मर्कूस 2:25 - थुलुङ राई

²⁵ गुमीका मेर्मिमलाई र्‍वाम्‍डी, “दाऊद नुङ उमा ङोप्‍सो़मिम क्रु़मसिम्‍डिमा पोमुका खेरे-खेर दु़म्‍मिडिलो गुका हाम बु़डु़ र्‍वाक्‍साका र्‍याक्‍मा हाम गानी हेल्‍लो वो रेप्‍निम मिबु?

मर्कूस 2:25 Referans Kwoze

लूका 10:26

गुमीका मेरामलाई र्‍वाम्‍डी, “मोशाकु डु़म्‍लाडा हाम र्‍वाक्‍मा बु? गाना मेराम डाट्‌नामा हाम थेसिथेट्‌ना?”

मर्कूस 12:26

सिपामिम बम्‍गेमी र्‍वाक्‍पा हाम गानी मोशाकु खाजेमडा डाट्‌निम मिबु? बुथ्राकु दुथाम माम्‍चु़नीकु सिजेमडा माम्‍चु़नीका मोशानुङ र्‍वाम्‍डी, ‘गो अब्राहाम, इसहाक नुङ याकूबकु माम्‍चु़नी।’

मर्कूस 12:20

कोङ नेमडा येतले वा-ल्‍वाकमिम बाम्‍डी। उनी वाका कोले मेसेम रेड्‌डु़, मेकोतिमा मेरामकाम उमा चो़ मेदु़म्‍साका ङा सिडा।

मत्ती 22:31

सिपा बग्‍गेट्‌पाकु दुथाम माम्‍चु़नीका गानीलाई हाम र्‍वाम्‍डिम बु?

मत्ती 21:42

येशूका मेर्मिमलाई र्‍वाम्‍डी, “माम्‍चु़नीकु सिजेमडा ओराम ल्‍वा हाम गानी हेल्‍लो वो डाट्‌निम मिबु? ‘नेम चिर्पा मु़चु़मिमका पार्मिडिम लुङङा नेमकु फारगोयु़म डोक्‍पु सुरलुङ दु़स्‍ता, मिप्रङमाका आरे बेम्‍डी, इकीमा मिक्‍सीलामडा ओराम ङाङाया दु़म्‍सीमिम बु।’

मत्ती 21:16

मेम्‍मा मेर्मिमका येशूलाई हिलाबेम्‍डी, “थो़त्तोङा लेना, चो़च्‍चो़मिमका हाम र्‍वाक्‍तोङा लेन्‍मी?” येशूका र्‍वाम्‍डी, “थो़त्तोङा लेट्‌पु। माम्‍चु़नीकु सिजेमडा ओराम र्‍याक्‍मा हाम गानी हेल्‍लो वो डाट्‌निम मिबु? ‘चो़च्‍चो़मिम नुङ दु़दु़ डुपा चो़मिमकु सिलामका, इनीमा नङ कोमु काम्सो ख्‍लुक्‍निम बु।’”

मत्ती 19:4

लावो गुमीका र्‍वाम्‍डी, “माम्‍चु़नीकु सिजेमडाम हाम गानी डाट्‌निम मिबु? प्रङपा माम्‍चु़नीका सु़म्‍दिमोलो ‘मेर्चिपलाई वोस्‍चो़ नुङ मेसेम बनेबेम्‍डी।’

मत्ती 4:2

गुमी ब्‍ल धु़म (४०) नेम्‍फु नुङ सिन्‍थासम्‍म उपास बाम्‍डिमा छो़म क्रु़मसिम्‍डी।

मर्कूस 2:24

ओराम ल्‍वाम्‍डिमा फरिसीमिमका येशूलाई र्‍वाम्‍डी, “रेप्‍नी, ओर्मिमका हेङा ङेम्‍सिमुनेम हाम बेसी मेनु़पा मेङा बोमिमिम?”

मर्कूस 2:26

डोक्‍पु डु़म्‍लाचो़ अबियाथार बाइडाम थारीका दाऊद हेसाका माम्‍चु़नीकु सो़रनेमगोनो हुङडा, मा माम्‍चु़नीकु नङ बेम्‍मा सो़बेम पु़डु़। मेकोतिमा उमा ङोप्‍सो़मिमलाई वो ग्‍वाक्‍तु़मी। मेराम सो़बेम डु़म्‍लाचो़मिमडाम वाङमिम सु़का वो पेसी मेनु़पा बाइडा।”