मर्कूस 3:27 - थुलुङ राई

²⁷ सोनुङमा मु़चु़ ङादो ङा मेबथु़म, मेरामकु नेम गोनो हुसाका उमा खाप्‍ची लमु मेचाप्‍सु़। मे उ सोनुङमा मु़चु़ ङादो बट्‍जो़लु़मा कोङङा मेरामका मेरामकु खाप्‍ची लमु चाप्‍सु़।

मर्कूस 3:27 Referans Kwoze

मत्ती 12:29

कोङनिमका सोनुङमा मु़चु़कु नेमगोनो हुसाका उ खाप्‍चीमिम खुमु न बु़डु़ माला गुका ङादो मे सोनुङमा मु़चु़लाई बन्‍मु बासी। मेम्‍मा मे नेमगोनोम खाप्‍चीमिम खुमु चाप्‍सु़।

१ यूहन्‍ना 4:4

आमा चो़च्‍चो़नी, गानी ने माम्‍चु़नीकाम सो़। माम्‍चु़नीलाम-जेपा लिसिक्‍पा ओर्मिम मु़चु़डला गानी घ्‍ल्‍वान्‍निम बु, हेङालोने सु़म्‍दिसेरडा बाट्‌पा पेलडाम ने गानीगोडा बुमिमिम पेल छो़म डोक्‍पु बुमी।

१ यूहन्‍ना 3:8

उहेम मु़चु़का छु़ल बु़ मेराम शैतान सो़, हेङालोने शैतानका सु़म्‍दिमोलोमङा छु़ल बेत्तो गेड्‌डाम सो़। शैतानकु ओराम खारी छो़रो़प बोमु लागि माम्‍चु़नीकु तारापाचो़ रेम्‍बेम्‍सिम्‍डिम सो़।

कलस्‍सी 2:15

मेम्‍मा येशू ख्रीष्‍ट क्रूसडला सिम्‍डिमलामका माम्‍चु़नीका साखाम नुङ यु़म बाट्‌पा खोत्‍ले पेलमिमडला घ्‍ल्‍वाम्‍डिमी। मेकोतिमा खोत्‍लेकु ल्‍वाहोमडा मेर्मिमकु क्रो़म फुल्‍साम्‍डी।

यूहन्‍ना 12:31

ओराम सु़म्‍दिसेरकु निया दु़म्‍पा थारी रोक्‍फाड्‌डाम बु। ओराम सु़म्‍दिसेरकु साखामचो़ शैतान पाखानो घ्रोला सो़सी।

हिब्रू 2:14

माम्‍चु़नीकु जाउमो तारापाचो़मिमकाम आरेप्‍माम मिरो़म बु, मेराम मिरो़म सिमिमका येशू वो मेर्मिम होप्‍माम मु़चु़ दु़म्‍मिडी। मेम्‍साकाङा गुमी सिम्‍डी मा सिमुलाम रेट्‌पा शैतानडला घ्‍ल्‍वाम्‍डी,

रोमी 16:20

न-गो भ्रसिबेट्‍पा माम्‍चु़नीका शैतानलाई दालाङा इनीमा फेम-खेलगोयु़ दु़म्‍बेन्‍मी। इकीमा ङाचो़ येशूकु दिदाम गानीडला दु़म्‍नु़।