मर्कूस 4:19 - थुलुङ राई

¹⁹ लावो पोमु-डुमुकु मिम्‍ताम-सो़र्ताम, खाप्‍ची द्‌वाम, नुङ वाङमिम खोत्‍लेङा डार्पा न उनी नगोनो हुमा मेरामका सिजेम हुप्डु़, मेकोतिमा मेरामका मा फिमु मेग्‍वाकु़।

मर्कूस 4:19 Referans Kwoze

१ तिमोथी 6:17

ओराम सु़म्‍दिसेरडाम खाप्‍चीचो़मिमलाई डोक्‍पु मेलिम्‍सिमु बेमी, घरिकोङ ल्‍वापा खाप्‍चीडा मेएँ, लावो गुइलाई लिट्‌पा बेसाका खोत्‍ले मोमु ग्‍वाक्‍पा माम्‍चु़नीलाम ल्‍वापा न मेर्मिमका बोमिनु़।

फिलिप्‍पी 4:6

हामकाम वो मिम्‍ताम-सो़र्ताम मेबेनी, लावो खोत्‍लेडा सो़म्‍दी नुङ येप्‍सीका मा गुमीलाई आलासो़ ग्‍वाक्‍तो माम्‍चु़नीकाडा गानी बिनी।

मत्ती 19:23

मेकोतिमा येशूका उनी सीसिपामिमनुङ र्‍वाम्‍डी, “आच्‍छाङा गो गानीलाई र्‍वाङु, पाह्री-किब्‍दीडा खाप्‍चीचो़ हुमु छो़म छो़।

यूहन्‍ना 15:2

मा मेसिट्‌पा आमा खोत्‍ले ग्रेममिम गुमीका फल्‍मी। मा सिट्‌पा खोत्‍ले ग्रेममिमलाई आथावो हापा मा सिट्‌नु़ र्‍वाक्‍साका स्‍याङमी।

लूका 21:34

“गानी चङचङया बानी, भ्रपा-भ्रपा पेत्तो नुङ डु़का सेसाका मा इनी मिरो़मकाम लागि मिम्‍ताम-सो़र्ताम बेपा मेदु़म्‍नी। मेम बेन्‍नी माला ने हादीबारामिम पेरडा हुमिमिम होङङा निया दु़म्‍पा थारी कोचोत्ति गानीडला रो।

लूका 10:41

लावो येशूका र्‍वाम्‍डी, “मार्था, मार्था, गाना हापा ल्‍वामिमकु दुथाम मिम्‍ताम-सो़र्ताम बोना, मा इ थो़मतेर्सी।

२ पत्रुस 1:8

ओर्मिम खोत्‍ले ल्‍वा गानीनुङ छो़म बु माला गानी इकी ङाचो़ येशू ख्रीष्‍टकु दुथाम चनिमिमका हाम ना हामकाम नुङ हाम ना हाम मान्‍थिम मेदु़म्‍नी।

२ तिमोथी 4:10

हेङालोने डेमासका ओराम सु़म्‍दिसेरलाई रिखाम बु़डु़मा गोलाई डिसाका थेसलोनिके शहरडा लस्‍ताम बु। क्रेसेन्‍स गलातिया क्षेत्रडा लस्‍ताम बु, मा तीतस ने दलमातिया क्षेत्रडा लस्‍ताम बु।

यहूदा 1:12

ङाचो़कु रिखाम मिम्‍साका पोनिमिम इनी सामाघ्रो़म्‍सीकु ग्रुला मेर्मिम मु़चु़नुङ पोनिलो मेर्मिम ने कुबी-बोक्‍सा फ्रु़प्‍सेसी बोमु चापा इनीमा लागि ङिमलु़पा दिपलुङ होप्‍माम सो़। मेर्मिम ने त्‍वापथो़ कोङङा नसोक्‍पा क्रो़म मान्‍थिम रेपा-क्रिपा होप्‍माम सो़। मेर्मिम बाय ड-ड हुट्‌पा व मेयोक्‍पा खासे होप्‍माम सो़। मेर्मिम नखेप सिपा छेस्ता-काक्‍ता बिलिम धक्‍सा होप्‍माम सो़, मेर्मिम धक्‍साका मा सिन्‍मेबेन्‍मी, मा उ सक्‍फारयु़मङा बुल्‍मा दु़म।

मत्ती 3:10

धक्‍सामिमकु फारगोयु़ खोका फल्‍मुङा खाप्‍डु़मिम बु। मेम्‍मिमका जो़पा मा मेसिट्‌पा खोत्‍ले धक्‍सा रु़प्‍मी, मा मुड्‌डा घ्रोमी।

मत्ती 13:22

चु़दुगोनो झुक्‍पा भ्रल मेरामङा सो़, उहेमका माम्‍चु़नीकु सिजेम थो़सु़, लावो हाम पेपा-फसिक्‍पा र्‍वाक्‍साका मिम्‍ताम-सो़र्ताम नुङ खाप्‍चीचो़ दु़म्‍मु मालु़मिमका माम्‍चु़नीकु सिजेमथो़ न मेसोकु़। मेम्‍मा सिजेमका र्‍वामिम होप्‍माम दु़म्‍मु मेचाप्‍सु़।

मर्कूस 4:18

चु़ल्‍याखोपडा फोट्‌मा भ्रल ओर्मिमङा, उहेमका सिजेम थो़मी।

रोमी 12:2

सु़म्‍दिसेरडाम मु़चु़मिम होप्‍माम दु़म्‍मु मेमाल्‍नी, लावो इनी त्‍वाकु नगोलाम ख्‍लोसिट्‌निमा जो़पा दु़म्‍तो लक्‍नी। मेप्‍माम दु़म्‍मु चाप्‍नी माला, माम्‍चु़नीकु जो़पा नुङ गेर्सी द्‍वाक्‍पा ल्‍वा, मा माम्‍चु़नीकु न हेप्‍माम बु, मेराम होप्‍माम दु़म्‍मु बासिक्‍पा ल्‍वा हाम बु र्‍वाक्‍साका गानी इनी न-गोडा छाम्‍मु चापा दु़म्‍नी।

एफिसी 2:2

मेराम थारीका गानी सु़म्‍दिसेरडाम छु़लचो़मिम होम्‍साका दोन्‍थाल्‍नी। गानी मुनाङ पेलमिमकु हपका र्‍वाक्‍ताम थो़न्‍थाल्‍नी। मेरामका ओम्‍लो माम्‍चु़नीका र्‍वामिमिम मेथो़पा मु़चु़मिमगोडा साखाम थो़त्तो बु़।

एफिसी 6:12

इकीमा क्‍वाल्‍बा मु़चु़मिमनुङ मेएँ, लावो धामुडा बाट्‍पा मुनाङ पेलमिमकु हपमिम, आथामबिलिम तुकुम्‍चिमगोडाम सु़म्‍दिसेरकु साखामचो़मिम, शैतानका थो़पा खोत्‍लेकु कोर्थो़लाम सो़।