मर्कूस 13:24 - थुलुङ राई

²⁴ “लावो मे डोक्‍पु दु़खानेम-थारी दु़म्‍मिम चङडा नेप्‍सुङ केकेया दु़म, मा ख्‍लो़मुकु ओल वो दाम।

मर्कूस 13:24 Referans Kwoze

२ पत्रुस 3:10

लावो ङाचो़ योमिमिम मेरामनेम खुचु़वा होङङा मेमिम्‍मा नेम रो। पाह्री डोक्‍पु लो़लामका येमा दाम, मेगोडा बाट्‌पा खोत्‍ले मुका ख्‍यामी। सुबु नुङ सुबुडा बाट्पा खोत्‍ले पुयु़लुमी।

रेम्‍बेट्‌मिडिम ल्‍वा 20:11

मेम्‍मा कोले डोक्‍पु साखाम थो़पा बुबुयाम गन्‍खोप नुङ मेडला गन्‍तासिट्‌पालाई गो ल्वाउतो। उनी ङादोलामका सुबु नुङ धामु स्‍वाच्‍ची मा मेर्चिपकाम लागि बान्‍थो़ वो खोम मेबायावा।

२ पत्रुस 3:12

माम्‍चु़नी योमिमिमनेम गानी लन्‍थानी, मा मेराम थारी दालाङा रोबेन्‍मु माल्‍नी। मेनेम पाह्री मुका छो़रो़प दु़म मा मेसिन्‍डा बाट्‌पामिम खोत्‍ले मुसामका पिलियोमी।

मर्कूस 13:23

रेप्‍नी, गो गानीलाई ङादो ङा खोत्‍लेमथोक र्‍वाङडोम बु, मेम्‍मिमका चङचङया बानी वो।