मर्कूस 14:72 - थुलुङ राई

⁷² मेकोतिलोङा नकखेप स्‍वारेपो ओक्‍ल्‍याड्‌डा मा येशूका ङादो आरे र्‍वाम्‍डिम ल्‍वा पत्रुसका मिम्‍डु़, “नकखेप स्‍वारेपो ओमु ङादोङा गाना गोलाई सुकखेप मेछेपुमी र्‍वाना।” मेकोतिमा पत्रुसका मेराम ल्‍वा मिम्‍तो प्‍ल-नाख्‍ली दु़म्‍होम ख्राप्‍डा।

मर्कूस 14:72 Referans Kwoze

मर्कूस 14:30

मेकोतिमा येशूका पत्रुसलाई र्‍वाम्‍डी, “आच्‍छाङा गो गानानुङ र्‍वाङु, आनेप सिन्‍था नकखेप स्‍वारेपो ओमु ङादोङा गाना गोलाई सुकखेप मेछेपु र्‍वाना।”

मर्कूस 14:68

लावो पत्रुसका लिमा थेत्तोङा र्‍वाक्‍ता, “हाम सो़नामिम, गो ने हाम वो थेसिमेथेट्‌पुवा, मा मेचक्‍पु सो़।” मेकोतिमा गु पाखा लक्‍पा डोक्‍पु लाम्‍चोकोथो़ लस्‍ता, मा स्‍वारेपो वो ओक्‍ता।

२ कोरिन्‍थी 7:10

माम्‍चु़नीकु न होम्‍साका न नो़ माला ने ओरामका मु़चु़लाई सेल्‍सिमु लागि उमा छु़ललाम माम्‍चु़नीडा ख्‍लोबेडु़। मेम्‍मिमका ओरामका सु़लाई वो मेखोर्सेडु़। लावो सु़म्‍दिसेरडाम ल्‍वाका न नो़ माला ओरामका सिमुलाम रेडु़।

लूका 22:62

मेम्‍मिमका पत्रुस देल्‍फुलामका लुक्‍तामा लस्‍ता, मा हुला ख्राम बु़डु़।

लूका 22:60

लावो पत्रुसका र्‍वाक्‍ता, “गानी हाम सो़त्तोङा लेनी वाआ, गो ने मेचक्‍पु।” पत्रुस जेत्तोङा बु़डु़लो स्‍वारेपो ओक्‍ता।

मत्ती 26:34

येशूका पत्रुसलाई र्‍वाम्‍डी, “आच्‍छाङा गो गानालाई र्‍वाङु, थामा सिन्‍था स्‍वारेपो ओमु ङादो सुकखेप गाना गोलाई मेछेपु र्‍वाना।”

मर्कूस 14:71

लावो पत्रुसका उ त्‍वाप ङा वाइतो बेन्‍सित्तो कसम पु़डु़मा र्‍वाक्‍ता, “आच्‍छाङा गानी हाम र्‍वानिमिम मे मु़चु़ गो मेछेपु।”