मर्कूस 13:11 - थुलुङ राई

¹¹ मु़चु़मिमका चु़म्‍निमिमा लनिमिलो हाम जेमु र्‍वाक्‍साका मेङिनी, मेकोतिलो माम्‍चु़नीका हाम सीनिमी मे ङा जेनी, हेङालोने मेम्‍लो जेपा गानी मेएँ माम्‍चु़नी-पेल दु़म्‍मी।

मर्कूस 13:11 Referans Kwoze

थु़र्मा 6:10

लावो उहेम नेप्‍चीका नुङ पेललामका स्‍तिफनस जेस्‍ता, मेर्मिमका गुनुङ हाम वो जेमु ङा मेचाप्‍मिवा।

१ पत्रुस 1:12

माम्‍चु़नीका गुमीलाम-जेपामिमका जेम्‍डिम ल्‍वा मेर्मिमलाई जो़पा दु़म्‍पा मेएँ, लावो इनीमा लागि सो़ र्‍वाक्‍पा मेर्मिमनुङ रेम्‍बेम्‍डी। पाह्रीलामका माम्‍चु़नीका थु़र्मिडिम माम्‍चु़नी-पेलकु यु़मलामका मेर्मिमका गानीलाई थेसिथेन्‍बेट्‌निम बाइडा। ओराम ल्‍वा थेसिथेन्‍मु पाह्रीचो़मिमकाम वो छो़म उनी न बु।

१ कोरिन्थी 2:13

उहेम ल्‍वा गुकु जेकु मेर्मिम ल्‍वा मु़चु़कु नेप्‍चीलाम सीसिक्‍तोकोम मेएँ, लावो माम्‍चु़नी-पेलका सीत्तिकिम होम्‍साका माम्‍चु़नी-पेल ल्‍वापामिमलाई आच्‍छाङाकाम माम्‍चु़नी-पेलकु ल्‍वा सो़कु।

याकूब 1:5

लावो गानीगोडाम कोङनिमलाई नेप्‍ची चाइदु़म्‍पा बु माला न-थो़मनुङमा माम्‍चु़नीनुङ मेरामका बियु़नु़, मा मेरामलाई गुमीका ग्‍वामी। हेङालोने गानी खोत्‍लेका बिनिमिम ल्‍वाडा गुमीका मेभुर्साका छो़म ग्‍वानिमी।

एफिसी 3:5

ओराम ल्‍वा ङादोम मु़चु़मिम सु़लाई वो चबेट्‌मा मेबायावा, लावो ओम्‍लो माम्‍चु़नीका उनीमा पेललामका ओराम ल्‍वा उनीमा सेपा थु़र्मामिम नुङ माम्‍चु़नीलाम जेपामिमलाई रेम्‍बेट्‌मिडिम बु।

थु़र्मा 4:31

आरेसाका मेर्मिमका सो़म्‍दी बोमु डु़म्‍मिडी, मा मेर्मिम खोम्‍सिडिम बाय रुड्‌डु़। मेकोतिमा मेर्मिम खोत्‍लेङा माम्‍चु़नी-पेलका लु़न्‍सिम्‍डी, मा मेर्मिमका माम्‍चु़नीकु सिजेम मेङिसाका ङा दो़म्‍डी।

थु़र्मा 2:4

मेकोतिमा मेर्मिम खोत्‍ले माम्‍चु़नी-पेलका लु़न्‍सिम्‍डी, मा माम्‍चु़नी-पेलका ग्‍वाम्‍डिमिम जेसी होम्‍साका मेर्मिम वाङसामामिमकु ल्‍वाडा जेम्‍डी।

थु़र्मा 3:13

अब्राहाम, इसहाक नुङ याकूबकु माम्‍चु़नी, इकी बेब-पापकु माम्‍चु़नीका उनी त्‍वाकु डु़ल्‍चो़ येशूलाई उनी यु़म-झ्‍वाक्‍सीडा कोम्‍डी, गुमीलाई गानी चु़म्‍बेट्‌निमी। मेकोतिमा पिलातसका गुमीलाई डिन्‍मु न बु़डु़, लावो गानी गुमीलाई उ ङादोडा ङा रमु मेबिन्‍सिट्‌निवा।

यूहन्‍ना 3:27

यूहन्‍नाका र्‍वाक्‍ता, “माम्‍चु़नीका पाह्रीलामका मेग्‍वाक्‍थु़मसम्‍म सु़का हाम वो मेल्‍वासु़।

मर्कूस 13:9

“गानी इनी त्‍वाप ङा चङचङया बानी। मु़चु़मिमका गानीलाई अदालतबाडे लनिमी, मा घ्रो़म्‍दीनेमबाडे याल्‍निमी। मेकोतिमा हपमिम नुङ किब्‍दी साखामचो़मिमकु ङादोबाडे आमा नङकु दुथाम येम्‍सिबेनिमी। मेराम ङा गो सु़ र्‍वाक्‍पा रेम्‍बोनिमिम दु़म।

मत्ती 10:17

मु़चु़मिमडाम चङचङया बानी। मेर्मिमका गानीलाई अदालतमिमबाडे लनी, मा उनी घ्रो़म्‍दीनेममिमबाडे कोक्‍तेकु रिबाका याल्‍नी।

थु़र्मा 7:55

लावो स्‍तिफनस ने माम्‍चु़नी-पेलका लु़न्‍स्‍तामा पाह्रीथो़ किकिर्या रेप्‍डु़। मेकोतिमा गुका माम्‍चु़नीकु यु़म-झ्‍वाक्‍सी नुङ माम्‍चु़नीकु जो़पलाम येम्‍तासिट्‌मिडिम येशूलाई ल्‍वास्‍तु़।

थु़र्मा 6:15

मेकोतिलो मे डोक्‍पु घ्रो़म्‍दीडा बाट्‌पा खोत्‍लेका स्‍तिफनसलाई रेप्‍मिडिम-रेप्‍मिडिम ङा बेम्‍डी, मा स्‍तिफनसकु ङाली पाह्रीचो़कु ङाली होप्‍माम ङा ल्‍वाम्‍डी।

मर्कूस 13:12

“मेकोतिलो ल्‍वाकका वालाई, वाका ल्‍वाकलाई सेन्‍बेन्‍मी, मेम्‍साका ङा पापका चो़मिमलाई सेन्‍बेडु़मी। चो़च्‍चो़मिम माम-पापकामथो़ मेदु़म्‍मी, मा मेर्मिमलाई सेन्‍बेन्‍मी।

लूका 21:12

“लावो ओर्मिम खोत्‍ले ल्‍वामिम दु़म्‍मु ङादो गानी आमा सीसिपा दु़म्‍निमका मु़चु़मिमका गानीलाई चु़म्‍नी, मा इनी थो़मतेर्मी। घ्रो़म्‍दीनेममिमबाडे रो़-रो़न्‍थु़त्तो लनिमी मा झ्‍यालखानडा चनिमी। मेम्‍मा हपमिम नुङ किब्‍दी साखामचो़मिमकु ङादोडा हिलाहिसी बेप्‍डा येम्‍सिबेनिमी।