मर्कूस 12:6 - थुलुङ राई

⁶ “मेरामनुङ गुका छो़म द्‌वाक्‍तु़म कोले ङा उमा चो़ बाइडा। मेर्मिमका उमा चो़लाई ने जो़होमका ङा बोमी डे र्‍वाक्‍साका खोत्‍लेकु चङडा मेर्मिमकाडा थु़र्स्‍तु़।

मर्कूस 12:6 Referans Kwoze

यूहन्‍ना 1:34

गो ल्‍वाउतोम बु, मा सो़त्तोङा लेट्‌पु माम्‍चु़नीकु तारापाचो़ गुमीङा सो़।”

मत्ती 3:17

मेम्‍मा पाह्रीलामका कोङ लो़लामका आरे र्‍वाक्‍ता, “गो छो़म द्‌वाक्‍पुमिम ओराम आमा तारापाचो़, गुडाम गो छो़म गेर्सिक्‍पा बुङु।”

१ यूहन्‍ना 4:9

माम्‍चु़नीका गुइगोडा आरेसाका उनीमा रिखाम रेम्बेम्‍डी: येशूलाम गुइ नु़मु चाप्‍सिनु़ र्‍वाक्‍साका कोले कोङङा बाट्‌पा उनीमा तारापाचो़ गुमीका सु़म्‍दिसेरडा थु़र्मिडी।

हिब्रू 1:6

लावो खोत्‍लेडाम ङादो गक्‍पा उनीमा तारापाचो़लाई सु़म्‍दिसेरडा थु़र्मिडिलो गुमीका र्‍वाम्‍डी, “माम्‍चु़नीकु खोत्ले पाह्रीचो़मिमका गुमीलाई ङा सेव सान्‍मिनु़।”

यूहन्‍ना 5:23

मेम्‍साका पापलाई डोक्‍पु मिम्‍मिमिम होङङा तारापाचो़लाई वो डोक्‍पु मिम्‍मिनु़। तारापाचो़लाई डोक्‍पु मेमिम्‍पाका गुलाई थु़र्पा पापलाई वो डोक्‍पु मेमिम्‍मी।

यूहन्‍ना 3:35

पापका तारापाचो़लाई रिखाम बोमी, मा खोत्‍ले उनीमा ल्‍वाडाङा ग्‍वाम्‍डिम बु।

यूहन्‍ना 1:49

नथानेलका र्‍वाक्‍ता, “सीपा, गानी माम्‍चु़नीकु तारापाचो़, गानी इस्राएलडाम हप।”

यूहन्‍ना 1:18

सु़का वो माम्‍चु़नीलाई हेल्‍लो वो ल्‍वास्‍तु़म मिबु। पापनुङ बाट्‌पा माम्‍चु़नी होप्‍मामङा तारापाचो़का माम्‍चु़नीलाई रेम्‍बेसाड्‌डामिम बु।

यूहन्‍ना 1:14

सिजेम मु़चु़ दु़म्‍मिडी, मा गुकुगोडा बाम्‍डी। गुकु उनीमा यु़म-झ्‍वाक्‍सी ल्‍वात्तोको। मेराम यु़म-झ्‍वाक्‍सी पापकामलाम योक्‍पा कोलेङा तारापाचो़काम होप्‍माम छो़म दिदामनुङमा नुङ आच्‍छाङाकाम बाइडा।

लूका 9:35

मेकोतिमा खासेलामका कोले लो़लामका आरे र्‍वाक्‍ता, “ओराम आमा तारापाचो़, गुलाई गो छेत्तोम सो़। ओरामका र्‍वामिम थो़नी वो।”

लूका 3:22

मा माम्‍चु़नी-पेल तुक्‍तुकुर होङ्‍ङा बेपा गुमीडला योम्‍डी। मेम्‍मा पाह्रीलामका आरे र्‍वाक्‍पा लो़लाम जेस्‍ता, “गाना गो छो़म द्‌वानिमिम आमा तारापाचो़, गानाडाम गो छो़म गेर्सिद्‌वाक्‍पा बुङु।”

मर्कूस 9:7

मेकोतिमा मेसिन्‍डा खासे रोक्‍तामा मेर्मिमलाई हुप्‍डु़मी, मा खासेलामका कोङ लो़लामका र्‍वाम्‍डी, “ओराम गो छो़म द्‌वाक्‍पुमिम आमा चो़, ओरामका र्‍वामिम थो़नी।”

मर्कूस 1:11

मेकोतिमा पाह्रीलामका कोले लो़लामका आरे र्‍वाक्‍ता, “गाना गो छो़म द्‌वानिमिम आमा चो़, मा गानानुङ गो छो़म गेर्सिट्‌पा बुङु।”

मत्ती 26:63

लावो येशू वायवाय बाम्‍डी। डोक्‍पु ङाउ डु़म्‍लाचो़का गुमीलाई र्‍वाक्‍ता, “गो गानालाई र्‍वाङु, गाना माम्‍चु़नीकु चो़ ख्रीष्‍ट माला हेल्‍लो लोवो बाट्‌पाम बाट्‌पा माम्‍चु़नीकु नङडा कसम पेसाका गुकुनुङ सो़या।”

मत्ती 17:5

गु जेत्तोङा बु़डु़लो झ्‍वाक्‍पा खासेका मेर्मिमलाई हुप्‍डु़मी, मा मे खासेलामका कोले लो़लामका आरे र्‍वाक्‍ता, “ओराम गो छो़म द्‌वाक्‍पुमिम आमा तारापाचो़, ओरामडाम छो़म गेर्सिद्‌वाक्‍पा बुङु। ओरामका र्‍वामिम थो़नी।”

मत्ती 11:27

“आमा पापका खोत्‍ले ल्‍वा आमा ल्‍वाड्‌डा ग्‍वाङ्‌डिमिम बु। पापका कोङङा तारापाचो़लाई छेमी। तारापाचो़का कोङङा पापलाई छेडु़, मा तारापाचो़का सु़-सु़नुङ पापलाई छेबेपा न बु़, मेर्मिमका वो पापलाई छेमी।

मत्ती 1:23

“रेप्‍नी, कन्‍या मेसेम गोजु़मे दु़म, मा मेरामका कोले तारापाचो़ कक्‍सु़, गुमीलाई इम्‍मानुएल र्‍वामी, मेराम र्‍वामा ‘माम्‍चु़नी गुइनुङ बुमी’।”

मर्कूस 12:5

मेकोतिमा मेरामका आथावो ङा कोङमीलाई वो थु़र्स्‍तु़, लावो मेरामलाई मेर्मिमका सेट्‌मिडी। वाङमी वो हापा ङा मेरामका थु़र्स्‍तु़, लावो मेर्मिमका याङलाई याल्‍मिडी, याङलाई सेट्‌मिडी।

मर्कूस 12:7

“लावो मे बोम्‍थाम बेपामिमका र्‍वाम्‍डी, ‘ओराम ङा मेरामकु खाप्‍ची डार्पा चो़। लु, गुइ ओरामलाई वो सेडी मा गुका ल्‍वासु़मिम खोत्‍ले इकीमा ङा दु़म।’

३ यूहन्‍ना 1:1

मण्‍डली रेपा ङाउ गो यूहन्‍नाका आच्‍छाङा रिखाम बोनिमिम गायस, गानालाई गो ओराम सेलाखाजेम र्‍याक्‍तोङा बेउ।