मर्कूस 3:16 - थुलुङ राई

¹⁶ गुमीका थुट्‌मिडिम को-न थु़र्मामिम ओर्मिमङा: सिमोन, मेरामकु नङ गुमीका पत्रुस जु़ल्‍मिडी,

मर्कूस 3:16 Referans Kwoze

यूहन्‍ना 1:42

मेकोतिमा अन्‍द्रियासका सिमोनलाई येशू क्रो़म्‍बेड्‌डा रेड्‌डु़। येशूका सिमोनलाई किकिर्या रेप्‍मिडिमा र्‍वाम्‍डी, “यूहन्‍नाकु तारापाचो़, इमा नङ सिमोन, लावो इमा नङ केफास (केफास र्‍वाक्‍मा पत्रुस) दु़म।”

थु़र्मा 1:13

मेकोतिमा मेर्मिम शहरगोनो हुम्‍डिमा मेर्मिम बाथाल्‍पा नेमडलाम बाखोपडला हुम्‍डी। मेर्मिम पत्रुस, यूहन्‍ना, याकूब, अन्‍द्रियास, फिलिप नुङ थोमा, बारथोलोमाइ नुङ मत्ती, अल्‍फयसकु तारापाचो़ याकूब, सिमोन कनानी नुङ याकूबकु तारापाचो़ यहूदा मेसिन्‍डा बाम्‍थाल्‍मिडी।

२ पत्रुस 1:1

गो येशू ख्रीष्‍टकु डु़ल्‍चो़ नुङ थु़र्मा सिमोन पत्रुसका, इकीमा माम्‍चु़नी नुङ गुइलाई सेल्‍पा येशू ख्रीष्‍टकु चोमिक्‍सी मान्‍थिम नुङ जो़पा खारी बेसीलामका आकीमा होप्‍माम हापा थिकाम थो़र ल्‍वापा गानीलाई ओराम सेलाखाजेम र्‍याक्‍तोङा बेउ।

१ कोरिन्थी 9:5

हाम वाङमिम थु़र्मामिम नुङ ङाचो़ येशूकु ल्‍वाकमिम नुङ केफासका होङङा येशूडा थो़रलु़पा त्‍वाकु नाइमे त्‍वापनुङ लाम्‍दिबेन्‍मु गुकु मेल्‍वाकु मा?

१ कोरिन्थी 3:22

पावल लोवो अपोल्‍लोस लोवो केफास, मा सु़म्‍दिसेर लोवो त्‍वारो़म लोवो सिमु लोवो ओम्‍लो थारी लोवो दिफुम थारी लोवो खोत्‍ले इनीमाङा सो़।

१ कोरिन्थी 1:12

गो र्‍वामु मालुमिम ल्‍वा ओरामङा: गानीगोडाम कोङनिमका, “गो पावलकाम”, याङका “गो ओपोल्‍लोसकाम”, याङका “गो केफासकाम”, मा याङका “गो ख्रीष्‍टकाम” र्‍वानी ए।

मर्कूस 1:16

येशू गालील दिरिदिन फारभाल लक्‍तोङा बेम्‍डिलो सिमोन नुङ उ ल्‍वाक अन्‍द्रियासका पालुङ ओप्‍तोङा बेच्‍चिम ल्‍वाम्‍डी, हेङालोने मेर्चिप पालुङचो़ बाच्‍ची।

मर्कूस 3:15

मेकोतिमा मेर्मिमलाई मुनाङपेल कोल्‍पा साखाम वो ग्‍वाम्‍डी।

मर्कूस 3:17

जब्‍दियाकु चो़चिप याकूब नुङ उमा ल्‍वाक यूहन्‍ना-मेर्चिपकु नङ ‘बोअनर्गेश’ जु़ल्‍मिडी। मेराम र्‍वाक्‍मा बुलु़लु़कु चो़। (बोअनर्गेश: ओराम र्‍वाक्‍मा डोक्‍पु लो़लामका दाला-दाला जेपा)

लूका 6:13

नेम सोङ्‌डाम चङडा गुमीका उनी सीसिपामिमलाई उनीमाडा येट्‌मिडिमा मेर्मिमगोडाम को-न (१२) सीसिपामिमलाई छेट्‌मिडी, मा गुमीका मेर्मिमलाई थु़र्मा र्‍वाक्‍पा नङ बाबेट्‌मिडी। मेर्मिम: