मर्कूस 14:12 - थुलुङ राई

¹² लङखाम मान्‍थिम सो़बेम पोमु ङादोम नेम मेर्मिमका सेल्‍सिमु-नेमकु भेन्‍दा चो़ फल्‍थाल्‍मिडी। मेम्‍लो उनीमा सीसिपामिमका येशूनुङ हिला बेम्‍डी, “गुकु इनीमा लागि सेल्‍सिमु-नेमकु ग्रुला बान्‍थो़ लमुमा बनेबोमु र्‍वानी?”

मर्कूस 14:12 Referans Kwoze

गलाती 4:4

लावो माम्‍चु़नीका मुलु़ बेम्‍डिम जो़पा थारी रोक्‍फाड्‍डालो गुमीका उनीमा त्‍वाकु तारापाचो़ थु़र्मिडी। गुमी कोले मेसेमलाम यहूदी डु़म्‍लागोडा गम्‍डिम बाइडा।

मत्ती 3:15

येशूका गुनुङ र्‍वाम्‍डी, “ओम्‍लो आरेङा बे, हेङालोने माम्‍चु़नीका बेनी र्‍वामिमिम खोत्‍ले बोमु बासी।” मेम्‍मा यूहन्‍नाका कु-रु़दु़म ग्‍वामु बिसिड्‍डा।

मर्कूस 14:1

मेरामकु नलेम चङडा सेल्‍सिमु-नेम नुङ लङखाम मान्‍थिम सो़बेम पेपा नेम बाइडा। मेम्‍लोका ङाउ डु़म्‍लाचो़मिम नुङ यहूदीमिमकु डु़म्‍ला सीपा पातु़म्‍रीमिमका येशूलाई हेसाका चु़म्‍मुमा सेन्‍मु र्‍वाक्‍पा खाप रेम्‍बाल्‍मिडी।

मर्कूस 14:11

मेर्मिमका ओराम ल्‍वा थो़म्डिमा गेर्सिम्‍डी, मा यहूदालाई खउलुङ ग्‍वाक्‍पा मुलु़ बेम्‍डी। मेकोतिमा यहूदाका गुमीलाई हेसाका चु़म्‍बेन्‍मुमी र्‍वाक्‍साका जो़पा खाप रेम्‍मु चो़म्‍डु़।

मर्कूस 14:13

मेकोतिमा गुमीका उनी सीसिपामिमगोडाम नलेलाई आरे बेम्‍डिमा थु़र्सोम्‍डी, “शहरडा लक्‍ची मा कु कुर्थाक्‍पा कोले वोस्‍चो़ डार्थिन्‍ची, मा गाची वो मेरामकु चङ-चङ लक्‍ची।