मर्कूस 13:3 - थुलुङ राई

³ मेकोतिमा येशू मे सो़रनेमकु होनो होम्‍बुनोम जैतून पोप्‍चङडला गन्‍तासिट्‌मिडिलो पत्रुस, याकूब, यूहन्‍ना नुङ अन्‍द्रियास कोङङा येशूनुङ बाम्‍डिलो मेर्मिमका हिला बेम्‍डी,

मर्कूस 13:3 Referans Kwoze

मर्कूस 4:34

येशूका सीसि-सो़म्‍दी मान्‍थि मेर्मिमलाई हाम वो मेसिन्‍थाल्‍मिवा, लावो उनी सीसिपामिमलाई ने उनी त्‍वापङा दु़म्‍मिडिम थारीका मेरामका र्‍वामु मालु़मिम ल्‍वा जो़होमका थेसिथेन्‍बेन्‍थाल्‍मिडी।

मत्ती 21:1

येशू नुङ उनी सीसिपामिम यरूशलेम फार्डा रोम्‍फाम्‍डी, मा जैतून पोप्‍चङडलाम बेथफागे देलडा रोम्‍डी। येशूका नले उनी सीसिपालाई आरे र्‍वाम्‍डिमा थु़र्मिडी,

मर्कूस 14:33

मेकोतिमा गुमीका पत्रुस, याकूब नुङ यूहन्‍नामिमलाई गुमीनुङ लम्‍डी। मेकोतिलो येशू उनी गो मेभ्रसिट्‌पा नुङ न ख्‍याक्‍ल्‍याक्‍पा बाम्‍डी।

मर्कूस 10:35

जब्‍दियाकु चो़चिप याकूब नुङ यूहन्‍ना येशूकाडा रोक्‍चिमा र्‍वाक्‍ची, “ङाचो़, गुचुकु गानीनुङ हाम बिचुकु, मेराम गानी गुचुकुलाई बेसाक्‍चिकिनी र्‍वाक्‍पा आचीमा न बु।”

मर्कूस 9:2

मेरामकु रुलेम चङडा येशूका पत्रुस, याकूब नुङ यूहन्‍नालाई लम्‍डिमा कोङ येप्‍पा पोप्‍चङडला लम्‍डी। मेडला येशू नुङ सुले उनी सीसिपामिमडाम वाङमी सु़ वो मेबामिवा, मा मेर्मिमका रेप्‍मिडी होङङा येशूकु ङाली ख्‍लोसिड्‍डा।

मर्कूस 5:37

मेकोतिमा येशूका पत्रुस, याकूब नुङ उमा ल्‍वाक यूहन्‍नाडाम वाङमी सु़ वो गुमीनुङ लमु मेग्‍वाक्‍मिवा।

मत्ती 24:3

चङडा जैतून पोप्‍चङडला येशू गन्‍तासिट्‌मिडिलो उनी सीसिपामिम कोङङा येशूकाडा रोम्‍डिमा हिलाबेम्‍डी, “ओराम ल्‍वा हाम्‍सिका दु़म? गानी ख्‍लोन्‍सिनिमिम नुङ सु़म्‍दिसेर हुक्‍पा हेप्‍माम छेखोप दु़म?”

मत्ती 17:1

रुलेम चङडा येशूका पत्रुस, याकूब नुङ उ ल्‍वाक यूहन्‍नालाई कोङङा लम्‍डिमा कोले येप्‍पा पोप्‍चङडला लम्‍डी।

मत्ती 13:36

येशूका सेर्पा मु़चु़लाई पार्जो़ल्‍मिडिमा नेमगोनो हुम्‍डी। उनी सीसिपामिम रोम्‍डिमा गुमीनुङ र्‍वाम्‍डी, “येडाम मालिन्‍दोकु सीसि-सो़म्‍दीका र्‍वामु माल्‍लु़म ल्‍वा गुकुनुङ सो़नीका।”

मत्ती 13:10

उनी सीसिपामिम रोम्‍डिमा येशूनुङ हिलाबेम्‍डी, “गानी मु़चु़मिमलाई सीनिमिलो हेङा सीसि-सो़म्‍दीलामका सीनिमिमिम?”

मर्कूस 13:4

“गुकुनुङ सो़नी ओर्मिम हाम्‍सी दु़म? मा ओर्मिम खोत्‍ले दु़म्‍मु ङादो हा-हाम दु़म?”