मर्कूस 2:16 - थुलुङ राई

¹⁶ फरिसीमिमडाम यहूदीमिमकु डु़म्‍ला सीपा पातु़म्‍रीमिमका गुमी छु़लचो़ नुङ कर फक्‍पामिमनुङ पेत्तोङाबेपा ल्‍वाम्‍डिमा येशूकु सीसिपामिमनुङ र्‍वाम्‍डी, “हेङा गुमीका छु़लचो़मिमनुङ, मा कर फक्‍पामिमनुङ वो कोयो बासाका पोमिमिम?”

मर्कूस 2:16 Referans Kwoze

लूका 19:10

हेङालोने दाम्‍पा मु़चु़मिमलाई माल्‍मु नुङ सेल्‍मु लागि मिनीचो़ योक्‍ताम सो़।”

लूका 18:11

मे फरिसी येम्‍स्‍तामा आरे र्‍वाक्‍तो सो़म्‍दी बु़डु़, ‘माम्‍चु़नी, गो गानीलाई आलासो़ र्‍वाङु, हेङालोने गो वाङमिम मु़चु़मिम होप्‍माम खुचु़वा मेबुङु, मु़चु़मिमलाई मेजो़पा मेबेउमी, मा नाम्‍सु़रु़ मेबेउ। मेम्‍मा ओराम कर फक्‍पा मु़चु़ होप्‍माम वो गो मेबुङु।

१ कोरिन्थी 2:15

माम्‍चु़नी-पेलनुङमा मु़चु़का जो़पा नुङ मेजो़पा र्‍वाक्‍साका खोत्‍ले ल्‍वा छाम्डु़, लावो वाङमिम सु़का वो गुलाई ने छाम्मु मेचाप्सु़।

थु़र्मा 23:9

मेसिन्‍डा छो़म येम्‍डी-दुम्‍डी, मा फरिसीमिमगोडाम डु़म्‍ला सीपा पातु़म्‍रीमिमका बम्‍डिमा आरे र्‍वाम्‍डी, “ओराम मु़चु़काडा गुकु मेजो़पा ल्‍वा हाम वो मेर्डाकुवा। पेल नुङ पाह्रीचो़लामका वो ओराम जेस्‍ताम दु़म्‍मु चाप्‍सु़।”

लूका 19:7

मु़चु़मिमका ओराम ल्‍वाम्‍डिमा आरे र्‍वाक्‍तो सु़म्बुर्मा किन्‍मु चो़म्‍मिडी, “ओराम येशू ने छु़लचो़कु नेमडा बाप्‍डा लस्‍ता।”

हिब्रू 12:3

मेजो़पा मु़चु़मिम आरेसाका उनी कोर्थो़लाम बम्‍डिलो इम्‍पा येशूलाई मिम्‍नी, मेम्‍साका गानी मेघ्रु़म्‍नी मा इनीमा न-गो मेसि।

मर्कूस 2:7

“ओरामका हेङा आरे र्‍वामिम? ओराम ने माम्‍चु़नीलाई डक्‍साका डे जे रेछा! माम्‍चु़नीडाम वाङमी सु़का छु़ल हेम्‍मु चाप्‍सु़ मा?”

मत्ती 18:17

गुका इनीमा वो ल्‍वा मेबिसावा माला मण्‍डलीनुङ सो़या। मण्‍डलीका र्‍वामिम वो मेरामका थो़मु मेबिसावा माला मेरामलाई माम्‍चु़नीडा थो़रमेलु़पा वाङसामा होङङा लोवो कर फक्‍पा मेजो़पा छु़लचो़ होङङा लोवो बेनी।

मत्ती 9:11

फरिसीमिमका ओराम ल्‍वाम्‍डिमा येशूकु सीसिपामिमनुङ र्‍वाम्‍डी, “इनीमा सीपाका कर फक्‍पामिम, छु़लचो़मिमनुङ हेङा पोमी-डुमिमिम?”

मत्ती 5:46

गानीलाई रिखाम बेपालाई कोङङा रिखाम बोनी माला गानी हाम पुरस्‍कार ल्‍वानी मा? कर फक्‍पा मेजो़पा मु़चु़मिमका वो मेमङा बोमी।

मर्कूस 2:15

लेवीकु नेमडा येशूका ग्रुला पेत्तो बेम्‍डिलो गुमीनुङ सेर्पा कर फक्‍पामिम, छु़लचो़मिम नुङ उनी सीसिपामिम वो बाम्‍डी। हेङालोने गुमीनुङ लाम्‍दिपामिम छो़म सेर्पा बाम्‍डी।

लूका 5:30

लावो फरिसीमिम नुङ यहूदीमिमकु डु़म्‍ला सीपा पातु़म्‍रीमिमका येशूकु सीसिपामिमकु कोर्थो़लाम आरे र्‍वाक्‍तो छो़म सु़म्‍बुर्मा किन्‍मु चो़म्‍मिडी, “कर फक्‍पामिम मा वाङमिम छु़लचो़मिमनुङ गानी हेङा कोदेप पोनी डुनिमिम?”