मर्कूस 3:17 - थुलुङ राई

¹⁷ जब्‍दियाकु चो़चिप याकूब नुङ उमा ल्‍वाक यूहन्‍ना-मेर्चिपकु नङ ‘बोअनर्गेश’ जु़ल्‍मिडी। मेराम र्‍वाक्‍मा बुलु़लु़कु चो़। (बोअनर्गेश: ओराम र्‍वाक्‍मा डोक्‍पु लो़लामका दाला-दाला जेपा)

मर्कूस 3:17 Referans Kwoze

हिब्रू 4:12

माम्‍चु़नीकु सिजेम खारी बेपाम बाट्‌पा नुङ यु़मनुङमा बु मा निफिलाम फल्‍पा कातु़रु़डाम वो हापा हन्‍पा होप्‍माम बु। ओरामका गोनो सुकु़मा त्‍वारो़म नुङ पेललाई फ्‍वाकु़ची, मा सेर नुङ छिटलाई वाङ-वाङ बु़। माम्‍चु़नीकु सिजेमका मु़चु़मिमकु न-गोडा बाट्‍पा ल्‍वा नुङ हाम हुम बेपा नकु दुथाम छाम्‍डु़।

मर्कूस 14:33

मेकोतिमा गुमीका पत्रुस, याकूब नुङ यूहन्‍नामिमलाई गुमीनुङ लम्‍डी। मेकोतिलो येशू उनी गो मेभ्रसिट्‌पा नुङ न ख्‍याक्‍ल्‍याक्‍पा बाम्‍डी।

मर्कूस 5:37

मेकोतिमा येशूका पत्रुस, याकूब नुङ उमा ल्‍वाक यूहन्‍नाडाम वाङमी सु़ वो गुमीनुङ लमु मेग्‍वाक्‍मिवा।

थु़र्मा 12:1

ओराम थारी बिलि हेरोद अग्रिपा हपका मण्‍डलीडाम कोङ कोङ मु़चु़मिमलाई छो़म दु़खा ग्‍वामु चो़म्‍डु़मी।

यूहन्‍ना 21:2

सिमोन पत्रुस, दिदुमस र्‍वाक्‍मा थोमा, गालीलडाम काना देलडा बाट्‌पा नथानेल, जब्‍दियाकु नले तारापाचो़चिप, मा नले सीसिपाचिप कोदेप बाम्‍डी।

मर्कूस 10:35

जब्‍दियाकु चो़चिप याकूब नुङ यूहन्‍ना येशूकाडा रोक्‍चिमा र्‍वाक्‍ची, “ङाचो़, गुचुकु गानीनुङ हाम बिचुकु, मेराम गानी गुचुकुलाई बेसाक्‍चिकिनी र्‍वाक्‍पा आचीमा न बु।”

मर्कूस 9:2

मेरामकु रुलेम चङडा येशूका पत्रुस, याकूब नुङ यूहन्‍नालाई लम्‍डिमा कोङ येप्‍पा पोप्‍चङडला लम्‍डी। मेडला येशू नुङ सुले उनी सीसिपामिमडाम वाङमी सु़ वो मेबामिवा, मा मेर्मिमका रेप्‍मिडी होङङा येशूकु ङाली ख्‍लोसिड्‍डा।

रेम्‍बेट्‌मिडिम ल्‍वा 10:11

मेम्‍मा कोङनिमका गोनुङ आरे र्‍वाक्‍ता, “गाना हापा मु़चु़मिमलाई, नेब्‍दीमिमलाई, वाङ-वाङ ल्‍वा जेपामिमलाई मा हपमिमलाई मेर्मिमकु दुथाम आथावो माम्‍चु़नीलाम जेमु बासी।”

मत्ती 4:21

येशू मेलामका लक्‍तोङा बेम्‍डिलो जब्‍दियाकु तारापाचो़चिप याकूब नुङ यूहन्‍नालाई ल्‍वाम्‍डी। मेर्चिपका उची पाप जब्‍दियानुङ कुबी-बोक्‍साडला गन्‍तासिसाका उची पालुङ फिर्तोङा बेच्‍ची। येशूका मेर्चिपलाई येट्‌मिडिची,

मर्कूस 3:16

गुमीका थुट्‌मिडिम को-न थु़र्मामिम ओर्मिमङा: सिमोन, मेरामकु नङ गुमीका पत्रुस जु़ल्‍मिडी,

मर्कूस 3:18

अन्‍द्रियास, फिलिप, बारथोलोमाइ, मत्ती, थोमा, अल्‍फयसकु चो़ याकूब, थेदियस, कनानडाम सिमोन,

लूका 9:54

याकूब नुङ यूहन्‍नाका ओराम ल्‍वाच्‍चिमा येशूनुङ र्‍वाक्‍ची, “ङाचो़, हाम गुकु सो़म्‍दी बेसाका पाह्रीलामका मु योनु़मा ओर्मिम मु़चु़ ख्‍यामिनु़ र्‍वाक्‍पा गानी न बोनी?”