मर्कूस 13:27 - थुलुङ राई

²⁷ मेकोतिमा गुमीका पाह्रीचो़मिमलाई सुबु नुङ धामु खोत्‍लेथो़ थु़र्मी, मा मेर्मिमका खोत्‍लेलामका माम्‍चु़नीका छेट्‌मिडिम खोत्‍लेलाई कोदेप बोमिमा रेन्‍मी।

मर्कूस 13:27 Referans Kwoze

मत्ती 24:31

मिनीचो़का उ पाह्रीचो़मिमलाई भुमकु डोक्‍पु लो़लामनुङ थु़रु़मी, मा छेट्‌मा उ मु़चु़मिमलाई सुबुडाम खोत्‍लेथो़लाम मेर्मिमका खोम्‍मी।

२ थेसलोनिकी 2:1

वा-ल्‍वाकनी, इकीमा ङाचो़ येशू ख्रीष्‍ट योमिमिम नुङ गुमीलाई क्रो़म्‍मु लागि माम्‍चु़नीका कोदेप खोप्‍सामिमिमकु दुथाम गुकु गानीलाई छो़म र्‍वाकु,

लूका 16:22

“चङडा मे उ हाम वो मेबाट्‌पा लाजरस सिडा, मा पाह्रीचो़मिमका मेरामकु पेल लम्‍डिमा पाह्रीला अब्राहामनुङ जु़ल्‍मिडी। मे खाप्‍चीचो़ वो सिडा, मा क्‍लु़म्‍मिडी।

मर्कूस 13:20

माम्‍चु़नीका मेराम दु़खानेम मेछु़प्‍मिवाम माला ने सामनुङमा सु़ वो मेदु़म्‍मिवा। लावो उनी त्‍वाका छेट्‌मिडिम मु़चु़मिमकु दुथाम मे थारी छु़प्‍मिडिम बु।

मत्ती 13:41

मिनीचो़का उ पाह्रीचो़मिमलाई थु़र्सु़मी, मा छु़ल बेबेट्‌पामिम नुङ खोत्‍ले रु़चो़मिमलाई मेर्मिमका उ किब्‍दीलामका ख्‍लुम्‍सोमी।

१ पत्रुस 1:2

ङादो आथाममिम उनी मुलु़ होम्‍साका माम्‍चु़नी पापका गानीलाई उनी त्‍वाकु मु़चु़ दु़म्‍मु छेट्‌निमी। येशू ख्रीष्‍टकु सिसिका कोसाका सेपा दु़म्‍साका गुमीका र्‍वामिमिम गानी थो़नी र्‍वाक्‍साका गुमीका गानीलाई उनी पेलका उनीमा बनेबेन्‍नी। माम्‍चु़नीका गानीलाई दिदाम नुङ न-भ्रसी छो़म हापा ग्‍वानिमिनु़।

२ तिमोथी 2:10

माम्‍चु़नीका छेट्‌मिडिम मु़चु़मिमका वो ख्रीष्‍ट येशूडा सेल्‍सिमु ल्‍वामी। मेम्‍मा मेराम सेल्‍सिसीनुङ हेल्‍लो वो मेदाम्‍पा यु़म-झ्‍वाक्‍सी ल्‍वामी मेम्‍मिमका मेर्मिमकाम लागि गो खोत्‍ले इम्‍पा आमा न बु।

कलस्‍सी 3:12

माम्‍चु़नीका गानीलाई उनीमा मु़चु़ दु़म्‍मु छेट्‌निमी, उनीमा नङका साट्‌निमी, मा रिखाम बेन्‍निमी। मेम्‍मिमका नाम्‍नाम्चो़ लु़पा, न-थो़मनुङमा, याक्‍के दु़म्‍पा, मेक्रोक्‍पा दु़म्‍पा मा इम्‍सिक्‍पा दु़म्‍नी।

रोमी 8:33

माम्‍चु़नीका छेट्‌मिडिम मु़चु़लाई सु़का मुमा बेन्‍मु चाप्‍सु़ मा? माम्‍चु़नी उनी त्‍वाकाङा मुमा मान्‍थिम दु़म्‍बेट्‌मिडिम बु।

यूहन्‍ना 11:52

नेब्‍दीकाम लागि कोङङा मेएँ, खोत्‍लेथो़ फोन्‍सिक्‍साका बाट्‌पा माम्‍चु़नीकु चो़मिमलाई कोदेप बोमु लागि र्‍वाक्‍मा बाइडा।

यूहन्‍ना 10:16

“आमा वाङमिम भेन्‍दामिम वो बुमी, मेर्मिम ओराम गोठाडाम मेएँ। मेर्मिमलाई वो गो रेन्‍मु बासिक्‍पा बु। मेर्मिमका आमा लो़लाम थो़मी, मा मेर्मिम कोलेङा बगाल दु़म्‍मी। मेम्‍मा कोलेङा रेपा-क्रिपा दु़म।

लूका 18:7

हाम नेम्‍फु सिन्‍था माम्‍चु़नीकु नङडा सो़म्‍दी बेपा उनी मु़चु़मिमकाम माम्‍चु़नीका निया मेबोम्‍सामी मा? हाम मेर्मिमकाम लागि निया बोमु गुमी छु़मी मा?

मर्कूस 13:22

झाम माला माम्‍चु़नीलाम छेट्‍मामिमलाई ब्‍लो़म्‍मु ख्रीष्‍ट लिसिपामिम नुङ माम्‍चु़नीलाम जेपा लिसिपामिम लुमी मा यु़म-खारी रेम्‍बोमु माल्‍मी।

मत्ती 24:24

हेङालोने ख्रीष्‍ट लिसिक्‍पामिम नुङ माम्‍चु़नीलाम-जेपा लिसिक्‍पामिम लुमी। मेम्‍मा झापा माला माम्‍चु़नीका उनी मु़चु़ दु़म्‍मु छेट्‌मिडिम मु़चु़मिमलाई वो ताङताहेरथो़ लमु लागि डोक्‍पुतो छेखोपमिम नुङ यु़मखारीमिम रेम्‍बोमी।

मत्ती 24:22

मेराम थारी माम्‍चु़नीका मेछु़प्‍मिवाम माला ने सामनुङमा सु़वो मेदु़म्‍मिवा। लावो गुमीका थुट्‌मिडिम मु़चु़मिमकाम लागि मेराम थारी छु़प्‍मी।

मत्ती 13:49

सु़म्‍दिसेर हुक्‍पा थारीका आरेप्‍मामङा दु़म। पाह्रीचो़मिम योमिमा माम्‍चु़नीकु न-गो होप्‍माम मु़चु़मिमलामका छु़लचो़मिमलाई वाङ बोमी,

मत्ती 12:42

निया दु़म्मिम नेम रायला नेब्‍दीडाम मेसेम हप आथामबिलिम मु़चु़मिमकु कोर्थो़लाम ब, मा मुमा बेडु़मी। हेङालोने सोलोमन हपकु नेप्‍चीनुङमा सीसि थो़प्‍डा सुबु बिर्खोपलामका मेराम रोक्‍ताम बाइडा। लावो ओराम चनी, सोलोमनडाम वो घ्‍ल्‍वापा कोङनिम आसिन्‍डा बु।

मर्कूस 13:28

“बैससीकु धक्‍सालामका कोङनिम ल्‍वा सीन्‍सिट्‌नी। मेरामकु ग्रेमडा लिम लिम्‍मु चो़म्‍डु़लो ग्‍वाल थारी रोफामिम दु़म र्‍वाक्‍पा चनी।