मर्कूस 4:1 - थुलुङ राई

¹ आथावो येशूका दिरिदिन फार्डा सीमु चो़म्मिडी। मेसिन्‍डा छो़म सेर्पा मु़चु़मिम खोम्‍सिम्‍डिमका गुमी मे दिरिदिनडाम कुबी-बोक्‍साडला हुम्‍डिमा सीमु चो़म्मिडी। लावो मे सेर्पा मु़चु़मिम ने दिरिदिन फारबाडेङा बाम्‍डी।

मर्कूस 4:1 Referans Kwoze

मर्कूस 2:13

येशू आथावो कोखेप दिरिदिन फार्थो़ लम्‍डी। मेकोतिलो उनीमाडा छो़म सेर्पा मु़चु़मिम रोम्‍डी, मा गुमीका मेर्मिमलाई सीमु चो़म्‍मिडी।

मर्कूस 3:7

मेकोतिमा येशू उनीमा सीसिपामिमनुङ दिरिदिनथो़ लम्‍डी। मेकोतिलो गालीललामका सेर्पा मु़चु़मिम गुमीनुङ लम्‍डी।

मर्कूस 3:9

मे सेर्पा मु़चु़मिमका गुमीलाई मेचिम्मिनु़ र्‍वाक्‍साका उनीमा सीसिपामिमलाई कोले कुबी-बोक्‍सा रेन्‍बेट्‌मिडी।

मर्कूस 4:36

सेर्पा मु़चु़मिमनुङ ब्‍र्‍वाम्‍सिम्‍डिमा येशू उहेम कुबी-बोक्‍साडला हुम्‍डिम बाइडा मेरामडलाङा उनीमा सीसिपामिमनुङ लम्‍डी, मा वाङमिम कुबी-बोक्‍सामिम मेर्मिममनुङङा लम्‍डिम बाइडा।

मर्कूस 5:2

गुमी कुबी-बोक्‍सालामका पाखानो लुम्‍डी मेडे सु़लु़मदुडाम बुड्‍खुमडा मुनाङपेलका हुपा कोले मु़चु़का गुमीलाई क्रो़म्‍डा रोक्‍ता।

मर्कूस 5:21

आथावो येशू कुबी-बोक्‍साडलामका दिरिदिन होनोहोम्‍बु लम्‍डिलो उनी होनो-आथो़ छो़म सेर्पा मु़चु़मिम खोम्‍सिम्‍डी, मा येशू ने मे दिरिदिन फारबाडेङा बाम्‍डी।