मर्कूस 4:16 - थुलुङ राई

¹⁶ मेम्‍साकाङा याङ मु़चु़ लुङदुगोडा फोट्‌मा भ्रल होप्‍मामङा बुमी। उहेमका सिजेम थो़मी मेडे गेर्सित्तोङा नडा रमी।

मर्कूस 4:16 Referans Kwoze

लूका 8:13

लुङदुडा झुक्‍पा भ्रल ओर्मिम ङा सो़, उहेमका माम्‍चु़नीकु सिजेम थो़मिमा गेर्सिद्‌वाक्‍तो रमी। लावो धु़प्‍पा सक्‍फार मान्‍थिम भ्रल होङङा हापा थो़र मेलु़पा दु़म्‍मी। लावो मेजो़पा ल्‍वालामका उनी न छाम्‍सिमिम थारीका माम्‍चु़नीडा थो़र लु़मु डिन्‍मी, मा गुमीडाम वाङ दु़म्‍मी।

मर्कूस 6:20

हेङालोने यूहन्‍ना जो़पा-नगोनुङमा नुङ सेपा मु़चु़ र्‍वाक्‍साका हेरोद गुनुङ ङिस्‍थाल्‍लाम बाइडा। मेम्‍मिमका गुका जो़होमका जु़ल्‍लु़म बाइडा। यूहन्‍नाकु सिजेम थो़स्‍थाल्‍लु़लो उ नडा हाम बोमु हाम बोमु दु़स्‍थाल्‍ला, लावो गेर्सिसाका ङा थो़स्‍थाल्‍लु़।

यूहन्‍ना 5:35

यूहन्‍नाका सो़यु़डु़म ल्‍वा वाक्‍पा नुङ झ्‍वाक्‍पा धिप्‍री होप्‍माम बाइडा। मेम्‍मा गानी घरिकोङ उमा ल्‍वाडा गेर्सिमु न बेन्‍नी।

थु़र्मा 8:13

सिमोनका वो थो़रबु़डु़मा कु-रु़दु़म रङडु़। मेकोतिमा गु हेल्‍लो लोवो फिलिपनुङ लाम्‍दिथाल्‍ला। फिलिपका बु़डु़म यु़मखारीमिम नुङ हेल्‍लो वो मेल्‍वासु़वाम खारीमिम ल्‍वास्‍तु़मा ङाङाया दु़स्‍थाल्‍ला।

थु़र्मा 26:28

मेकोतिमा अग्रिपासका पावलनुङ र्‍वाक्‍ता, “हाम गाना गोलाई कति दु़पा ल्‍वाका येशूडा थो़रलु़पा दु़म्‍बेन्‍मु माल्‍ङिमिम?”

मत्ती 13:5

याङ भ्रल कि-कि क्‍वा बाट्‌पा लुङदुबाडे झुस्‍ता, मा हापा क्‍वा मेबाट्‌पामिमका मे भ्रल दालाङा ल्‍यास्‍ता।

मर्कूस 4:15

याङ मु़चु़मिम लाम्‍दीबाडे फोट्‌मा भ्रल होप्‍मामङा बुमी। मेर्मिमका सिजेम थो़मी मेडे, शैतान रोमा मेर्मिमका थो़मिमिम सिजेम लल्‍याडु़।

मर्कूस 4:17

लावो मेर्मिमकु सक्‍फार मिबुमिमका मेर्मिम कति दु़पा थारीसम्‍म कोङङा दु़म्‍मी। सिजेमकु दुथाम मु़चु़मिमका मेजो़पा बोमी मा उनीमा थो़मतेर्सामिलो मेर्मिमका मेराम डिन्‍ल्‍यामी।