मर्कूस 16:17 - थुलुङ राई

¹⁷ थो़रलु़पामिमनुङ ओर्मिम छेखोपमिम दु़म– मेर्मिमका आमा नङडा मुनाङपेलमिम ख्‍लुमी, लाले जेसी जेमी।

मर्कूस 16:17 Referans Kwoze

थु़र्मा 5:16

यरूशलेमकु होनोलाम-आथो़लामबाडेम शहरलामका वो हापा मु़चु़मिमका नो़पामिम नुङ मुनाङपेलका दु़खा ग्‍वाक्‍पामिम मेसिन्‍डा रेन्‍थाल्‍मिडी, मा मेर्मिम खोत्‍लेङा सम्‍थाल्‍मिडी।

१ कोरिन्थी 12:28

माम्‍चु़नीका मण्‍डलीडा आरेसाका जु़ल्‍मिडिम बु, ङादोमडा थु़र्मामिम, मेरामकु चङडा माम्‍चु़नीलाम जेपामिम, मेकोतिमा सीपा मु़चु़मिम। मेम्‍मा हेल्‍लो वो मेल्‍वाम्‍मा खारी बेपामिम, मा नो़पामिमलाई सबेट्‌पा राप्‍लावा ल्‍वापामिम, वाङमिमलाई ख्‍लो़पामिम, मण्‍डली रेपा बेपा मु़चु़मिम, वाङ सामा ल्‍वा जेमु राप्‍लावा ल्‍वापामिम।

१ कोरिन्थी 12:10

पेलका कोङ मु़चु़लाई यु़मखारीमिम बेपा यु़म ग्‍वाकु़, मा कोङनिमलाई माम्‍चु़नीलाम जेपा ल्‍वा, कोङनिमलाई पेललाम रोक्‍पा राप्‍लावा छेमु चापा, कोङनिमलाई वाङ-वाङ ल्‍वाडा जेमु चापा, कोङनिमलाई वाङ-वाङ ल्‍वाडा जेम्‍डिम ल्‍वाकु दुथाम सो़मु चापा राप्‍लावा ग्‍वाक्‍सामी।

थु़र्मा 8:7

हेङालोने सेर्पा मु़चु़मिमलामका मुनाङपेलमिम छो़म डोक्‍पु लो़लामका येत्तो लुम्‍डी, मा उनी ल्‍वा-खेल सोक्‍पामिम हापा ङा सम्‍डी। मेकोतिमा उनी खेल ब्‍लेट्‌पामिम वो सम्‍डी।

लूका 10:17

मे येत धु़म (७०) मु़चु़मिम भ्रसिक्‍तो ख्‍लोसिम्‍डिमा रोम्‍डी, मा आरे र्‍वाम्‍डी, “ङाचो़, इनी नङडा मुनाङपेलमिमका वो गुकु र्‍वाक्‍तोकोम ल्‍वा बिम्‍सिम्‍डी।”

थु़र्मा 10:46

हेङालोने वाङसामामिमका वाङसामा ल्‍वाडा माम्‍चु़नीकु नङ कोक्‍तोङा बेम्‍डिम मेर्मिमका थो़म्‍डी। मेकोतिमा पत्रुसका र्‍वाक्‍ता,

यूहन्‍ना 14:12

“आच्‍छाङा गो गानीलाई र्‍वाङु, उहेमका गोडला थो़र बु़, मेरामका गो बेउतोम होप्‍माम खारी बु़। मेम्‍मा मेरामडाम वो डोक्‍पु खारी बु़, हेङालोने गो पापकाडा लक्‍तोङा बेउ।

थु़र्मा 19:6

पावलका मेर्मिमडला उ ल्‍वा जु़ल्‍लु़लो माम्‍चु़नी-पेल योम्‍डिमा मेर्मिम वाङसामा ल्‍वाडा जेम्‍डी, मा माम्‍चु़नीलाम वो जेम्‍डी।

१ कोरिन्थी 14:2

थेसिमेथेडिमिम वाङ सामा ल्वाडा जेपाका मु़चु़मिमनुङ मेएँ माम्‍चु़नीनुङ जे। गुका जेमिम ल्‍वा सु़का वो थेसिमेथेडु़। थक्‍मा ल्‍वामिम गुका माम्‍चु़नी-पेललाम जे।

१ कोरिन्थी 12:30

हाम खोत्‍लेनुङ नो़पा मु़चु़ सबेट्‌पा राप्‍लावा बु? हाम खोत्‍लेका वाङ सामा ल्‍वामिम जेमी? हाम खोत्‍लेका वाङ वाङ ल्‍वामिमकु दुथाम सो़मु चाम्‍मी?

१ कोरिन्थी 13:1

गो मु़चु़मिमकु हापा सामाकाम ल्वा नुङ पाह्रीचो़मिमकु ल्‍वा जेङु, लावो आगोनो रिखाम मिबु माला गो ने सेका-सेका येपा पिङमा नुङ घ्रो कोङङा दु़म्‍ङु।

थु़र्मा 16:18

मेरामका हापा थारीसम्‍म आरेङा बु़डु़होम बाइडा। मेकोतिमा उ र्‍वा ओड्‌डामा पिख्‍लोसित्तो पावलका मे मुनाङपेललाई र्‍वाक्‍ता, “येशू ख्रीष्‍टकु नङडा गो र्‍वाङु, गाना मेरामलामका लुक्‍ल्‍याडा।” मेकोतिलोङा मेराम मुनाङपेल लुक्‍तामा लस्‍ल्‍याड्‌डा।

मर्कूस 9:38

यूहन्‍नाका गुमीनुङ र्‍वाक्‍ता, “रब्‍बी, कोले मु़चु़का इनी नङडा मुनाङ कोल्‍लु़म गुकु ल्‍वात्तोको। मेकोतिमा गुकु मेरामलाई मेम बोमु मेग्‍वाक्‍कुवा, हेङालोने मेराम गुइनुङ लाम्‍दिपागोडाम मेबायावा।”

थु़र्मा 2:33

माम्‍चु़नीका येशूलाई कोम्‍डिमा उनी जो़पलाम जु़ल्‍मिडी, मा ङादोङा माम्‍चु़नीका र्‍वाम्‍डिम होम्‍साका येशूका माम्‍चु़नी-पेल रम्‍डी। मेराम पेल अम्‍डिम ङा ओम्‍लो गानी ल्‍वानिमिम थो़निमिम सो़।