मर्कूस 3:12 - थुलुङ राई

¹² लावो गुमीका ने गो सु़ र्‍वाक्‍साका गानी मा-मा वाङमिमनुङ सो़नी सो़ बेम्‍डी।

मर्कूस 3:12 Referans Kwoze

मत्ती 12:16

मेम्‍मा उनीमा दुथाम सु़लाई वो मेसो़मु सो़ र्‍वाक्‍साका गुमीका मेर्मिमलाई चङचङया बेम्‍डी।

मर्कूस 1:34

वाङ-वाङमी सोमोरीनुङमा छो़म सेर्पा मु़चु़मिमलाई येशूका सबेट्‌मिडी। मेकोतिमा छो़म सेर्पा मुनाङपेलमिम वो ख्‍लुम्‍डिमी। लावो येशूका मे मुनाङपेलमिमलाई जेमुङा मेग्‍वाक्‍मिवा, हेङालोने मेर्मिमका येशू सु़ र्‍वाक्‍साका छेट्‌मिडिम बाइडा।

मर्कूस 1:25

येशूका मेरामलाई भुर्मिडी मा र्‍वाम्‍डी, “वाय बाया, मा मेरामलामका लुक्‍ल्‍याडा।”

मत्ती 8:4

मेकोतिमा येशूका मेराम मु़चु़लाई र्‍वाम्‍डी, “ओरामकु दुथाममिम ल्‍वा गाना सु़नुङ वो मेसो़या वो। लावो डु़म्‍लाचो़काडा लक्‍सा, मा गुका रेम्‍नानु़। मेम्‍मा जोन बेटपा मु़चु़ सलो सासेन्‍मु बासी र्‍वाक्‍साका मोशाकु डु़म्‍लाका र्‍वाक्‍ताम होङङा बे। आरे बेसाका गाना सन्‍नाम बु र्‍वाक्‍पा खोत्‍लेका चमिनु़।”

थु़र्मा 16:18

मेरामका हापा थारीसम्‍म आरेङा बु़डु़होम बाइडा। मेकोतिमा उ र्‍वा ओड्‌डामा पिख्‍लोसित्तो पावलका मे मुनाङपेललाई र्‍वाक्‍ता, “येशू ख्रीष्‍टकु नङडा गो र्‍वाङु, गाना मेरामलामका लुक्‍ल्‍याडा।” मेकोतिलोङा मेराम मुनाङपेल लुक्‍तामा लस्‍ल्‍याड्‌डा।

मत्ती 9:30

मेम्‍मा मेर्चिप मिक्‍सीका ल्‍वापा दु़म्‍ची। “ओराम ल्‍वा सु़नुङ वो मेसो़मु सो़” र्‍वाम्‍डिमा येशूका मेर्चिपलाई ङिम साट्‌मिडिची।