मर्कूस 3:5 - थुलुङ राई

⁵ येशूका मे लुङ होप्‍माम उनी न ल्‍वाम्‍डिमका उनी गो नो़डा, मा उनी छोक्‍छोका होनो-आथो़ रेप्‍मिडी। मेम्‍मा मेरामलाई र्‍वाम्‍डी, “इमा ल्‍वा थङा।” मेकोतिमा मेरामका उमा ल्‍वा थङडु़, मा उमा ल्‍वा ङादोम होप्‍माङा नु़ल्‍याड्‌डा।

मर्कूस 3:5 Referans Kwoze

लूका 6:10

गुमीका खोत्‍लेथो़ रेप्‍तो मेराम मु़चु़लाई र्‍वाम्‍डी, “इमा ल्‍वा हम्‍डा!” गुका उ ल्‍वा हम्‍डु़, मा मेरामकु ल्‍वा ङादोम होप्‍मामङा नु़ल्याड्‍डा।

एफिसी 4:18

मेर्मिमकु न-गो तुकुम्‍चिमका हुप्‍डु़म बु मा माम्‍चु़नीका ग्‍वाम्‍डिम त्‍वारो़मलामका मेर्मिम होनोवा बुमी, हेङालोने मेर्मिमका उनीमा न-गो लुङ होप्‍माम बनेबोमिमा माम्‍चु़नीका ग्‍वाम्‍डिम ल्‍वा थेसिमेथेन्‍मी।

रोमी 11:25

वा-ल्‍वाकनी, थक्‍साका जु़ल्‍मा कोले ल्‍वा गानी चन्‍जो़ल्‍नी र्‍वाक्‍पा आमा न बु। मेराम ल्‍वा गानी चक्‍नी माला गानी इनी त्‍वाकाम लागि डोक्‍पु मेलिन्‍सिनी। मेराम थक्‍मा ल्‍वा आरेप्‍माम बु, रोमु बासिक्‍पा कोति वाङसामामिम ख्रीष्‍टडा मेरोक्‍थु़मसम्‍म इस्राएलीमिमकु न-गो लुङ होप्‍माम दु़म।

मत्ती 12:13

मेकोतिमा गुमीका मेराम मु़चु़लाई र्‍वाम्‍डी, “इमा ल्‍वा हम्‍डा!” मा गुका उ ल्‍वा हम्‍डु़। मेम्‍मा मेरामकु ल्‍वा कोङमी ल्‍वा होप्‍मामङा नु़पा दु़स्‍ल्‍याड्‌डा।

रेम्‍बेट्‌मिडिम ल्‍वा 6:16

मेर्मिमका पोप्‍चङ नुङ भ्‍र्‍वालाई आरे र्‍वाम्‍डी, “गुकुडला आल्‍सा मा हप गन्‍खोपडा गन्‍पाका ल्‍वामुडाम नुङ भेन्‍दाचो़कु छोक्‍चोडाम थक्‍की।

हिब्रू 5:9

आरेसाका माम्‍चु़नीका र्‍वाम्‍डिम खोत्‍ले खारी बोमु दु़म्‍मिडिम चङडा येशूका थो़रलु़पामिमलाई हेल्‍लो वो मेसिपा त्‍वारो़म ग्‍वामु लागि सेल्‍मिडी।

हिब्रू 3:17

माम्‍चु़नीकाम सु़ मु़चु़डाम ब्‍ल धु़म थसम्‍म उनी छोक्‍चो बक्‍ताम बाइडा? हाम मे छु़लचो़मिमडामङा मेएँ मा? मेर्मिम ने र्‍याङगो-र्‍याङगोडा सिम्‍डिम बाइडा।

एफिसी 4:30

गानीगोडा बाट्‌पा माम्‍चु़नी-पेललाई इनी बासी-दोसीलामका मेभ्रसिक्‍पा मेदु़म्‍बेट्‌नी, हेङालोने सेल्‍सिक्‍पा नेम गानी वो सेल्‍सिमु ल्‍वानी र्‍वाक्‍साका माम्‍चु़नीका उनी त्‍वाकु पेल ग्‍वाक्‍साका गानीडला छाप ओप्‍मिडिम बु।

एफिसी 4:26

इनी छोक्‍चो ब लोवो छु़ल मेबेनी। नेम्‍सुङ गाम्‍मु ङादोङा इनी छोक्‍चो सिनु़,

२ कोरिन्‍थी 3:14

मेराम थारीका इस्राएलडाम मु़चु़मिमकाम थेसीथेट्‍पा न हुप्‍मा बाइडा। आथाल-दिका वो माम्‍चु़नीकु ङादोम सो़रख्रेप्‍सी डान्‍मिलो मेर्मिमका थेसिमेथेन्‍मी। मेर्मिमका ख्रीष्‍टडा थो़र लु़साका कोङङा उनीमा नडा हुप्‍मा ल्‍वा पार्सी मा थेसिथेन्‍मु चाम्‍मी।

यूहन्‍ना 9:7

मेकोतिमा गुमीका मेराम मु़चु़लाई र्‍वाम्‍डी, “लक्‍सा, मा सिलोआमकु (सिलोआम र्‍वाक्‍मा थु़र्मा) कुदिनडा सो़ला।” मेरामका लस्‍तामा सो़ल्‍लु़, मा मिक्‍सीका ल्‍वापा दु़स्‍तामा ख्‍लोस्‍ता।

लूका 17:14

येशूका मेर्मिमलाई ल्‍वाम्‍डिमा र्‍वाम्‍डी, “लक्‍निमा डु़म्‍लाचो़काडा इनी त्‍वापङा रेम्‍बेसिट्‌नी।” मेकोतिमा मेर्मिम लम्‍डी होङङा सम्‍डी।

लूका 13:15

लावो ङाचो़ येशूका र्‍वाम्‍डी, “माम्‍चु़नीकु मिक्‍सीलामडा जो़पा लिसिक्‍पा मु़चु़नी, ङेम्‍सिमुनेम गानीगोडाम सु़का उ बेनो लोवो गधा लोवो गोठालामका डिरु़मा कु थो़ड्‌डा मेल?

हिब्रू 3:10

मेम्‍मिमका गो मेर्मिम मु़चु़डाम छो़म आमा छोक्‍चो बक्‍ता। मेम्‍मा र्‍वाङडो, ‘मेर्मिम मु़चु़मिम हेल्‍लो लोवो गोडाम होनोवा बुमी। मेर्मिम गो र्‍वाङ्‌डोम लाम्‍दीडा लाम्‍दिमु मेबिम्‍सिप्‍मिवा।’

मर्कूस 3:4

मेम्‍मा गुमीका मेर्मिमलाई र्‍वाम्‍डी, “ङेम्‍सिमुनेम हाम बिइलो नु़, जो़पा डे मेजो़पा, नु़बेन्‍मु डे सेन्‍मु?” लावो मेर्मिम वाय-वाय बाम्‍डी।