मर्कूस 4:20 - थुलुङ राई

²⁰ लावो मे जो़पा क्‍वाड्‌डा फोट्‌मा भ्रल ने ओर्मिमङा, उहेमका सिजेम थो़मी मा नडा रमी, मा कोलेका सु धु़म (३०) कोति छो़म, कोङमीका रु धु़म (६०) कोति छो़म नुङ कोङमीका को सङ (१००) कोति छो़म मा फिमी।”

मर्कूस 4:20 Referans Kwoze

कलस्‍सी 1:10

मेम्‍मा ङाचो़का न बोमिमिम होङङा गानी बुमु चाम्‍नी मा गुमीलाई गेर्सीबेट्‌पा खारी हेल्‍लो लोवो बोनी, गानी खोत्‍ले जो़पा खारी बोनी मा माम्‍चु़नीलाई हापा छेत्तो लनी।

लूका 8:15

लावो जो़पा क्‍वाडला झुक्‍पा भ्रल ने मेर्मिम ङा सो़, उहेमका सिजेम थो़मिमा नड्‍डा जु़ल्‍थामी, मा मेराम होम्‍साका दोमी। मेम्‍मा इम्‍साका लन्‍थामिमा हापा मा सिन्‍बेन्‍मी।

मर्कूस 4:8

मेम्साकाङा याङ-याङ भ्रल ने जो़पा क्‍वाड्‌डा झुम्‍डी मा ल्‍याम्‍डी, बर्मिडी, मेम्‍मा कोलेका सु धु़म (३०) कोति छो़म, कोङमीका रु धु़म (६०) कोति छो़म, मा कोङमीका को सङ (१००) कोति छो़म मा फिम्‍डी।”

मत्ती 13:23

लावो जो़पा क्‍वाडला झुक्‍पा भ्रल ने मेरामङा सो़, उहेमका सिजेम थो़सु़मा थेसिथेडु़। मेम्‍मा को सङ (१००) हापा, रु धु़म (६०) हापा, मा सु धु़म (३०) हापा मा सिट्‌पा भ्रल होप्‍माम मेराम दु़म।”

२ पत्रुस 1:8

ओर्मिम खोत्‍ले ल्‍वा गानीनुङ छो़म बु माला गानी इकी ङाचो़ येशू ख्रीष्‍टकु दुथाम चनिमिमका हाम ना हामकाम नुङ हाम ना हाम मान्‍थिम मेदु़म्‍नी।

रोमी 7:4

आमा वा-ल्‍वाकनी, गानी वो ख्रीष्‍टकु मिरो़मनुङ डु़म्‍लाकाम लागि सिन्‍निम बु। मेम्‍मिमका जो़पा मा-के सिन्‍बेडिमिम होम्‍साकाङा माम्‍चु़नीकु जो़पा खारी बोमु चापा दु़म्‍मु लागि गुइ ने सिमुलाम बग्‍गेसाका त्‍वारो़म ल्‍वापानुङ कोले दु़म्‍सी।

यूहन्‍ना 15:16

गानी गोलाई छेट्‌ङिडिनिम मेएँ, गो गानीलाई छेट्‌निनी, मा गानी लक्‍निमा मा सिन्‍बेट्‌नी, मा इनीमा दु़म्‍नु़म बुनु़ र्‍वाक्‍साका गो गानीलाई थुट्‌निनी। मेम्‍मा आमा नङडा गानी हाम बिनी मेराम पापका गानीलाई ग्‍वानिमी।

१ थेसलोनिकी 4:1

हुम-दडा, वा-ल्‍वाकनी, गुकुलाम गानी सीन्‍सिट्‌निम होङङा माम्‍चु़नीलाई गेर्सिबेसाका बानी र्‍वाक्‍साका ङाचो़ येशूकु नङडा छो़म र्‍वाकु। ङादो वो गानी आरेङा बेन्‍निम बु, मा आथावो छो़म मेमङा बेनी र्‍वाक्‍साका इनीमा सो हन्‍बेन्‍कु।

फिलिप्‍पी 1:11

माम्‍चु़नीलाई डोक्‍पु बोमु नुङ उनीमा नङ कोमु लागि येशू ख्रीष्‍टका गानीलाई जो़पा बेसी-दोसी बेपा दु़म्‍बेनिमिनु़।

मत्ती 13:8

याङ भ्रल ने जो़पा क्‍वाडला झुस्‍ता, मा याङकाम को सङ (१००) कोति हापा, याङकाम रु धु़म (६०) कोति हापा, याङकाम सु धु़म (३०) कोति हापा मा सिड्‌डु़।

यूहन्‍ना 15:2

मा मेसिट्‌पा आमा खोत्‍ले ग्रेममिम गुमीका फल्‍मी। मा सिट्‌पा खोत्‍ले ग्रेममिमलाई आथावो हापा मा सिट्‌नु़ र्‍वाक्‍साका स्‍याङमी।