मर्कूस 13:22 - थुलुङ राई

²² झाम माला माम्‍चु़नीलाम छेट्‍मामिमलाई ब्‍लो़म्‍मु ख्रीष्‍ट लिसिपामिम नुङ माम्‍चु़नीलाम जेपा लिसिपामिम लुमी मा यु़म-खारी रेम्‍बोमु माल्‍मी।

मर्कूस 13:22 Referans Kwoze

मत्ती 24:24

हेङालोने ख्रीष्‍ट लिसिक्‍पामिम नुङ माम्‍चु़नीलाम-जेपा लिसिक्‍पामिम लुमी। मेम्‍मा झापा माला माम्‍चु़नीका उनी मु़चु़ दु़म्‍मु छेट्‌मिडिम मु़चु़मिमलाई वो ताङताहेरथो़ लमु लागि डोक्‍पुतो छेखोपमिम नुङ यु़मखारीमिम रेम्‍बोमी।

मर्कूस 13:6

‘गो गुङा’ र्‍वाक्‍तो आमा नङडा रोक्‍पा हापा ङा दु़म्‍मी, मा मेर्मिमका हापालाई ब्‍लो़म्‍मी।

१ यूहन्‍ना 2:26

गानीलाई ताङताहेरथो़ लमु माल्‍पा मेर्मिम मु़चु़कु दुथाम गो गानीलाई ओराम र्‍याक्‍तोङा बेउ।

मत्ती 7:15

“उडलाम भेन्‍दा होङङा बेपा लावो ङिमलु़पा बडिमिम होप्‍माम माम्‍चु़नीलाम-जेपा लिसिक्‍पामिमडाम चङचङया बानी वो!

रेम्‍बेट्‌मिडिम ल्‍वा 17:8

गाना ल्‍वान्‍नाम मे हादीबारा कोबिलि सामनुङमा बाइडा, लावो ओम्‍लो ने मिबु मा दिफु गु छु़ट मान्‍थिम घ्‍लु़म्‍पा पोलु़मलाम लुगे, मा उमा लागि र्‍वाक्‍मा होङङा पुयु़ ल। मेम्‍मा सुबुडाम मु़चु़मिम उहेममिमकु नङ सु़म्‍दिसेर प्रङ्‌सिमु ङादोङा त्‍वारो़मकु खाजेमडा र्‍यास्‍ताम मिबु मेर्मिमका मे हादीबारा ल्‍वामिमा ङाङाया दु़म्‍मी, हेङालोने मेराम कोबिलि बाइडा, ओम्‍लो ने मिबु मा दिफु रो।

१ यूहन्‍ना 2:19

ख्रीष्‍टकु कोर्थो़लाम बक्‍पा ओ मु़चु़मिम गुइनुङ लाम्‍दिपा थो़र लु़पामिम मेएँ, मेम्‍मिमका गुइलाई डिसाड्‌डामी। मेर्मिम मु़चु़ गुइनुङ लाम्‍दिपा थो़रलु़पामिम माला ने गुइनुङ बामिवा। लावो मेर्मिम सु़ वो गुइनुङ लाम्‍दिपा थो़र लु़पा मेएँ रेछा र्‍वाक्‍पा मेर्मिमका डिसाड्‌डामिमलामका रेम्‍बेम्‍डी।

यूहन्‍ना 4:48

येशूका मेरामलाई र्‍वाम्‍डी, “हेल्‍लो वो मेल्‍वानिवाम छेखोपमिम नुङ यु़मखारीमिम मेल्‍वाथु़मसम्‍म गानी हेल्‍लो वो थो़र मेबोनी।”

रेम्‍बेट्‌मिडिम ल्‍वा 13:8

मेम्‍मा सेट्‌मिडिम भेन्‍दाचो़कु त्‍वारो़मकु खाजेमडा सु़म्‍दिसेर प्रङ्‌सिमु ङादोङा नङ मेर्‍यासिट्‍पामिम खोत्‍लेका मे हादीबारालाई सेव सान्‍मी।

२ तिमोथी 2:19

लावो माम्‍चु़नीकु सिजेम हेल्‍लो वो मेदोपा लुङडला गट्‌मा जग होप्‍माम बु, मा मेसिन्‍डा ओराम मिक्‍छे बु, “ङाचो़का त्‍वाकु मु़चु़मिमलाई छेमी, मा माम्‍चु़नीकु नङ रपामिम खोत्‍ले मेजो़पा खारी बोमुडाम वाङ बुमिनु़।”

मर्कूस 13:21

रेप्‍नी, मेनेम कोङनिमका गानीलाई ‘ख्रीष्‍ट आसि बुमी, मेसि बुमी’ र्‍वामिलो थो़र मेलु़नी वो।

मर्कूस 13:23

रेप्‍नी, गो गानीलाई ङादो ङा खोत्‍लेमथोक र्‍वाङडोम बु, मेम्‍मिमका चङचङया बानी वो।

१ यूहन्‍ना 2:18

आमा चो़च्‍चो़मिम होप्‍माम मु़चु़नी, हुक्‍पा थारी ओरामङा सो़। ख्रीष्‍टकु कोर्थो़लाम बक्‍पा मु़चु़ रोक्‍तोङा लेडु़ र्‍वाक्‍पा गानी थो़न्‍निम होङङा ओम्‍लो वो ख्रीष्‍टकु कोर्थो़लाम बक्‍पा हापा मु़चु़मिम रोम्‍डिम बु। मेम्‍मिमका ओराम थारी हुक्‍पा थारी र्‍वाक्‍पा गुइ च।