मर्कूस 16:9 - थुलुङ राई

⁹ [नेप्‍सुङनेम नेम्‍सोसोका ङा येशू सिमुलामका बम्‍गेम्‍डिमा ङादो मरियम मग्‍दलिनीकाडा ल्‍वाला सो़सिम्‍डी। उहेमलामका येशूका ङादो येतले (७) मुनाङमिम ख्‍लुम्‍डिम बाइडा।

मर्कूस 16:9 Referans Kwoze

लूका 8:2

मुनाङ नुङ सोमोरीलाम सपा कोङनिम मेसेममिम वो गुमीनुङ बाम्‍डी। मेर्मिम मेसेममिमगोडा मरियम र्‍वाक्‍मा मग्‍दलिनी मेसेम वो बाइडा। मेराम मेसेमकु मिरो़मलामका येशूका येतले (७) मुनाङ कोल्‍मिडिम बाइडा,

यूहन्‍ना 20:12

मा येशूकु मिरो़म बाइडामडा बुबुयाम नले पाह्रीचो़चिप ल्‍वास्‍तु़। कोले येशूकु बुइ बाट्‌पाथो़ मा कोङमी ने खेल बाट्‌पाथो़ गन्‍तासिट्‌पा बाच्‍ची।

मर्कूस 15:47

मरियम मग्‍दलिनी नुङ योसेफकु माम मरियमचिपका येशू जु़ल्‍मिडिम सु़लु़म रेप्‍थाक्‍चिम बाइडा।

लूका 24:10

मे मेसेममिम मरियम मग्‍दलिनी, योअन्‍ना, मा याकूबकु माम मरियम बाम्‍डी। मेर्मिमनुङ बाट्‌पा वाङमिम मेसेममिमका वो थु़र्मामिमलाई ओराम ल्‍वा सो़म्‍डी।

मत्ती 27:56

मेर्मिमगोडाम मरियम मग्‍दलिनी, याकूब नुङ यासेफकु माम मरियम नुङ जब्‍दियाकु चो़चिपकु माम बाम्‍डी।

मर्कूस 15:40

मेसिन्‍डा कोङ-कोङ मेसेममिमका होनोवा बासाका ङा रेम्‍थाम्‍डिम बाइडा। मेर्मिम मेसेममिम मरियम मग्‍दलिनी, याक्‍के याकूब नुङ योसेसचिपकु माम मरियम नुङ सलोमी बाम्‍डी।

रेम्‍बेट्‌मिडिम ल्‍वा 1:10

ङाचो़कु नेम माम्‍चु़नी-पेललाम गो लु़न्‍सिङडो मा गो आमा चङलामका भुम होप्‍माम डोक्‍पु लो़लाम थो़उतो।

१ कोरिन्थी 16:2

खोत्‍ले हप्‍ताकु ङादोमनेम गानी खोत्‍लेका त्‍वा-त्‍वाहोम खउलुङ डु़प्‍निमकु किचो़ खउलुङ फ्‍वाक्‍निमा जु़ल्‍तोङा बेनी, मेम्‍साका गो रोङुलो ग्‍वा-ग्‍वा फबेन्‍मु मेबासिनु़।

थु़र्मा 20:7

नेप्सुङनेम नेम्‍था येशूकु ग्रुला पेप्‍डा गुकु खोम्‍सिक्‍तोको, मा पावल ने उ दिकाम नेम लमु न बु़डु़मका मेसिन्‍डाम थो़रलु़पामिमनुङ सिन्‍थाम को-न (१२) जेस्‍तामसम्‍म ल्‍वा बु़डु़म बाइडा।

मर्कूस 16:8

मेर्मिम मेलामका उनी लो़ दाम्‍तो लुम्‍डिमा स्‍वाम्‍डी, मा मेराम ल्‍वा सु़नुङ वो मेसो़मिवा, हेङालोने मेर्मिम छो़म ङिम्‍डिम बाइडा।