मर्कूस 13:10 - थुलुङ राई

¹⁰ ओर्मिम दु़म्‍मु ङादो ङा खोत्‍ले सामालाई जो़पा-सेला थो़बेन्‍मुमि बासी।

मर्कूस 13:10 Referans Kwoze

मत्ती 24:14

मेम्‍मा माम्‍चु़नीका साखाम थो़मिमिमकु दुथाममिम ओराम जो़पा-सेला सु़म्‍दिसेरडा मु़चु़मिमका थो़बेन्‍मी, मा खोत्‍ले मु़चु़का ओराम थो़मी। मेम्‍मा हुक्‍पा थारी रो।

कलस्‍सी 1:23

लावो गानी इनीमा नडा मेमुर्सिक्‍साका नुङ आनो-मेनो मेबासिक्‍साका थो़र बोमुम बुमु बासी, मा गानी जो़पा-सेला थो़न्‍निलो हाम-हुम ल्‍वापा न ल्‍वान्‍निम डिसिमेनु़। ओराम सेला माम्‍चु़नीकु खारीचो़मिमका सु़म्‍दिसेर खोत्‍लेथो़म मु़चु़मिमलाई थो़बेट्‌मिडी, मा गो पावल आ त्‍वाप वो ओराम सेला थो़बेट्‌पा सेलाचो़ दु़म्‍ङोडोम बु।

रेम्‍बेट्‌मिडिम ल्‍वा 14:6

मेम्‍मा कोङमी पाह्रीचो़ धामुकु थेतेडा हुट्‌पाम बाट्‌पा गो ल्‍वाउतो। सुबुडा बाट्‌पा खोत्‍ले नेब्‍दीमिम, दोचो़, ल्‍वा जेपामिम नुङ मु़चु़मिमलाई थो़बेन्‍मु हेल्‍लो लोवो बाट्‌पाम बाट्‌पा जो़पा-सेला गुनुङ बाइडा।

कलस्‍सी 1:6

मेराम जो़पा-सेला इनीमाडा रोक्‍ताम बु। सु़म्‍दिसेर खोत्‍लेथो़म हापा छो़म मु़चु़मिमका मेराम सेलाडा थो़र लु़मिम बुमी, मा मेराम जो़पा-सेलाका उनीमा बासी-दोसीडा जो़पा बु़डु़म बु। माम्‍चु़नीकु दिदाम गानी थो़न्‍नी मा आच्‍छाङा थेसिथेट्‌निलो आथाम मेराम सेलाका गानीगोडा वो मेमकाङा खारी बु़होम बु।

रोमी 10:18

मेम माला हाम मेर्मिमका थो़म्डिम मिबु? मेएँ मेर्मिमका थो़म्‍डी। “मेर्मिमकु लो़लाम खोत्‍ले सु़म्‍दिसेरडा फोन्‍सिड्‍डा मा मेर्मिमका र्‍वाम्‍डिम ल्‍वा सुबु बिर्खोपसम्‍म रोक्‍थिड्‍डा।”

मर्कूस 16:15

मेकोतिमा येशूका मेर्मिमनुङ र्‍वाम्‍डी, “सु़म्‍दिसेर खोत्‍लेथो़ लक्‍निमा खोत्‍ले मु़चु़मिमलाई जो़पा-सेला थो़बेट्‌नी।

रोमी 15:19

छेखोपमिम, हेल्‍लो वो मेल्‍वाम्‍मा यु़म खारीमिम मा माम्‍चु़नी-पेलकु यु़मलामका गो यरुशलेमडाम्‍मा इल्‍लुरिकन र्‍वाक्‍मा नेब्‍दीसम्‍म येशू ख्रीष्‍टकु दुथाम जो़पा-सेला जो़होमका दो़उतोम बु।

रोमी 1:8

खोत्‍लेडाम ङादो येशू ख्रीष्‍टलाम गानी खोत्‍लेकाम लागि गो माम्‍चु़नीलाई आलासो़ र्‍वाङु। हेङालोने येशू ख्रीष्‍टडाम इनीमा थो़रकु दुथाम सु़म्‍दिसेरडा खोत्‍लेथो़ थो़बेट्‍मा बु।

मत्ती 12:41

निया दु़म्मिम नेम निनवे शहरडाम मु़चु़मिम आथामबिलिम मु़चु़मिमकु कोर्थो़लाम बमी, मा मुमा बेन्‍मी। हेङालोने योनाका माम्‍चु़नीकु सिजेम थो़बेड्‌डु़मिलो मेर्मिम उनी छु़ललाम माम्‍चु़नीडा ख्‍लोम्‍सिम्‍डिम बाइडा। लावो ओराम चनी, योनाडाम वो डोक्‍पु कोङनिम आसिन्‍डा बु।