मर्कूस 14:21 - थुलुङ राई

²¹ हेङालोने मिनीचो़ ने उ दुथाम र्‍याक्‍मा होम्‍साका ङा ल, लावो हाउरे मा! मे मिनीचो़लाई भ्रेट्‌पा ने। मेराम मु़चु़ ने मेगक्‍सावाम ङा नु़यावा।”

मर्कूस 14:21 Referans Kwoze

यूहन्‍ना 19:28

खोत्‍ले खारी बोम्‍सोमु दु़स्‍ता र्‍वाक्‍पा येशूका चम्‍डिमा माम्‍चु़नीकु सिजेम होङ्‍ङा रोथिनु़ र्‍वाक्‍साका गुमीका र्‍वाम्‍डी, “कोरा लु़डा।”

थु़र्मा 4:27

“हेङालोने गानी थुट्‌निमा इनी नङका साट्‌निम इनी डु़ल्‍चो़ येशूकु कोर्थो़लाम हेरोद नुङ पन्‍तियस पिलातस, वाङसामामिम नुङ इस्राएलीमिम ओराम शहरडा ङा खोम्‍सिम्‍डिम बाइडा।

थु़र्मा 2:23

येशू गानीलाई ग्‍वामु माम्‍चु़नीकाम ङादो आथाममिम उनी मुलु़ नुङ न बाइडा। मेम्‍मिमका गानी गुमीलाई मेजो़पा मु़चु़मिमलाई ग्‍वाक्‍साका क्रूसडा चेसाका सेन्‍बेट्‌नी।

थु़र्मा 1:25

मेराम लाले-पाङकेडा नुङ थु़र्मामिमकु खारीडा रोमु चाप्‍सु़नु़, उहेम लाले-पाङकेलामका यहूदा ख्‍लोस्‍तामा उ त्‍वाकु खोमडा सिडा।”

मत्ती 26:56

लावो माम्‍चु़नीकु सिजेमडा माम्‍चु़नीलाम-जेपामिमका र्‍याम्‍डिम ल्‍वा रोम्‍थिमु लागि ओर्मिम खोत्‍ले दु़म्‍तोङा लेडु़।” मेकोतिमा सीसिपामिम खोत्‍लेका गुमीलाई पार्जो़ल्मिडिमा स्‍वाम्‍डी।

मत्ती 26:54

लावो मेम दु़स्‍ता माला आरे दु़म्‍मुङा बासी र्‍वाक्‍साका माम्‍चु़नीकु सिजेमका र्‍वामिम हेसाका रोथी मा?”

लूका 24:44

गुमीका मेर्मिमलाई र्‍वाम्‍डी, “गो ङादो गानीनुङ बाङडोलो मोशाकु डु़म्‍लाडा, माम्‍चु़नीलाम-जेपामिमकु खाजेमडा नुङ कोमु काम्‍सोकु खाजेमडा आमा दुथाम र्‍वाक्‍मा खोत्‍ले ल्‍वा रोम्‍थिमुङा बासी” र्‍वाङ्‌डोमा सो़उतोम बाइडा।

लूका 22:22

हेङालोने माम्‍चु़नीका मुलु़ बेम्‍डिम होम्‍साका मिनीचो़ ने सिमुङा बासी, लावो गुलाई भ्रेट्‌पा मेराम मु़चु़लाई ने माम्‍चु़नीका इम्‍मु मेझापा देन्‍दे ग्‍वामी।”

मर्कूस 14:49

हेल्‍लो लोवो सो़रनेमगोडा सीत्तो गो गानीनुङ ङा बाङथाल्‍ङोडो मा मेकोतिलो गानी गोलाई मेचु़म्‍ङिनिवा, लावो माम्‍चु़नीकु-सिजेम होम्‍साकाङा रोक्‍थिड्‍डा।”

मर्कूस 14:20

गुमीका मेर्मिमनुङ र्‍वाम्‍डी, “गानी को-नगोडाम कोले उहेमका कान्‍चु़रेडा गोनुङ ङा सो़बेम लु़प्‍डु़होम बु।

मर्कूस 14:22

मेकोतिमा पेत्तोङा बेम्‍डिलो येशूका सो़बेम रम्‍डिमा जि ग्‍वाम्‍डी, मा चम्‍डी। मेकोतिमा मेर्मिमलाई ग्‍वाक्‍तोङा र्‍वाम्‍डी, “ने रनी, ओराम आमा मिरो़म सो़।”