मर्कूस 13:26 - थुलुङ राई

²⁶ मेकोतिलो मु़चु़मिमका मिनीचो़ खासेडा यु़म नुङ यु़म-झ्‍वाक्‍सीडा योक्‍तोङा बेपा ल्‍वामी।

मर्कूस 13:26 Referans Kwoze

रेम्‍बेट्‌मिडिम ल्‍वा 1:7

रेप्‍नी, येशू खासेडलामका योमुङा खाप्‍मी, मेम्‍मा खोत्‍ले मु़चु़मिमका गुमीलाई मिक्‍सीका ल्‍वामी। गुमीलाई क्रूसडला चेट्‌पामिमका वो गुमीलाई ल्‍वामी। मेम्‍मा सुबुडाम खोत्‍ले दोचो़गोडाम मु़चु़मिम गुमीडाम खोर्सेक्‍तो ख्राम्‍मि-दुमी। आरेङा दु़म्‍नु़। आमेन।

मर्कूस 14:62

येशूका र्‍वाम्‍डी, “गो ङा, गानी मिनीचो़लाई माम्‍चु़नीकु जो़पलामका गन्‍तासिट्‌पा मा धामुला खासेडा योक्‍तोङा बेपा ल्‍वानी।”

मत्ती 24:30

“मेकोतिमा मिनीचो़ योक्‍तोङा बेपा छेखोप धामुला रेम्‍बेसी, मा खोत्‍ले मु़चु़मिम ख्राम्‍मी-दुमी। मेम्‍मा धामुलाम खासेडलामका यु़म नुङ यु़म-झ्‍वाक्‍सीडा मिनीचो़ योक्‍तोङा बेपा मेर्मिमका ल्‍वामी।

मत्ती 16:27

हेङालोने मिनीचो़ उ त्‍वाकु पापका ग्‍वामिमिम यु़म-झ्‍वाक्‍सीडा उ पाह्रीचो़मिमनुङ यो। मेराम थारीका गुका खोत्‍ले मु़चु़मिमलाई मेर्मिमका बेम्‍डिम खारी होम्‍साका पुरस्‍कार लोवो देन्‍दे लोवो ग्‍वाकु़मी।

मत्ती 25:31

“मिनीचो़ खोत्‍ले पाह्रीचो़मिमनुङ उ यु़म-झ्‍वाक्‍सीडा यो, मा हप दु़ममा डोक्‍पु उ गन्‍खोपडा गन।

मर्कूस 8:38

ओराम नाम्‍सु़रु़चो़ नुङ छु़लचो़मिमगोडा उहेम गो नुङ आमा सिजेमडाम उमा क्रो़म लु़, मिनीचो़ वो माम्‍चु़नी पापकु यु़म-झ्‍वाक्‍सीडा माम्‍चु़नीकु नङका साट्‌मा पाह्रीचो़मिमनुङ योलो मेरामडाम उमा क्रो़म लु़।”

१ थेसलोनिकी 4:16

डोक्‍पु-पाह्रीचो़कु लो़लाम नुङ पाह्रीचो़मिमका माम्‍चु़नीकु भुम डु़प्‍मिमिमकु लो़लामका ङाचो़ येशू उनी त्‍वापङा डोक्‍पु लो़लामका साखामनुङ येत्तो पाह्रीलामका योमी। मेम्‍मा ख्रीष्‍टडला थो़रलु़साका सिपामिम ङादोङा बम्‍गेमी।

थु़र्मा 1:11

मेकोतिमा मेर्चिपका मेर्मिमनुङ र्‍वाक्‍ची, “ए गालीलडाम मु़चु़नी, गानी हेङा येम्‍तासिनिमा धामुथो़ रेम्‍थानिमिम? गुमी गानीगोलामका पाह्रीथो़ कोम्‍सिम्‍डी, ओम्‍लो गानी येशू हेसाका ओलामका पाह्रीथो़ कोम्‍सिम्‍डिम ल्‍वान्‍नी मेम्‍साका ङा आथावो गुमी योमी।”

मत्ती 16:17

येशूका मेरामलाई र्‍वाम्‍डी, “योनाकु तारापाचो़ सिमोन, गाना जिनुङमा सो़। हेङालोने ओराम ल्‍वा मु़चु़लामका गाना सीसिट्‌नाम मेएँ, पाह्रीलाम आमा पापका रेम्‍बेम्‍डिम सो़।

मत्ती 16:28

आच्‍छाङा गो गानीलाई र्‍वाङु, आसिन्‍डा येम्‍तासिक्‍पामिमगोडाम कोङ-कोङका मिनीचो़लाई हपकु साखाम थो़ड्‌डा योक्‍तोङा बेपा मेल्‍वाथु़मसम्‍म उनी साम मेल।”

मर्कूस 9:1

मेकोतिमा गुमीका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, आसि येम्‍तासिट्‌पामिमडाम याङ-याङका माम्‍चु़नीकु किब्‍दी यु़मनुङ योक्‍पा मेल्‍वाथु़म उनीमा साम मेल।”

लूका 21:27

मेराम थारीका मिनीचो़ यु़म नुङ यु़म-झ्‍वाक्‍सीडा खासेडला योक्‍तोङा बेपा मेर्मिमका ल्‍वामी।

२ पत्रुस 1:16

इकी ङाचो़ येशू ख्रीष्‍ट छो़म यु़मनुङमा नुङ आथावो योमिमिमकु दुथाम गानीलाई गुकु थो़बेत्तोकोलो बाछेन्‍दा लिसिक्‍साका बनेबेम्‍मा सो़म्‍दी होप्‍माम सो़त्तोकोम मेबायावा। लावो उनी डोक्‍पु दु़म्‍सी गुकु आकी मिक्‍सीका ल्‍वात्तोको।