मर्कूस 13:7 - थुलुङ राई

⁷ हाङकोलो गानी क्‍वाल्‍बा नुङ क्‍वाल्‍बाकु ल्‍वा थो़नी मेकोतिलो इनीमा लो़ मेदाम्‍नु़, हेङालोने आरेप्‍माम दु़म्‍मु ङा बासी। मेकोतिमा वो हुमु थारी रोमु ने हापा दु़म।

मर्कूस 13:7 Referans Kwoze

यूहन्‍ना 14:27

न-भ्रसी गो गानीनुङ पार्जो़लु, मा आमा न-भ्रसी गो गानीलाई ग्‍वानिनी। गानी ओराम सु़म्‍दिसेरका ग्‍वाक्‍पा होप्‍माम न-भ्रसी गो मेग्‍वानिनी। इनी न-गो मेभ्रसिक्‍पा मेदु़म्‍नी, मा मेङिनी।

थु़र्मा 17:3

ख्रीष्‍टका दु़खा ल्‍वासाका सिम्‍डी। मेम्‍मा सिमुलाम बम्‍गेम्‍डी र्‍वाक्‍पा मेर्मिमनुङ रेम्‍बु़डु़। मेकोतिमा गुका र्‍वाक्‍ता, “ख्रीष्‍टकु दुथाम गो गानीनुङ सो़उहोम बुङुमिम गुमी येशू ङा सो़।”

मत्ती 18:7

“ओ सु़म्‍दिसेरडाम मु़चु़मिम ने हाउरेमा, हेङालोने मु़चु़मिमलाई छु़ल बेबेट्‌पा ल्वा ने हापाङा बु। आरेप्माम ल्वामिम ने रो ङा, लावो वाङमिमलाई छु़ल बेबेट्‌पा मु़चु़ ने हाउरेमा!

यूहन्‍ना 14:1

“इनीमा न-गोडा मेभ्रसिक्‍पा मेदु़म्‍नी। माम्‍चु़नीडा थो़रलु़नी, मा गोडला वो थो़र बेनी।

मत्ती 2:3

ओराम ल्‍वा थो़स्‍तु़मा हेरोद हपका छो़म मिम्‍ताम-सो़र्ताम बु़डु़, मा यरूशलेमडाम खोत्‍ले मु़चु़मिमका वो मिम्‍ताम-सो़र्ताम बेम्‍डी।

मर्कूस 13:6

‘गो गुङा’ र्‍वाक्‍तो आमा नङडा रोक्‍पा हापा ङा दु़म्‍मी, मा मेर्मिमका हापालाई ब्‍लो़म्‍मी।

मर्कूस 13:8

हेङालोने कोङ सामाका कोङमी सामानुङ क्‍वाल्‍बा बु़, मा कोङ किब्‍दीका कोङमी किब्‍दीनुङ क्‍वाल्‍बा बु़। याङ-याङडा सुबु-रुक्‍सी नुङ पोमुकु दु़खानेम वो दु़म। ओर्मिम खोत्‍ले ल्‍वामिम मेसेमकु चो़च्‍चो़ दु़म्‍मु थारीका हिम्‍बा खेन्‍मु चो़म्‍डु़मिम होप्‍माम कोङङा दु़म।