मर्कूस 3:29 - थुलुङ राई

²⁹ लावो माम्‍चु़नी-पेललाई डक्‍साका जेपामिमकु छु़ल हेल्‍लो वो मेहेम्‍सी, मा मेराम हाम्‍सी वो मेहेम्‍सिपा छु़ल दु़म।”

मर्कूस 3:29 Referans Kwoze

लूका 12:10

उहेम मु़चु़का मिनीचो़कु कोर्थो़लाम जे मेरामकु छु़ल हेम्‍सिमु चाप्‍सु़, लावो उहेमका माम्‍चु़नी-पेललाई डक्‍साका जे मेरामकु छु़ल हेम्‍सिमु मेचाप्‍सु़।

२ थेसलोनिकी 1:9

हेल्‍लो वो त्‍वारो़म मेल्‍वापा बेसाका पुयु़लुक्‍पा देन्‍दे मेर्मिमका ल्‍वामी। मेराम ने ङाचो़ येशूडाम नुङ उनीमा झ्‍वाक्‍पा यु़मडाम वाङ दु़म्‍मु सो़।

यहूदा 1:13

मेर्मिम ने दो़न्‍दो़न्‍या मेबाट्‌पा दिरिदिनकु बाबारिम होप्‍माम सो़। कुकु बाबारिमका जाजाब्‍लु़म ख्‍लुकु़मिम होङङा मेर्मिमका क्रो़मलु़पा खारी रेम्‍बोमी। मेर्मिम ताङताहेरथो़ लक्‍पा सोरलुङ होप्‍माम सो़, उहेमकाम लागि केकेयाम तुकुम्‍चिम हेल्‍लो लोवो रान्‍थाट्‌मा बु।

मर्कूस 12:40

मेर्मिमका उमा वोचु़ अर्दोमेकु नेम पोम्‍सामी, मा वो धु़पा-धु़पा सो़म्‍दी बेपा लिम्‍सिमी। आरेप्‍माम मु़चु़मिमका ङा छो़म मेजो़पा देन्‍दे ल्‍वामी।”

मत्ती 25:46

“मेर्मिम मु़चु़ हेल्‍लो लोवो देन्‍दे ल्‍वापाम बाट्‌पाडा लमी, लावो माम्‍चु़नीकु लाम्‍दीडा लाम्‍दिपा मु़चु़मिमका ने हेलो वो मेसिपा त्‍वारो़म ल्‍वामी।”

यहूदा 1:7

हेसाका सदोम शहर, गमोरा शहर नुङ मेर्चिपकु होनो-आथो़म शहरडाम मु़चु़मिमका मेघ्रेट्‌पा बेसाका वाङमिमनुङ अम्‍पा छो़म न बेम्‍डी। हेल्‍लो वो मेसिपा मुड्‌डा मेर्मिमका छो़म देन्‍दे ल्‍वासाका रेम्‍बेम्‍डिम बु।

मत्ती 9:3

यहूदीकु डु़म्‍ला सीपा पातु़म्‍रीडाम कोङमीका येशूका आरे र्‍वाम्‍डिम ल्‍वा थो़म्‍डी, मा त्वाप-त्वापडा आरे र्‍वाबोमु चो़म्‍मिडी, “ओरामका ने माम्‍चु़नीलाई डक्‍साका जेत्तोङा लेडु़।”

मर्कूस 3:30

येशूका आरे र्‍वाम्‍डी, हेङालोने मेर्मिमका “गुमीनुङ मुनाङपेल बु” र्‍वाम्‍डिम बाइडा।