पेललामका जेङुमिम र्‍वाक्‍पा खोत्‍ले मु़चु़लाई थो़र मेलु़नी। मेर्मिमनुङ बाट्‌पा पेल माम्‍चु़नीलाममिम डे मेएँ डे र्‍वाक्‍पा रेम्‍मु मेर्मिमलाई छाम्‍निमी। हेङालोने माम्‍चु़नीलाम-जेपा लिसिक्‍पा हापा मु़चु़मिम ओराम सु़म्‍दिसेरडा लुम्‍डिम बु।

१ पत्रुस 2:2

मालो गक्‍पा चो़च्‍चो़का उमा मामकु दु़दु़ डुमु मालु़मिम होङङा गानी वो माम्‍चु़नीकु सिजेम थो़पा छो़म न बेनी। मेम्‍साका माम्‍चु़नीडलाम इनी थो़र बर्तो ल, मा गानी सेल्‍सिनी।