मर्कूस 16:13 - थुलुङ राई

¹³ मेम्‍मा मेर्चिम ख्‍लोसिच्‍चिमा लक्‍चिमा मेराम ल्‍वा वाङमी सीसिपामिमनुङ सो़च्‍ची, लावो मेर्मिम थो़र मेलु़मिवा।

मर्कूस 16:13 Referans Kwoze

यूहन्‍ना 20:25

मेम्‍मिमका वाङमिम सीसिपामिमका गुनुङ र्‍वाम्‍डी, “गुकु ङाचो़लाई ल्‍वात्तोको।” लावो गुका र्‍वाक्‍ता, “गो उनीमा ल्‍वाडा काँटीकु पार मेल्‍वाथु़म नुङ काँटीका होट्‌माडा आमा ब्रेप्‍चो मेफिक्‍थु़मसम्‍म गो थो़र मेलु़ङु।”

यूहन्‍ना 20:8

मेम्‍मा सु़लु़मडा ङादो रोक्‍फाट्‌पा सीसिपा वो चङ्‌डा मेगोनो हुङ्‌डा। गुका मे ल्‍वास्‍तु़मा थो़रबु़डु़।

लूका 16:31

“अब्राहामका गुलाई र्‍वाक्‍ता, ‘मोशा नुङ माम्‍चु़नीलाम-जेपामिमकु सिजेम थो़मिमा उनी छु़ल न-गोलामका मिम्‍सिसाका मेख्‍लोम्‍सिमी माला सिमुलामका कोङनिम बगेङा लोवो मेर्मिमका मेथो़मी’।”

मत्ती 28:17

मेर्मिमका गुमीलाई ल्‍वाम्‍डिमा सेव साट्‌मिडी, लावो याङका ने मुर्मिडी।

मर्कूस 16:11

लावो येशू सिमुलाम बम्‍गेम्‍डिमा मरियमकाडा ल्‍वाला सो़सिम्‍डिम ल्‍वा थो़म्डिमा वो मेर्मिम थो़रमेलु़मिवा।

मर्कूस 16:14

चङडा को-कोङ (११) सीसिपामिम ग्रुला पेप्‍डा गन्‍मिडिलो येशू मेर्मिमकाडा ल्‍वाला सो़सिम्‍डी। मेकोतिमा लुङ होप्‍माम मेर्मिमकु नगो नुङ मेर्मिम थो़रमेलु़मिवामडाम गुमी छो़म भुर्मिडी, हेङालोने येशू सिमुलाम बम्‍गेम्‍डिमा गुमीलाई ल्‍वापामिमकु ल्‍वाडा मेर्मिम थो़र मेलु़मिवाम बाइडा।

लूका 24:11

मेसेममिमका सो़म्‍डिम ल्‍वा आच्‍छाङा होङङा मेलु़मिवामका थु़र्मामिमका थो़र मेलु़मिवा।

लूका 24:41

मेर्मिम छो़म गेर्सिद्‌वाम्‍डिमका नुङ ङाङाया दु़म्‍मिडिमा थो़र मेलु़मिवामका आथावो येम्‍तासिम्‍डी। मेम्‍मा येशूका मेर्मिमलाई हिलाबेम्‍डी, “हाम गानीनुङ हाम-हुम पोमु-डुमु बु?”