मर्कूस 13:32 - थुलुङ राई

³² मेराम थारीकु दुथाम पाह्रीला बाट्‌पा माम्‍चु़नीडाम वाङमी पाह्रीचो़ ना मिनीचो़ सु़का वो मेचमी।

मर्कूस 13:32 Referans Kwoze

थु़र्मा 1:7

गुमीका मेर्मिर्मनुङ र्‍वाम्‍डी, “माम्‍चु़नीका उनी त्‍वाकु साखामलामका र्‍वाम्‍डिम थारीकु दुथाम गानी थेन्‍मुम बुमु मेबासी।

मत्ती 25:13

“मेम्‍मिमका चङचङया बानी वो, हेङालोने मिनीचो़ योक्‍पा नेम लोवो थारी लोवो गानी मेचनी।

रेम्‍बेट्‌मिडिम ल्‍वा 3:3

मेम्‍मिमका गाना हाम ल्‍वान्‍नाम नुङ थो़न्‍नाम सीसि मिम्‍डा। गानालाई सीट्‌मा ल्‍वा होम्‍साका लाम्‍दिया मा मेजो़पा लाम्‍दीलाम ख्‍लोसा। गाना ङोसिक्‍साका मेबानावा माला ने खुचु़वा रोमिम होङङा गो लिबावा रोङु मा बामथारीका गो इमाडा रोङु मेराम गाना मेचना।

मत्ती 25:6

“आधा सिन्‍था बिलि कोङनिमका डोक्‍पु लो़लामका आरे र्‍वाक्‍ता, ‘रेप्‍नी, लारेपा रोक्‍तोङा बु़, गुलाई क्रो़म्‍डा रोक्‍नी।’

२ पत्रुस 3:10

लावो ङाचो़ योमिमिम मेरामनेम खुचु़वा होङङा मेमिम्‍मा नेम रो। पाह्री डोक्‍पु लो़लामका येमा दाम, मेगोडा बाट्‌पा खोत्‍ले मुका ख्‍यामी। सुबु नुङ सुबुडा बाट्पा खोत्‍ले पुयु़लुमी।

मत्ती 25:19

“हापा चङडा मेर्मिमकु नेमहप ख्‍लोसिड्‌डा, मा उ खउलुङ हेसाका मोम्‍डी, मेराम हिसाब बिमु लागि मेर्मिमलाई येड्‌डु़मी।

रेम्‍बेट्‌मिडिम ल्‍वा 1:1

ओराम खाजेमडा दालाङा हाम दु़म्मिम मेराम ल्‍वा येशू ख्रीष्‍टका रेम्‍बेम्‍डिम बु। त्‍वाकु लाले-पाङके बेपा डु़ल्‍चो़मिमका दालाङा ओराम ल्‍वाकु दुथाम चमिनु़ र्‍वाक्‍साका माम्‍चु़नीका ओराम रेम्‍बेट्‌मिडम ल्‍वा येशूलाई ग्‍वाम्‍डी। मेम्‍मा ओराम ल्‍वाकु दुथाम सो़मु लागि येशूका कोले पाह्रीचो़लाई उनीमा त्‍वाकु डु़ल्‍चो़ यूहन्‍नाकाडा थु़र्मिडी।

मर्कूस 13:31

सुबु नुङ धामु दाममा ल, लावो आमा सिजेम ने हाम्‍सी वो मेदाम।