मर्कूस 2:13 - थुलुङ राई

¹³ येशू आथावो कोखेप दिरिदिन फार्थो़ लम्‍डी। मेकोतिलो उनीमाडा छो़म सेर्पा मु़चु़मिम रोम्‍डी, मा गुमीका मेर्मिमलाई सीमु चो़म्‍मिडी।

मर्कूस 2:13 Referans Kwoze

मर्कूस 4:1

आथावो येशूका दिरिदिन फार्डा सीमु चो़म्मिडी। मेसिन्‍डा छो़म सेर्पा मु़चु़मिम खोम्‍सिम्‍डिमका गुमी मे दिरिदिनडाम कुबी-बोक्‍साडला हुम्‍डिमा सीमु चो़म्मिडी। लावो मे सेर्पा मु़चु़मिम ने दिरिदिन फारबाडेङा बाम्‍डी।

लूका 21:38

खोत्‍ले मु़चु़मिम उनी सिजेम थो़प्‍डा नेम सोसोकाङा सो़रनेमगोडा रोम्‍थाल्‍मिडी।

लूका 19:48

मेमङा लोवो मेर्मिमका गुमीलाई सेन्‍मु बासिक्‍पा ल्‍वा हाम वो मेडार्मिवा, हेङालोने खोत्‍ले मु़चु़मिमका गुमीका सीट्‌मिडिम ल्‍वा न सोक्‍साका जो़होमका थो़म्‍थाल्‍मिडी।

मर्कूस 2:2

मेसिन्‍डा छो़म सेर्पा मु़चु़मिम खोम्‍सिम्‍डिमका लाम्‍चोकोडा ना बान्‍थो़ खेल देम्‍खोप ङा मेबायावा, मा येशूका ने सिजेम दो़त्तोङा बेम्‍डी।

मर्कूस 1:45

लावो मेरामका गुमीका र्‍वाम्‍डिम होङङा मेबेसाका लस्‍तामा खोत्‍लेनुङ सो़मु चो़म्‍डु़, मा मेराम ल्‍वा खोत्‍लेथो़ फोन्‍स्‍ता। मेम्‍मिमका येशू देलबाडे ङादोम होम्‍साका मेबासाका मु़चु़का मेल्‍वाखोपबाडे कोङङा बुमु चो़म्‍मिडी। लावो मु़चु़मिम आथावो उनीमाडा खोत्‍लेलामका रोम्‍डिहोमङा बाम्‍डी।

मत्ती 13:1

मेनेम येशू नेमलामका लुम्‍डिमा दिरिदिनकु फार्डा बाम्‍डी।

मत्ती 9:9

येशू मे शहरलामका लक्‍तोङा बेम्‍डिलो मत्ती नङकाम कोले मु़चु़ कर फखोपडा गन्‍तासिट्‌पा ल्‍वाम्‍डी। मेम्‍मा गुमीका मेरामलाई र्‍वाम्‍डी, “गोनुङ लाम्‍दिया।” मेकोतिमा मेराम बक्‍तामा गुमीनुङ लाम्‍दिडा।

मर्कूस 10:1

मेकोतिमा येशू यर्दन ब्‍लोकु होनोहोम्‍बु यहूदियाथो़ लम्‍डी। लावो सेर्पा मु़चु़मिम आथावो उनीमाडा खोम्‍सिम्‍डी मा गुमीका मेर्मिमलाई ङादोम होम्‍साकाङा सीट्‌मिडी।