मर्कूस 15:43 - थुलुङ राई

⁴³ अरिमाथियाडाम योसेफ मेङिसाका येशूकु सिपा रो़म बिप्‍डा पिलातसकाडा लस्‍ता। गु माम्‍चु़नीकु किब्‍दी लत्तोङा बेपा यहूदीमिमकु डोक्‍पु-घ्रो़म्‍दीडाम कोले ङाउ मु़चु़ बाइडा।

मर्कूस 15:43 Referans Kwoze

लूका 2:38

शिमियोनका मरियम, योसेफनुङ जेमु दु़म्‍स्‍तु़लो हन्‍ना मेसिन्‍डा रोक्‍तामा माम्‍चु़नीलाई आलासो़ ग्‍वाक्‍तु़, मा यरूशलेमडाम मु़चु़मिम सेल्‍सिमिमिम थारी लथाक्‍पामिम खोत्‍लेनुङ गुका मे चो़च्‍चो़ येशूकु दुथाम सो़यु़डु़।

लूका 2:25

मेकोतिलो शिमियोन नङकाम कोले मु़चु़ यरूशलेमडा बाइडा। गु माम्‍चु़नीकु न-गो होप्‍माम नुङ उनी न होम्‍साका दोपा, मा ख्रीष्‍ट योमिमा इस्राएलीमिमलाई बोमी-थार्मिमिम लथाक्‍पा मु़चु़ बाइडा। माम्‍चु़नी-पेल गुनुङ बाम्‍डी,

लूका 23:51

लावो वाङमिम ङाउमिमका येशूकु कोर्थो़लाम बेम्‍डिम मुलु़ नुङ खारी बोमुडा गु मेबासावाम बाइडा। गु यहूदियाडाम अरिमाथिया शहरडाम मु़चु़ बाइडा, मा माम्‍चु़नीका साखाम थो़पा थारी गुका लथाड्‌डु़म बाइडा।

थु़र्मा 17:12

मेम्‍मिमका ओर्मिमगोडाम हापाका येशूडा थो़र लु़म्‍डी। मेकोतिमा नङ धोपा ग्रीक मेसेममिम नुङ ग्रीक वोस्‍चो़मिम वो हापाका येशूडा थो़र लु़म्‍डी।

यूहन्‍ना 19:38

मेकोतिमा चङ्‌डा, अरिमाथिया देलडाम योसेफका पिलातसकाडा येशूकु सिपा मिरो़म बियु़डु़। यहूदीकु ङिमुका योसेफ मेचहोमका येशूकु कोले सीसिपा बाइडा। पिलातसका लमु ग्‍वाक्‍तु़मा गु रोक्‍तामा उनीमा सिपा मिरो़म लडु़।

मत्ती 27:57

ने-नेम्‍थाका अरिमाथिया शहरडाम योसेफ नङकाम कोले खाप्‍चीचो़ रोक्‍ता। गु वो येशूकु सीसिपा बाइडा।

फिलिप्‍पी 1:14

गोलाई चङडिमिमका ङाचो़ येशूडा थो़र लु़पामिम हापाका माम्‍चु़नीकु सिजेम रुकु फिन्‍साका मा मेङिसाका सो़मु आथावो छो़म सो हन्‍पा दु़म्मिडिम बु।

थु़र्मा 13:50

लावो यहूदीमिमका माम्‍चु़नीकु सो़रलोले बेपा डोक्‍पु नङ धोपा मेसेममिम नुङ शहरडाम डोक्‍पु ङाउमिमलाई कोम्‍डिमा पावल नुङ बारनाबासकु कोर्थो़लाम फम्‍डी। मेम्‍मा पावल नुङ बारनाबासलाई मेर्मिमका मेराम शहरलामका कोल्‍सोम्‍डिची।

मर्कूस 14:54

पत्रुस ने होनोवा बासाका ङाउ डु़म्‍लाचो़कु देल्‍फुडा येशूकु चङचङ लस्‍ता। मेकोतिमा मेसिन्‍डा सिपाहीमिमनुङ मु झु़ड्‌डा मु फार्डा गन्‍डा।

मत्ती 20:16

“आरेसाका याक्‍के मु़चु़मिम दिफु डोक्‍पु दु़म्‍मी, मा डोक्‍पु मु़चु़मिम दिफु याक्‍के दु़म्‍मी।”

मत्ती 19:30

लावो ङादो दु़म्पामिम हापा चङडा दु़म्मी, मा चङडा दु़म्पामिम हापा ङादो दु़म्मी।”

मर्कूस 15:44

येशू बासी ङा सिम्‍ल्‍याम्‍डिम र्‍वाक्‍पा थो़स्‍तु़मा पिलातस ङाङाया दु़स्‍ता। मेकोतिमा गुका कप्‍तानलाई येड्‌डु़मा गुमी आच्‍छाङा सिम्‍डिम रे मेएँ र्‍वाक्‍तामा हिलाबु़डु़।

लूका 23:50

योसेफ नङकाम कोले मु़चु़ बाइडा। गु माम्‍चु़नीकु न-गो होप्‍माम मा जो़पा मु़चु़ बाइडा। गु यहूदीमिमकु डोक्‍पु घ्रो़म्‍दीडाम कोले मु़चु़ बाइडा।