मर्कूस 14:13 - थुलुङ राई

¹³ मेकोतिमा गुमीका उनी सीसिपामिमगोडाम नलेलाई आरे बेम्‍डिमा थु़र्सोम्‍डी, “शहरडा लक्‍ची मा कु कुर्थाक्‍पा कोले वोस्‍चो़ डार्थिन्‍ची, मा गाची वो मेरामकु चङ-चङ लक्‍ची।

मर्कूस 14:13 Referans Kwoze

हिब्रू 5:9

आरेसाका माम्‍चु़नीका र्‍वाम्‍डिम खोत्‍ले खारी बोमु दु़म्‍मिडिम चङडा येशूका थो़रलु़पामिमलाई हेल्‍लो वो मेसिपा त्‍वारो़म ग्‍वामु लागि सेल्‍मिडी।

हिब्रू 4:13

सु़म्‍दिडा बाट्‌पा हाम वो गुमीलामका थमु मेझाम। उनीमा मिक्‍सीलामडा खोत्‍लेमथोक छ्‍याङलो-छ्‍याङलो बु। मेम्‍मा गुइ बिइडिम खोत्‍ले ल्‍वा गुमीनुङ सो़मु बासी।

यूहन्‍ना 15:14

गो गानीलाई हाम र्‍वाङ्‌डोम बु, मेराम होङ्‍ङा बोनी माला गानी आमा ङोप्‍सो़मिम।

मत्ती 8:9

हेङालोने गो वो आ डोक्‍पु मु़चु़कु ल्‍वाडा बुङु, मा आमा ल्‍वाडा सिपाहीमिम बुमी। कोलेलाई गो ‘लक्‍सा’ बेउ, मा मेराम ल। कोङमीलाई ‘रोका’ बेउ, मा मेराम रो। आमा डु़ल्‍चो़लाई ‘आरे बे’ बेउ, मा मेरामका बु़।”

यूहन्‍ना 2:5

उनी मामका ख्‍लो़पा मु़चु़मिमलाई र्‍वाक्‍ता, “गुमीका गानीलाई र्‍वामिमिम होङङा बेनी।”

मर्कूस 14:12

लङखाम मान्‍थिम सो़बेम पोमु ङादोम नेम मेर्मिमका सेल्‍सिमु-नेमकु भेन्‍दा चो़ फल्‍थाल्‍मिडी। मेम्‍लो उनीमा सीसिपामिमका येशूनुङ हिला बेम्‍डी, “गुकु इनीमा लागि सेल्‍सिमु-नेमकु ग्रुला बान्‍थो़ लमुमा बनेबोमु र्‍वानी?”

मर्कूस 14:14

मेराम मु़चु़ बाम नेमडा हु मेराम नेमहपलाई र्‍वाक्‍ची, ‘ङाचो़का र्‍वाम्‍डिम बु, आमा सीसिपामिमनुङ सेल्‍सिमु-नेमकु सो़बेम पेखोप बोच्‍चो़ बाखोप बान्‍थो़ बु?’