मर्कूस 16:6 - थुलुङ राई

⁶ लावो मेरामका र्‍वाक्‍ता, “मेङिनी! गानी क्रूसडा चेट्‌मा नासरतडाम येशूलाई माल्‍निम बुनिम, मेएँ डे? गुमी ने आसिन्‍डा मेबुमी, गुमी ने सिमुलाम ख्‍लोम्‍सिमु दु़म्‍मिडिम बु। मेएँ माला रेप्‍नी, मेर्मिमका गुमीलाई आसिङा जु़ल्‍मिडिम बाइडा।

मर्कूस 16:6 Referans Kwoze

लूका 24:46

गुमीका मेर्मिमलाई र्‍वाम्‍डी, “माम्‍चु़नीकु सिजेमडा ओराम र्‍याक्‍मा बु: ‘ख्रीष्‍टका छो़म दु़खा ल्‍वामुमा सिमु बासी, मा सुलेमनेम सिमुलाम बम्‍गेमु बासी,

थु़र्मा 4:10

इस्राएलडाम खोत्‍ले मु़चु़का नुङ गानी खोत्‍लेका चनी, गानी येशूलाई क्रूसडा चेट्‌नी, लावो माम्‍चु़नीका गुमीलाई सिमुलाम फम्‍डी, ओराम मु़चु़ मेराम नासरतडाम येशू ख्रीष्‍टकु नङडा ङा सस्‍ता, मा इनी ङादोडा येम्‍तासिमिम बु।

मर्कूस 1:24

मेरामका येत्तोङा येशूनुङ र्‍वाक्‍ता, “ए नासरतडाम येशू, गुकुनुङ गानी हाम माल्‍निमिम? हाम गानी गुकु पुयु़लुबेड्‍डा रोक्‍निम? गानी माम्‍चु़नीकु सेपाचो़ र्‍वाक्‍साका गो जो़होमका छेनिनी।”

मत्ती 12:40

हेङालोने डोक्‍पु ङोकु ख्‍वाचेपगोनो योना सु नेम्‍फु-सिन्‍था बाइडा, मेम्साकाङा सुलेम नेम्‍फु-सिन्‍था मिनीचो़ वो सुबुगोयु़ दु़म।

मर्कूस 10:34

मेकोतिमा मेर्मिमका गुलाई नाले डान्‍मी, थक्‍सी बेन्‍मी, याल्‍मी मा सेन्‍मी। लावो सुलेम नेम गु सिमुलामका बगे।”

मर्कूस 1:27

मेसिन्‍डाम खोत्‍ले मु़चु़मिमका मेराम ल्‍वाम्‍डिमा ङाङाया दु़म्‍मिडी, मा उनी त्‍वाप-त्‍वापडाङा, “हाम डे आरेप्‍माम? ओराम ने आच्‍छाङाकाम लाले सीसि डे रेछा! मा ओरामका ने उ मुलु़गोनोम होम्‍साकाङा मुनाङपेलमिमलाई वो भुरु़मी रेछा! मा मेर्मिमका वो ओरामका र्‍वामिम थो़मी रेछा!” र्‍वाबेम्‍डी।

मर्कूस 9:15

मे सेर्पा मु़चु़मिमका गुमीलाई ल्‍वाम्‍डी मेडे ङाङाया दु़म्‍मिडी, मा ओन्‍तो लम्‍डिमा सेव साट्‌मिडी।

मर्कूस 14:33

मेकोतिमा गुमीका पत्रुस, याकूब नुङ यूहन्‍नामिमलाई गुमीनुङ लम्‍डी। मेकोतिलो येशू उनी गो मेभ्रसिट्‌पा नुङ न ख्‍याक्‍ल्‍याक्‍पा बाम्‍डी।

थु़र्मा 2:24

लावो गुमीलाई माम्‍चु़नीका सिमुकु दु़खालामका फ्‍वाक्‍साका फम्‍खेम्‍डी। हेङालोने सिमुका गुमीलाई बन्‍थामु मेचाप्‍सु़वा।