मर्कूस 3:11 - थुलुङ राई

¹¹ हाङकोलो मुनाङपेलमिमका गुमीलाई ल्‍वाम्‍डी मेकोतिलोङा, “गानी माम्‍चु़नीकु चो़” र्‍वाक्‍तो येत्तोङा उनी ङादोडा झार्थाल्‍मिडी।

मर्कूस 3:11 Referans Kwoze

लूका 4:41

हापा मु़चु़मिमलामका मुनाङपेल आरेसाका येत्तो लुम्‍डी, “गानी माम्‍चु़नीकु तारापाचो़ सो़।” लावो येशूका मे मुनाङपेलमिमलाई को सि वो जेमु मेग्‍वाक्‍मिवा, हेङालोने मेर्मिमका गुमी ख्रीष्‍ट र्‍वाक्‍साका छेट्‌मिडिम बाइडा।

लूका 8:28

मेराम मु़चु़का येशूलाई ल्‍वास्‍तु़मा उनी खेलफारयु़ खुम्‍बु बु़डु़, मा डोक्‍पु लो़लामका र्‍वाक्‍ता, “खोत्‍लेडाम घ्‍ल्‍वापा माम्‍चु़नीकु चो़ येशू, गानी गोनुङ हाम बोमु माल्‍निमिम? गो गानीनुङ र्‍वाङु, गोलाई दु़खा मेग्‍वाङनी।”

याकूब 2:19

माम्‍चु़नी कोले कोङङा बुमी र्‍वाक्‍साका गानी थो़र लु़नी, मेराम जो़पाङा सो़। मुनाङपेलमिमका वो मेराम थो़रलु़मी, मा उनी ङिमुका रुडु़मी।

मत्ती 8:29

मेर्चिपका डोक्‍पु लो़लामका आरे र्‍वाक्‍तो येमु चो़म्‍ची, “माम्‍चु़नीकु तारापाचो़, गानी गुचुकुलाई हाम बोमु माल्‍चिकिनिमिम? हाम माम्‍चु़नीका मुलु़ बेम्‍डिम थारीडाम वो ङादोङा गानी गुचुकुलाई दु़खा ग्‍वाप्‍डा रोक्‍निम?”

मत्ती 4:3

मेकोतिमा न छाम्‍पा शैतान उनीमाडा रोक्‍तामा र्‍वाक्‍ता, “गानी माम्‍चु़नीकु तारापाचो़ माला ओर्मिम लुङ सो़बेम दु़म्‍सा बेनी।”

थु़र्मा 16:17

मेराम मेसेम पावल नुङ आकी चङचङ लाम्‍दिडामा आरे र्‍वाक्‍तो येस्‍ता, “ओर्मिम मु़चु़ खोत्‍लेडाम घ्‍ल्‍वापा माम्‍चु़नीकु डु़ल्‍चो़मिम सो़, मा ओर्मिमका गानीलाई हेसाका सेल्‍सिमु चाम्‍नी र्‍वाक्‍पा ल्‍वा सो़प्‍डा रोम्‍डिम बु।”

मत्ती 8:31

मेम्‍मिमका मुनाङचिपका येशूनुङ आरे र्‍वाक्‍चिम-र्‍वाक्‍चिमङा बेच्‍ची, “गानी गुकुलाई ओ मु़चु़चिपलामका कोल्‍किनिमिमङा माला सेर्पा ब्‍वागोनो हुमु ग्‍वाक्‍किनी।”

मत्ती 4:6

मेम्‍मा गुमीलाई र्‍वाक्‍ता, “गानी माम्‍चु़नीकु तारापाचो़ माला ओलामका धाली झुनी, हेङालोने माम्‍चु़नीकु सिजेमडा र्‍यामा बु: ‘गुमीका गानालाई बोमु-थार्मु उनी पाह्रीचो़मिमलाई र्‍वामी, मा मेर्मिमका उनी ल्‍वाका गानालाई येम-येमङा झेनामी। मेम्‍मा इमा खेल लुङडला मेथेम्‍सी’।”

मत्ती 14:33

कुबी-बोक्‍साडला बाट्‌पा सीसिपामिमका गुमीलाई डोक्‍पु मिम्‍साका सेव साट्‌मिडिमा र्‍वाम्‍डी, “गानी आच्‍छाङा माम्‍चु़नीकु तारापाचो़।”

मर्कूस 1:1

माम्‍चु़नीकु चो़ येशू ख्रीष्‍टकु दुथाम जो़पा-ल्‍वाकु चो़म द।

१ कोरिन्थी 11:34

कोङनिम मु़चु़ क्रु़म सिपा बु माला गुका नेमडाङा पु़नु़, मेम्‍साका गानी कोदेप घ्रो़म्‍निलो गानीडला देन्‍दे मेरोनु़। वाङमिम ल्‍वाकु दुथाम गो रोङुमा सीनिनी।