मर्कूस 13:23 - थुलुङ राई

²³ रेप्‍नी, गो गानीलाई ङादो ङा खोत्‍लेमथोक र्‍वाङडोम बु, मेम्‍मिमका चङचङया बानी वो।

मर्कूस 13:23 Referans Kwoze

२ पत्रुस 3:17

मेम्‍मिमका द्‌वादीबुङ ङोप्‍सो़नी, ङादोङा ओराम ल्‍वा चक्‍निम लोवो चङचङया बानी। मेम्‍साका गानी डु़म्‍ला होम्‍साका मेदोपा मु़चु़मिमकु उनी ख्‍लो़सीका ताङताहेरथो़ मेलनिमा इनी येम्‍सिखोपलाम मेवाम्‍नी।

यूहन्‍ना 14:29

ओर्मिम खोत्‍ले ल्‍वा दु़म्‍मु ङादोङा गो गानीलाई र्‍वाङडोम बु, मा ओराम ल्‍वा दु़म्‍मु खाप्‍डु़लो गानी थो़र बोनी।

लूका 21:8

गुमीका मेर्मिमलाई र्‍वाम्‍डी, “चङचङया बानी वो, सु़का वो गानीलाई मेब्‍लो़म्‍निमिनु़। हेङालोने हापा मु़चु़मिम आमा नङडा, ‘गो ङा ख्रीष्‍ट’ र्‍वाक्‍तो रोमी। हुक्‍पाथारी रोक्‍फाड्‌डाम बु र्‍वामी लावो गानी मेर्मिमडला थो़र मेलु़नी वो।

मर्कूस 13:5

येशूका मेर्मिमनुङ र्‍वाम्‍डी, “चङचङया बानी वो! सु़का वो गानीलाई मेब्‍लो़म्‍निमिनु़।

लूका 21:34

“गानी चङचङया बानी, भ्रपा-भ्रपा पेत्तो नुङ डु़का सेसाका मा इनी मिरो़मकाम लागि मिम्‍ताम-सो़र्ताम बेपा मेदु़म्‍नी। मेम बेन्‍नी माला ने हादीबारामिम पेरडा हुमिमिम होङङा निया दु़म्‍पा थारी कोचोत्ति गानीडला रो।

मर्कूस 13:33

गो र्‍वाङुमिम जो़होमका थो़नी, मा चङचङया बानी वो! हेङालोने मेराम थारी हाम्‍सिका रोफा र्‍वाक्‍पा गानी मेचनी।

मर्कूस 13:9

“गानी इनी त्‍वाप ङा चङचङया बानी। मु़चु़मिमका गानीलाई अदालतबाडे लनिमी, मा घ्रो़म्‍दीनेमबाडे याल्‍निमी। मेकोतिमा हपमिम नुङ किब्‍दी साखामचो़मिमकु ङादोबाडे आमा नङकु दुथाम येम्‍सिबेनिमी। मेराम ङा गो सु़ र्‍वाक्‍पा रेम्‍बोनिमिम दु़म।

मत्ती 7:15

“उडलाम भेन्‍दा होङङा बेपा लावो ङिमलु़पा बडिमिम होप्‍माम माम्‍चु़नीलाम-जेपा लिसिक्‍पामिमडाम चङचङया बानी वो!

मत्ती 24:25

थो़नी, ओराम ल्‍वा गानीनुङ ङादोङा र्‍वाङ्‌डोम बु।

मर्कूस 13:22

झाम माला माम्‍चु़नीलाम छेट्‍मामिमलाई ब्‍लो़म्‍मु ख्रीष्‍ट लिसिपामिम नुङ माम्‍चु़नीलाम जेपा लिसिपामिम लुमी मा यु़म-खारी रेम्‍बोमु माल्‍मी।

मर्कूस 13:24

“लावो मे डोक्‍पु दु़खानेम-थारी दु़म्‍मिम चङडा नेप्‍सुङ केकेया दु़म, मा ख्‍लो़मुकु ओल वो दाम।