मर्कूस 14:7 - थुलुङ राई

⁷ हेङालोने उ हाम वो मेबाट्‌पामिम ने गानीनुङ हेल्‍लो लोवो दु़म्‍मिम बुमी, मा हाङकोलो न बोनी मेकोतिलो ङा गानी मेर्मिमलाई ख्‍लो़मु चाम्‍निमी। लावो गो ने गानीनुङ मेम्‍साका मेदु़म्‍ङु।

मर्कूस 14:7 Referans Kwoze

मत्ती 26:11

हेङालोने उनी हाम वो मेबाट्‌पा मु़चु़मिम ने हेल्‍लो लोवो गानीनुङङा दु़म्‍मी। लावो गो ने गानीनुङ हेल्‍लो लोवो मेदु़म्‍ङु।

फिलेमोन 1:7

आमा ल्‍वाक, थो़रलु़पामिमलाई बेन्‍नाम इमा रिखामका गोलाई छो़म भ्रसिबेट्‌ङिडी, मा आमा सो हन्‍डा, हेङालोने माम्‍चु़नीकु मु़चु़मिमलाई गाना गेर्सी बेट्‌नामिम बु।

थु़र्मा 3:21

माम्‍चु़नीका माके आथामङा उनी नङका साट्‌मा गुमीलाम-जेपामिमकु सिलामका जेम्‍डिम खोत्‍ले ल्‍वा होम्‍साका दु़म्‍मुथारी मेरोक्‍थु़म ख्रीष्‍ट पाह्रीला बुमु ङा बासी।

यूहन्‍ना 17:11

“गो सु़म्‍दिसेरडा मेबुङु, लावो मेर्मिम सु़म्‍दिसेरडा बुमी, मा गो ने इनीमाडा गेत्तोङा बेउ। सेपा पाआ, गानी गोलाई ग्‍वाङ्‌डिनिम इनीमा नङकु यु़मका मेर्मिमलाई बोनी-थार्निमी, मा गानी नुङ गो कोङसो़ बुचिमिम होङ्‍ङा मेर्मिम वो कोङसो़ दु़म्‍मिनु़।

यूहन्‍ना 16:28

पापकामलामका सु़म्‍दिसेरडा गो योङडो, मा ओम्‍लो सु़म्‍दिसेर डिट्जो़लुमा पापकालाङा ख्‍लोङ्‌सिङु।”

यूहन्‍ना 16:5

“गोलाई थु़र्पाकाडा ओम्‍लो गो लक्‍तोङा बेउ मा वो ‘गानी बान्‍ते लनिमिम?’ र्‍वाक्‍साका गानी सु़का वो गोलाई हिला मेबोङिनी।

यूहन्‍ना 13:33

“ए चो़च्‍चो़नी, गो गानीनुङ घरिकोङ कोङङा दु़म्‍ङु। गानी गोलाई माल्‍ङिनी, मा यहूदीमिमलाई र्‍वाङ्‌डोम होङ्‍ङा गानीलाई वो र्‍वाङु, गो बान्‍ते लक्‍तोङा लेट्‌पु, मेसिन्‍डा गानी रोमु मेचाम्‍नी।

मर्कूस 14:6

लावो येशूका मेर्मिमनुङ र्‍वाम्‍डी, “बुनु़, गानी मेरामलाई दु़खा मेग्‍वाक्‍नी। मेरामका गोलाई छो़म जो़पा खारी बु़डु़म बु।