मर्कूस 16:18 - थुलुङ राई

¹⁸ मेर्मिमका ब्‍लो जेन्‍मी, मा ङे ङा पोमी-डुमी लावो मेर्मिम हाम वो मेदु़म्‍मी। मेर्मिमका नो़पामिमडला उनी ल्‍वा जु़ल्‍मी, मा नो़पामिम वो सम्‍ल्‍याट्‌मी।”

मर्कूस 16:18 Referans Kwoze

लूका 10:19

ब्‍लोमिम नुङ दावाखाममिम फेमखेलगोयु़ बेपा साखाम नुङ खोत्‍ले स्‍वाक्‍चिमो शैतानकु यु़मलाई वो घ्‍ल्‍वापा यु़म गो गानीलाई ग्‍वाक्‍निमिम बु। ओर्मिम उहेम ल्‍वाका वो गानीलाई मेजो़पा मेबोनी।

थु़र्मा 19:12

कोङ-कोङका ने पावलका लु़प्‍डु़म रुमाल नुङ थ्‍वाक्‍पुरी ङा वो लम्‍डिमा नो़पामिमडला जु़ल्‍मिडिलो मेर्मिम सम्‍थाल्‍मिडी, मा मुनाङपेलमिम वो मेर्मिमलाम लुम्‍डिमा लम्‍डी।

थु़र्मा 4:30

नो़पामिम सबेन्‍मुलाई इनी ल्‍वा हम्‍नी, मा इनी नङका साट्‌मा नुङ इनी डु़ल्‍चो़ येशूकु नङडा छेखोपमिम नुङ यु़मखारीमिम रेम्‍बेनी।”

थु़र्मा 3:16

उनी नङडा बु़डु़म थो़रका नुङ उनी नङका ङा गानी ल्‍वान्‍निम नुङ चनिम ओराम मु़चु़लाई सो ग्‍वाक्‍तु़म बु। येशूडा बु़डु़म थो़रका ओराम मु़चु़लाई गानी खोत्‍लेकु ङादोडा जो़होमका सबेड्‌डु़म बु।

थु़र्मा 9:34

पत्रुसका मेरामनुङ र्‍वाक्‍ता, “ए एनियास, येशू ख्रीष्‍टका गानालाई सबेनामी। बका, मा इमा प्‍लान फका।” मेकोतिलोङा मेराम हुबक्‍ता।

थु़र्मा 3:12

मेराम ल्‍वास्‍तु़मा पत्रुसका मेर्मिमनुङ र्‍वाक्‍ता, “ए इस्राएलडाम मु़चु़नी, ओराम लाम्‍दिइडाम ल्‍वान्‍निमा हेङा गानी ङाङाया दु़म्‍निमा गुचुकुथो़ रेम्‍थानिमिम? गुचुकु आचीमा यु़मका नुङ माम्‍चु़नीकु सो़रलोले जो़होमका बेच्‍चोकोमका ओराम मु़चु़ लाम्‍दिइडाम र्‍वाक्‍पा मिम्‍थानिमिम?

मर्कूस 5:23

मेकोतिमा “आमा नानी सिमुङा खाप्‍डु़म बु। मेम्‍मिमका गानी बिक्‍नीमा गुडला इनीमा ल्‍वा जु़ल्‍नी। मेकोतिमा गु सनु़, मा नु़नु़” र्‍वाक्‍ताम-र्‍वाक्‍तामङा बु़डु़।

रोमी 16:20

न-गो भ्रसिबेट्‍पा माम्‍चु़नीका शैतानलाई दालाङा इनीमा फेम-खेलगोयु़ दु़म्‍बेन्‍मी। इकीमा ङाचो़ येशूकु दिदाम गानीडला दु़म्‍नु़।

१ कोरिन्थी 12:9

कोङनिमलाई मेराम पेललामकाङा थो़रलु़पा, मा कोङनिमलाई मेराम पेललामका नो़पा मु़चु़ सबेट्‌पा राप्‍लावा ग्‍वाम्‍डिम बु।

थु़र्मा 4:10

इस्राएलडाम खोत्‍ले मु़चु़का नुङ गानी खोत्‍लेका चनी, गानी येशूलाई क्रूसडा चेट्‌नी, लावो माम्‍चु़नीका गुमीलाई सिमुलाम फम्‍डी, ओराम मु़चु़ मेराम नासरतडाम येशू ख्रीष्‍टकु नङडा ङा सस्‍ता, मा इनी ङादोडा येम्‍तासिमिम बु।

थु़र्मा 4:22

उहेम मु़चु़ यु़मखारीलामका सबेच्‍चिम बाइडा, मेरामका ब्‍ल धु़म (४०) थ हेम्‍डु़म बाइडा।