मर्कूस 3:2 - थुलुङ राई

² येशूकु बुइडला उन्‍मु लागि कोङ-कोङ मु़चु़का मेजो़पा ल्‍वा माल्‍बाल्‍मिडी। मेम्‍मिमका मे ल्‍वा सोक्‍पा मु़चु़लाई ङेम्‍सिमुनेम गुमीका सबेन्‍मी डे मेएँ र्‍वाक्‍साका सु़र्बाल्‍मिडी।

मर्कूस 3:2 Referans Kwoze

लूका 14:1

कोङ ङेम्‍सिमु नेम येशू कोले डोक्‍पु फरिसीकु नेमडा ग्रुला पेप्‍डा लम्‍डी। मेसिन्‍डा खोम्‍सिक्‍पा फरिसीमिमका उनी चो़पा बेत्तोङा लेट्‌डिम बाइडा।

लूका 6:7

येशूका मेराम मु़चु़लाई सबेट्‌मिडी माला ङेम्‍सिमुनेम खारी बेसी मेनु़पाकु दुथाम उनी बुइडला उन्‍मु लागि यहूदीमिमकु डु़म्‍ला सीपा पातु़म्‍रीमिम नुङ फरिसीमिमका चो़पा बेम्‍थाम्‍डिम बाइडा।

लूका 20:20

मेर्मिमका खाप रेम्‍बाल्‍मिडी, मा मेर्मिमका थो़रलु़इमिम लिसिक्‍पा चो़पाचो़मिमलाई येशूकाडा ल्‍वा खुप्‍डा थु़र्मिडी। येशूका जेमिमिम कोङनिम ल्‍वाडा लु-फेले बेसाका चु़म्‍मुमा रोमी सरकारकु ल्‍वाडा ग्‍वामुकाम बाम्‍डी।

यूहन्‍ना 9:16

फरिसीमिमगोडाम कोङ-कोङका र्‍वाम्‍डी, “मेराम मु़चु़ माम्‍चु़नीलाम योक्‍ताम मेएँ, हेङालोने मेरामका ङेम्‍सिमुनेम खारी बु़।” लावो वाङमिमका र्‍वाम्‍डी, “कोङ छु़लचो़का हेसाका आरेप्‍माम हेल्‍लो वो मेल्‍वाम्‍मा खारीमिम बोमु चाप्‍सु़?” मा मेर्मिमगोडा गो-फ दु़स्‍ता।

मत्ती 12:10

मेसिन्‍डा कोले उ ल्‍वा साट्‌पा मु़चु़ बाइडा। येशूलाई मुमा बेन्‍मु नका फरिसीमिमका गुमीनुङ हिलाबेम्‍डी, “हाम ङेम्‍सिमुनेम मु़चु़ समु डु़म्‍लाका ग्‍वाक्‍सा?”

मर्कूस 3:3

येशूका मे ल्‍वा सोक्‍पा मु़चु़लाई र्‍वाम्‍डी, “आसि खोत्‍लेकु ङादोडा येम्‍सा।”

यूहन्‍ना 8:6

येशूकु बुइडला मेजो़पा ल्‍वा उन्‍मु लागि हिलाहिसीलाम आम्‍मु मेर्मिमका आरे बेम्‍डिम बाइडा। लावो येशू कुम्‍सिम्‍डी, मा उनी ब्रेप्‍चोका क्‍वायु़ फुर्कुडा र्‍यामु चो़म्‍मिडी।