मर्कूस 14:23 - थुलुङ राई

²³ मेकोतिमा कान्‍चु़रे रम्‍डिमा आलासो़ ग्‍वाम्‍डिमा गुमीका मेर्मिमलाई ग्‍वाम्‍डिमी, मा मेर्मिम खोत्‍लेका मेलामका डुम्‍डी।

मर्कूस 14:23 Referans Kwoze

मर्कूस 14:22

मेकोतिमा पेत्तोङा बेम्‍डिलो येशूका सो़बेम रम्‍डिमा जि ग्‍वाम्‍डी, मा चम्‍डी। मेकोतिमा मेर्मिमलाई ग्‍वाक्‍तोङा र्‍वाम्‍डी, “ने रनी, ओराम आमा मिरो़म सो़।”

मत्ती 26:27

मेम्‍मा कान्‍चु़रे जेट्‌मिडिमा आलासो़ ग्‍वाम्‍डी, मा उनी सीसिपामिमलाई आरे र्‍वाक्‍तो ग्‍वाम्‍डी, “गानी खोत्‍लेका ओराम डुनी।

१ कोरिन्थी 10:16

ङाचो़ येशूकु ग्रुला पेखोपडा कान्‍चु़रे रसाका गुइ माम्‍चु़नीलाई आलासो़ ग्‍वाकी। हाम गुइ कान्‍चु़रेलाम डुङिलो ख्रीष्‍टकु सीसिडा दो़दो़वा डार्स्‍तिम मेएँ मा? मेम्‍मा गुइ सो़बेम चक्‍साका पिइरिलो हाम गुइ ख्रीष्‍टकु मिरो़मकु दो़दो़वा डार्स्‍तिम मेएँ मा?

रोमी 14:6

कोलेममिम नेमडाम वो कोङमी नेम डोक्‍पु मिम्‍पा मु़चु़का माम्‍चु़नीलाई डोक्‍पु बेपा नका मेम बु़। खोत्‍लेम थोक पेपाका माम्‍चु़नीकाम लागि ङा पु़ हेङालोने मेरामका माम्‍चु़नीलाई आलासो़ र्‍वा। खोलेम थोक मेपेपाका वो माम्‍चु़नीकाम लागिङा मेपु़ मा मेरामका वो माम्‍चु़नीलाई आलासो़ र्‍वा।

लूका 22:17

मेकोतिमा येशूका अङ्‍गूरकु बिलामनुङमा कान्‍चु़रे कोम्‍डिमा माम्‍चु़नीलाई आलासो़ ग्‍वाम्‍डी, मा उनी थु़र्मामिमलाई र्‍वाम्‍डी, “ओराम रनी, मा ओलामकाङा खोत्‍लेका डुनी।

मर्कूस 14:24

मेकोतिमा गुमीका मेर्मिमलाई र्‍वाम्‍डी, “ओराम हापा मु़चु़मिमकाम लागि हाट्‌मा सो़रख्रेपा आमा सिसि सो़।