मर्कूस 15:14 - थुलुङ राई

¹⁴ पिलातसका मेर्मिमनुङ र्‍वाक्‍ता, “हेङा, मेरामका मेजो़पा खारी हाम बु़डु़म बु मा?” लावो मेर्मिम आथावो छो़म येत्तोङा र्‍वाम्‍डी, “मेरामलाई क्रूसडा चेट्‌नी!”

मर्कूस 15:14 Referans Kwoze

लूका 23:41

गुची ने ख्‍ल्‍याम्‍या बेच्‍चिमका सिमु घ्रेट्‌पाङा बुची, लावो गुमीका ने आरेप्‍माम मेजो़पा खारी ने हाम वो बेम्‍डिम मिबु।”

१ पत्रुस 1:19

लावो हाम वो मेख्‍लो़ट्‌पा नुङ मेजो़पा हाम वो मेबाट्‌पा भेन्‍दाचो़ होप्‍माम ख्रीष्‍टकु हापा थिकाम सिसिका भ्रेसाका माम्‍चु़नीका गानीलाई फ्‍वाक्‍निमिम सो़।

हिब्रू 7:26

मेम्‍मिमका गुइ चाहेबिइमिम डोक्‍पु डु़म्‍लाचो़ ने येशू ङा सो़। गुमी सेपा, हाम वो मेख्‍लो़ट्‌पा, छु़ल मान्‍थिम बुमी, मा गुमी छु़लचो़मिमडाम वाङ दु़म्‍साका खोत्‍लेडाम गेले पाह्रीला कोसिक्‍पा बुमी।

थु़र्मा 19:34

लावो मेर्मिमका गु ने यहूदी र्‍वाक्‍पा चम्‍डी, मा खोत्‍ले कोङ सि दु़म्‍साका नक घण्‍टासम्‍म, “एफिसीमिमकु आर्तेमिस डोक्‍पु बुमी!” र्‍वाक्‍तो डोक्‍पु लो़लामका येम्‍डी।

यूहन्‍ना 19:6

ङाउ डु़म्‍लाचो़मिम नुङ सो़रनेम लपा सिपाहीमिमका येशूलाई ल्‍वाम्‍डी मेडे येम्‍डी, “मेरामलाई क्रूसडा चेट्‌नी, मेरामलाई क्रूसडा चेट्‌नी।” लावो पिलातसका मेर्मिमलाई र्‍वाक्‍ता, “गानीङा ओरामलाई लक्‍निमा क्रूसडा चेट्‌नी। हेङालोने ओराम मु़चु़का ख्‍लो़ड्‌डु़म गो हाम वो मेडारुवा।”

यूहन्‍ना 18:38

पिलातसका गुमीलाई हिलाबु़डु़मी, “आच्‍छाङाकाम ल्‍वा र्‍वाक्‍मा हाम?” आकोति र्‍वाक्‍तामा गु लुक्‍तामा यहूदीमिमकामथो़ लस्‍ता, मा र्‍वाक्‍ता, “ओरामलाई मुमा बेन्‍मु ल्‍वा हाम वो मेडारुवा।

लूका 23:47

ओर्मिम खोत्‍ले ल्‍वास्‍तु़मा रोमी सिपाहीमिमकु कप्‍तानका माम्‍चु़नीकु नङ कोक्‍तो र्‍वाक्‍ता, “आच्‍छाङा ओराम माम्‍चु़नीकु न-गो होप्‍माम मु़चु़ बाइडा।”

लूका 23:21

लावो मेर्मिमका आरे र्‍वाक्‍तो येम्‍डिम बाम्‍डी, “मेरामलाई क्रूसडा चेट्‌नी! मेरामलाई क्रूसडा चेट्‌नी!”

लूका 23:4

पिलातसका ङाउ डु़म्‍लाचो़मिम नुङ सेर्पा मु़चु़मिमलाई र्‍वाक्‍ता, “ओराम मु़चु़का मेजो़पा खारी बु़डु़म गो हाम वो मेडारु।”

मत्ती 27:54

येशूलाई लपाम बाट्‌पा कप्‍तान नुङ सिपाहीमिमका सुबुरुक्‍सी लस्‍ताम नुङ मेसिन्‍डा दु़स्‍ताम खोत्‍ले ल्‍वाम्‍डिमा छो़म ङिम्‍डी। मेम्‍मा मेर्मिमका र्‍वाम्‍डी, “आच्‍छाङा ओराम ने माम्‍चु़नीकु चो़ङा बाइडाम रेछा।”

मत्ती 27:19

निया बेपा गन्‍खोपडा पिलातस गन्‍तासिट्‍डालो उमा नाइमेका आरे र्‍वाक्‍पा सेला थु़र्स्‍तु़, “हाम वो मेख्‍लो़ट्‌पा मेराम मु़चु़लाई हे वो मेबेनी, हेङालोने बासिन्‍था गो उमा दुथाम ङिमा म्‍वात्तोमा छो़म दु़खा ल्‍वाउतोम बु।”

मत्ती 27:4

मेम्‍मा र्‍वाक्‍ता, “हाम वो मेख्‍लो़ट्‌पा मु़चु़लाई भ्रेसाका गो छु़ल बेउतो।” मेर्मिमका र्‍वाम्‍डी, “मेराम आकीमा लागि हाम मा? गानाङा चना।”

मर्कूस 15:13

मेर्मिमका आथावो येम्‍डिमा र्‍वाम्‍डी, “मेरामलाई क्रूसडा चेट्‌नी!”

मर्कूस 15:15

मेकोतिमा पिलातसका मु़चु़मिमलाई गेर्सिबेन्‍मु नका बारब्‍बा डिड्‌डु़, मा येशूलाई कोक्‍तेकाम याल्‍खोपका याल्‍बेत्तो क्रूसडा चेन्‍मुलाई सिपाहीमिमकु ल्‍वाडा ग्‍वाक्‍तु़।

थु़र्मा 13:28

येशू सेन्‍मु बासिट्‌पा ल्‍वा मेर्मिमका हाम वो मेडार्मिवा, लावो गुमीलाई सेन्‍मु ङा बासी र्‍वाक्‍साका पिलातसनुङ र्‍वाम्‍डिम-र्‍वाम्‍डिम बेम्‍डी।