मर्कूस 14:11 - थुलुङ राई

¹¹ मेर्मिमका ओराम ल्‍वा थो़म्डिमा गेर्सिम्‍डी, मा यहूदालाई खउलुङ ग्‍वाक्‍पा मुलु़ बेम्‍डी। मेकोतिमा यहूदाका गुमीलाई हेसाका चु़म्‍बेन्‍मुमी र्‍वाक्‍साका जो़पा खाप रेम्‍मु चो़म्‍डु़।

मर्कूस 14:11 Referans Kwoze

१ तिमोथी 6:10

हेङालोने खउलुङ द्‌वामसिमुङा खोत्‍ले मेजो़पा ल्‍वामिमकु सक्‍फार सो़। खउलुङकु रारी बेसाका कोङ-कोङ मु़चु़मिम थो़र लु़मु डिसाका मेजो़पा लाम्‍दीथो़ लम्‍डिम बु, मा दु़खा ल्‍वामिमका मेर्मिमकु थो़मबोक छो़म ख्‍वाक्‍थाडु़मिम बु।

यहूदा 1:11

मेर्मिम ने हाउरेमा! हेङालोने मेर्मिमका कयिनकु लाम्‍दी ख्‍लम्‍डी, खउलुङकाम लागि बालामका बु़डु़म होङङा मेर्मिमका मेजो़पा खारी बेम्‍डी। कोरहकु रिबुसी किसि होङङा मेर्मिम पुयु़लुमी।

मत्ती 26:15

मा हिलाबु़डु़, “गो येशूलाई इनीमा ल्‍वाड्‌डा बोन्‍सानिनी माला गोलाई हाम ग्‍वामु इनीमा न बु?” मेर्मिमका गुलाई सु धु़म (३०) मत्तोकु खउलुङ ग्‍वाम्‍डी।

मत्ती 26:14

मेकोतिमा को-न (१२) सीसिपामिमगोडाम यहूदा इस्‍करियोत र्‍वाक्‍मा कोले सीसिपा ङाउ डु़म्‍लाचो़मिमकाडा लस्‍ता,

मर्कूस 14:10

मेकोतिमा को-न (१२) येशूकु सीसिपामिमगोडाम कोले यहूदा इस्‍करियोत ने येशू उनी ल्‍वाडा चु़म्‍बेड्‌डा ङाउ डु़म्‍लाचो़मिमकाडा लस्‍ता।

मर्कूस 14:12

लङखाम मान्‍थिम सो़बेम पोमु ङादोम नेम मेर्मिमका सेल्‍सिमु-नेमकु भेन्‍दा चो़ फल्‍थाल्‍मिडी। मेम्‍लो उनीमा सीसिपामिमका येशूनुङ हिला बेम्‍डी, “गुकु इनीमा लागि सेल्‍सिमु-नेमकु ग्रुला बान्‍थो़ लमुमा बनेबोमु र्‍वानी?”

लूका 22:3

मेकोतिमा को-न (१२) सीसिपामिमगोडाम कोले यहूदा इस्‍करियोत र्‍वाक्‍मा मु़चु़गोडा शैतान हुङडा।