मर्कूस 4:15 - थुलुङ राई

¹⁵ याङ मु़चु़मिम लाम्‍दीबाडे फोट्‌मा भ्रल होप्‍मामङा बुमी। मेर्मिमका सिजेम थो़मी मेडे, शैतान रोमा मेर्मिमका थो़मिमिम सिजेम लल्‍याडु़।

मर्कूस 4:15 Referans Kwoze

१ पत्रुस 5:8

इनी त्‍वापलाई जो़होमका जु़ल्‍नी, मा चङचङया बानी। इनी स्‍वाक्‍चिमो शैतानका सु़लाई डारुमा क्‍लिडोक्‍पु र्‍वाक्‍साका क्रुक्‍बाल्‍पा धेन्‍द्रा होङङा लाम्‍दिबाल।

मत्ती 13:19

लाम्‍दीडा झुक्‍पा भ्रल मेरामङा सो़, उहेमका माम्‍चु़नीकु किब्‍दीकु दुथाम सिजेम थो़सु़, लावो थेसिमेथेडु़। मेम्‍मा शैतान रोमा भ्रल फोट्‌मा होङङा जु़ल्‍मा मेरामकु नड्‌डाम सिजेम रोडु़मा ल।

२ कोरिन्‍थी 2:11

आरेसाका शैतानका गुइलाई फोसो़ आम्‍मु मेल्‍वास्‍नु़, हेङालोने गुइ शैतानकु नडाम मुलु़मिम चडिम बु।

लूका 8:12

लाम्‍दीडा झुक्‍पा भ्रल मेर्मिमङा सो़, उहेमका सिजेम थो़मी, लावो नगोडा थो़मिमिम सिजेमलामका थो़र मेलु़मिनु़मा मेसेल्‍सिमिनु़ र्‍वाक्‍साका शैतान रोमा मेर्मिमकु नगोडाम सिजेम रोडु़मा लल्‍याडु़।

मर्कूस 4:4

मेकोतिमा मेरामका भ्रल फोड्‌डु़लो कोङ-कोङ भ्रल लाम्‍दीबाडे झुम्‍डी, मा चक्‍पुमिम रोम्‍डिमा मेराम भ्रल डो़म्‍पेम्‍डी।

थु़र्मा 5:3

लावो पत्रुसका र्‍वाक्‍ता, “हननिया, हेङा इमा न-गो शैतानलाई ग्‍वाक्‍साका माम्‍चु़नी-पेलनुङ लिमा थेट्‌ना, मा इमा ये-द भ्रेट्‌नाम खउलुङ किचो़ जु़ल्‍सिट्‌ना?

रेम्‍बेट्‌मिडिम ल्‍वा 20:10

मेम्‍मा मु़चु़मिमलाई ताङताहेरथो़ लक्‍पा शैतान गन्‍धक वाक्‍तोङा बेपा मुकु भुल्‍मु गोनो कोङनिमका छाघ्रोक्‍तु़, मेगोनो मे हादीबारा नुङ माम्‍चु़नीलाम जेपा लिसिक्‍पा वो घ्रोक्‍मा बाच्‍ची। मेर्मिमका नेम्‍फु सिन्‍था हेल्‍लो लोवो उनी थो़मबोक बिपा दु़खा ल्‍वामिमिम बुमी।

रेम्‍बेट्‌मिडिम ल्‍वा 20:7

को धु़म सङ थ हु मा बड्‌डु़म शैतान पाह्रीचो़का डिडु़,

हिब्रू 2:1

मेम्‍मिमका गुइ हाम थो़स्‍तिम बु मेरामडला गुइ छो़म न सोमु बासी। मेएँ माला ने गुइ लाम्‍दी प्‍ल्‍वासिमा कोर्थो़ लक्‍सी।

२ थेसलोनिकी 2:9

मेराम मु़चु़ रो मा शैतानकु यु़मका लिमा यु़मखारीमिम, हेल्‍लो वो मेल्‍वाम्‍मा लिमा खारीमिम नुङ छेखोपमिम बु़,

मत्ती 22:5

“लावो हपका येड्‌डु़मिम ल्‍वाडा न मेसोक्‍मिवा, मा कोले ब्‍याङसीथो़ लस्‍ता, कोले उ ब्‍यापारथो़ लस्‍ता।

रेम्‍बेट्‌मिडिम ल्‍वा 12:9

मिखाएल नुङ गुनुङ बाट्‌पा पाह्रीचो़मिमका मे डोमिफु धाली छाघ्रोम्‍सोम्‍डी। मेराम ने माके आथाममिम ब्‍लो, सु़म्‍दिसेर खोत्‍लेलाई ताङताहेरथो़ लक्‍पा मुनाङमिमकु ङाउ, शैतान सो़। गुलाई सुबुडा घ्रोम्‍सोम्‍डी मा गुनुङ बाट्‌पा सेनामिम वो गुनुङङा घ्रोम्‍सोम्‍डी।

मत्ती 4:10

मेकोतिमा येशूका शैतानलाई र्‍वाम्‍डी, “शैतान, ओलामका लस्‍ल्‍याडा, हेङालोने माम्‍चु़नीकु सिजेमडा र्‍यामा बु: ‘गाना इमा मिप्रङमा माम्‍चु़नीलाई कोङङा डोक्‍पु मिम्‍साका सेव साडा, मा उनीमा कोङङा लाले-पाङके बे’।”

हिब्रू 12:16

सु़ वो वाङमिम मेसेमनुङ अम्‍पा लोवो माम्‍चु़नीलाई डोक्‍पु मेबेपा एसाव होप्‍माम मेदु़म्‍नु़, एसावका तोङदीचो़ दु़स्‍ताम उमा साखाम कोसि पोमुडा भ्रेड्‌डु़म बाइडा।

थु़र्मा 17:32

मेर्मिमका सिमुलाम बम्‍गेमुकु दुथाम थो़म्‍डी, मा याङ-याङका पावललाई रिम्‍साम्‍डी। लावो वाङमिमका ने “गुकु ओरामकु दुथाम आथावो थो़कु” र्‍वाम्‍डी।

मर्कूस 4:14

भ्रल फोट्‌पा खारीचो़ र्‍वाक्‍मा सिजेम दो़पा होप्‍माङा दु़म।

मर्कूस 4:16

मेम्‍साकाङा याङ मु़चु़ लुङदुगोडा फोट्‌मा भ्रल होप्‍मामङा बुमी। उहेमका सिजेम थो़मी मेडे गेर्सित्तोङा नडा रमी।