मर्कूस 15:21 - थुलुङ राई

²¹ कुरेनीडाम सिमोन, गु अलेक्‍जेन्‍डर नुङ रूफसकु पाप बाइडा। गु देललामका बिक्‍तोङा बेपा मेर्मिमका डार्मिडी, मा मेरामलाई येशूकु क्रूस कुर्मु क्‍र्‍वाम्‍डी।

मर्कूस 15:21 Referans Kwoze

लूका 23:26

पिलातसकु सिपाहीमिमका येशूलाई क्रूसडा चेन्‍मु लागि लक्‍तोङा बेम्‍डिलो कुरेनी शहरडा बाट्‌पा सिमोन देललामका यरूशलेमथो़ रोक्‍तोङा लेट्‌पा डार्मिडी। मेम्‍मा मेरामलाई सिपाहीमिमका चु़म्‍मिडिमा येशूकु क्रूस कुर्बेसाका उनी चङचङ लाम्‍दी बेट्‌मिडी।

मत्ती 27:32

लाम्‍दीडा लक्‍तोङा बेम्‍डिलो मेर्मिमका कुरेनी शहरलाम बिक्‍पा सिमोन नङकाम कोले मु़चु़ डार्मिडी। मेम्‍मा सिपाहीमिमका मेरामलाई येशूकु क्रूस कुर्मु क्‍र्‍वाम्‍डी।

रोमी 16:13

ङाचो़का थुट्‌मिडिम रुफसलाई सेव। आमा त्‍वाकु माम होप्‍माम ङा रूफसकु मामलाई वो सेव बु।

थु़र्मा 13:1

एन्‍टिओखियाडाम मण्‍डलीडा कोङनिम माम्‍चु़नीलाम-जेपामिम नुङ सीपा मु़चु़मिम बाम्‍डी। मेर्मिम, बारनाबास, केकेम र्‍वाक्‍मा शिमियोन, कुरेनीडाम लुकियस, हेरोद हपकु ल्‍वाक बनेबेम्‍डिमा डु़ल्‍मिडिम मनेन नुङ शाऊल बाम्‍डी।

थु़र्मा 11:20

लावो मेर्मिम थो़रलु़पामिमगोडाम याङ-याङ साइप्रस टापु नुङ कुरेनी शहरडाम बाम्‍डी। मेर्मिम एन्‍टिओखिया शहरडा रोम्‍डिमा ग्रीकमिमलाई वो ङाचो़ येशूकु दुथाममिम जो़पा-सेला थो़बेट्‌मिडी।

थु़र्मा 6:9

लावो याङ-याङ ने स्‍तिफनसकु कोर्थो़लाम बमु चो़म्‍मिडी। मेर्मिम फ्‍वाक्‍मा डु़ल्‍चो़मिमकु सामा घ्रो़म्‍दीनेमडाम मु़चु़मिम, मा कुरेनी, अलेक्‍जेन्‍ड्रिया, किलिकिया नुङ एशियाडाम खोत्‍ले मु़चु़मिम बाम्‍डी।

थु़र्मा 2:10

फ्रिगिया, पामफिलिया, मिश्र नुङ कुरेनीडाम लिबियाकु याङ-याङ देललाम नुङ रोमलामका रोक्‍तिम यहूदी नुङ यहूदीदु़म्‍पामिम खोत्‍लेङा बुइ।

लूका 14:27

उहेम मु़चु़का उ त्‍वाकु क्रूस कुर्साका आमा चङचङ मेलाम्‍दी मेराम आमा सीसिपा दु़म्‍मु मेचाप्‍सु़।

मर्कूस 15:20

मेर्मिमका येशूलाई नाले डान्‍मु डु़म्‍मिडिमा मे बैजनी रङकाम ब्लङमा प्‍लु़म्‍साट्‌मिडी, मा उनीमा ये ङा फबेट्‌मिडी, मेकोतिमा गुमीलाई क्रूसडा चेन्‍मुलाई पाखाथो़ ख्‍लुम्‍डी।

यूहन्‍ना 19:17

गुमीका उनी त्‍वाकु क्रूस त्‍वाकाङा कुर्साका बुइसेर र्‍वाक्‍मा बायथो़ लम्‍डी, मेरामलाई हिब्रू ल्‍वाडा गल्‍गथा र्‍वामी।

मत्ती 5:41

कोङनिमका गानीलाई को माइलसम्‍म गुनुङ लाम्‍दी बेट्‌नी माला नक माइलसम्‍मङा गुनुङ लक्‍नी।