Biblia Todo Logo
Bib sou entènèt

- Piblisite -




मर्कूस 16:14 - थुलुङ राई

14 चङडा को-कोङ (११) सीसिपामिम ग्रुला पेप्‍डा गन्‍मिडिलो येशू मेर्मिमकाडा ल्‍वाला सो़सिम्‍डी। मेकोतिमा लुङ होप्‍माम मेर्मिमकु नगो नुङ मेर्मिम थो़रमेलु़मिवामडाम गुमी छो़म भुर्मिडी, हेङालोने येशू सिमुलाम बम्‍गेम्‍डिमा गुमीलाई ल्‍वापामिमकु ल्‍वाडा मेर्मिम थो़र मेलु़मिवाम बाइडा।

Gade chapit la Kopi




मर्कूस 16:14
24 Referans Kwoze  

मा गुमी केफासकाडा, मा को-न (१२) थु़र्मामिमकाडा रेम्‍बेम्‍सिम्‍डी।


उहेम-उहेमलाई गो रिखाम बेउमी, मेर्मिमलाई गो भुरुमी मा सीमु लागि यालु़मी। मेम्‍मिमका इमा सो हन्‍बेडा, मेजो़पा खारी बोमु डिसाका माम्‍चु़नीथो़ ख्‍लोसा।


मेम्‍मा गुमीका थोमालाई र्‍वाम्‍डी, “इमा ब्रेप्‍चो आसिन्‍डा फिका, मा आमा ल्‍वा रेप्‍डा। इमा ल्‍वा फिडामा आमा फेटफेटगोनो फिका। इमा नडा मेमुर्सा, थो़रलु़या।”


मेकोतिमा येशूका हापा यु़मखारीमिम बेम्‍डिम शहरमिमकु कोर्थो़लाम जेम्‍डी। हेङालोने मेर्मिमका उनी छु़लमिम मिम्‍सिसाका ख्‍लोम्‍सिम्‍डिम मेबायावा।


येशूका मेर्चिपलाई र्‍वाम्‍डी, “ए नेप्‍ची मान्‍थिम मु़चु़चिप, माम्‍चु़नीलाम-जेपामिम खोत्‍लेका र्‍वाम्‍डिम ल्‍वाडा थो़र बोमु गाचीलाई छो़म छो़स्‍ताम बु।


गुमीका मेर्मिमलाई र्‍वाम्‍डी, “आकोति वो थेसिमेथेनिमिम? पाखालामका मु़चु़गोनो हुपा हामका वो गुलाई मेसेपा दु़म्‍मेबेडु़ र्‍वाक्‍पा गानी आथावो थेसिमेथेनी?


गुमीका मेर्मिमलाई र्‍वाम्‍डी, “इनी थो़र याक्‍के बुमिमका। आच्‍छाङा गो गानीलाई र्‍वाङु, रायाकु मा हेप्‍माम याक्‍के वो थो़र गानीनुङ बु माला ओराम पोप्‍चङलाई ‘ओलामका हेम्‍ल्‍यासिडा’ र्‍वानी माला मेराम हेम्‍ल्‍यासी। गानी बोमु मेचाम्‍निमिम हाम वो मिबु।


मेर्मिमका गुमीलाई ल्‍वाम्‍डिमा सेव साट्‌मिडी, लावो याङका ने मुर्मिडी।


मेसेममिमका सो़म्‍डिम ल्‍वा आच्‍छाङा होङङा मेलु़मिवामका थु़र्मामिमका थो़र मेलु़मिवा।


मेम्‍मिमका वाङमिम सीसिपामिमका गुनुङ र्‍वाम्‍डी, “गुकु ङाचो़लाई ल्‍वात्तोको।” लावो गुका र्‍वाक्‍ता, “गो उनीमा ल्‍वाडा काँटीकु पार मेल्‍वाथु़म नुङ काँटीका होट्‌माडा आमा ब्रेप्‍चो मेफिक्‍थु़मसम्‍म गो थो़र मेलु़ङु।”


लेतलेम चङडा सीसिपामिम आथावो नेमगोनो बाम्‍डी, मा थोमा वो मेर्मिमनुङ बाइडा। लाम्‍चोको ख्‍लु़ट्‌मा बाइडा लोवो येशू रोम्‍डिमा मेर्मिमकु थेतेडा येम्‍सिक्‍साका र्‍वाम्‍डी, “न-गो भ्रसीनु़।”


मेकोतिमा तिबेरियस दिरिदिनकु फार्डा उनीमा सीसिपामिमकाडा येशू आथावो रेम्‍बेम्‍सिम्‍डी। गुमी आरेसाका रेम्‍बेम्‍सिम्‍डी:


सिमुलाम बम्‍गेम्‍डिम चङ्‌डा येशू उनी सीसिपामिमनुङ रेम्‍बेसिम्‍डिम ओराम सु खेपमिम थारी बाइडा।


क्रूसडा सिम्‍डिम चङ्‌डा गुमीका हापा ल्‍वामिमलामका मेर्मिमकु ङादोडा सिमुलाम बम्‍गेम्‍डिम र्‍वाक्‍पा रेम्‍बेम्‍डी। मेर्मिमनुङ गुमी ब्‍ल धु़म (४०) नेमसम्‍म ल्‍वाला सो़म्‍सिम्‍डी, मा माम्‍चु़नीकु किब्‍दीकु दुथाम सीट्‌मिडी।


Swiv nou:

Piblisite


Piblisite